الشيــم
روزا الجنـابي
متابعة تصويت تعليق بين الفقرات لُطفا.
حسان..
من طحِت وتراكمن حِزني اعلى حِزني
محد تدنى وكال موجود مَتني .
________________
وصلو مجموعة شباب وخمس بنات وياهم كعدن البنات بغرفة الضيوف يحجن هن و ماما ويسألن على لتين لهسه بعدهي بغرفتها. كالت وحده منهن
- نريد نشوف زوجة إيهاب ثكيل الدفعه مالتنه
ضحكت ماما :- هسه تجي وتشوفيها بنيتي
حجت الثانيه:- احنه والله كُلش نحب إيهاب فدوة خاله الله يحفظه الج
- حبييتي ويحفظ عمرچ ماماتي بنيتي
باوعت ماما بتجاه الباب وكالت بأبتسامة مرحه
- هاي زوجة إيهاب
ندارن على البااب ودخلت لتين بشكل ثاااااني من يمي نصدمت بشكلها وفساتها الاسود ومكياج الناعم وضايفه جماليه بلون الروج الاحمر واكسسوارات مناسبه كُلش ويَ الفستان الراقي. كعدت ورجعت شعرها على ظهرها بحركة انوثه
حورالعين - يا خاينه شنو هااي
باوعتلي وابتسمت ميلت جسمي عليها وهمست
- يا خاينه طالعه اطگين بالگاع
- شنووو!!
- ههه اقصد كلش حلوة
ابتسمت ورجعت كعدت عدل وحده من البنات اكلت لتين من راسها الرجليها وهي ابد ولا هتمت ولا حتى رتبكت قدمنا ضيافه ورحت للمطبخ احضر ضيافة الرياجيل دخل إيهاب ياخذ الضيافه وكال
- لتين وين
- يم البنات
- خما بيها شي
غمزتلها وحجيت بخباثه:- روح شوفها
عكد حاجبه وكفخني على راسي '- شبيج تغمزين
- بس روح شوفها وهسه تعرف
- نجبي لعد استعجلي
ضحكت وشلت صينية القهوة والتحلاية اخذهن وطلع رجعت يم البنات وهنه صوتهن عالي بالسوالف والضحك اسمع وحده منهن كالت
- خاله اليوم تتحملون اجيت و بشارب إيهاب رسبت واريده ينطيني مُلخص ضعت بليا والله
هزيت ايدي رحت بيها إيهاب ليوم شيخلصك بقو كاعدين طولو اكثر من ساعة وبعدين دخل إيهاب سلم عليهن وهنه اكلنه اكل بالسلام والمباركات باوع على لتين ورجع باوعلي غمزتله وهي وجهه صار احمر دم كالت وحده من البنات
- شوكت تمتحن لعد
أيهاب: - ايام ان شاءالله وابلش ماعندي شي
- نشوفك لعد ارجعنا انت ومُلخصاتك الحلوة فدوة مو ضعنا بلياك. انت غيب واحنه اكلناها كلنا دور ثاني
ابتسم بلُطف ورفع ايده لجيبه :- راجعلكم بس هل كم يوم وتدللون عادل وايسر هم ويانه بالدور الثاني
