Chapter 11
စုန့်ရန် မျက်လုံးများမှိတ်လိုက်ချိန်တွင် ထိုလူ၏ ဦးခေါင်းမှ ဆံချည်တစ်မျှင်အထိ စိတ်ကူးဖြင့် ပုံဖော်နိုင်ပေသည်။ သို့ရာတွင် ခဲတံကို စာရွက်ပေါ်ချလိုက်သည်နှင့် အရာအားလုံးကို ဖုံးကွယ်ထားလိုက်သကဲ့သို့ ဖြစ်သွားသည်။ သူ ထိတ်ထိတ်ပျာပျာဖြစ်သွားသော်လည်း အသေးစိတ်တွေးတောခြင်းကို မရပ်တန့်လိုက်နိုင်ပေ။ ပြန်လည်စဉ်းစားမိသည့် အချိန်တစ်စက္ကန့်တိုင်းတွင် သူ၏မှတ်ဉာဏ်အချို့ ပျက်ယွင်းသွားမည်ကို စိုးရိမ်နေမိသည်။ သို့ဖြစ်၍ အသက်ရှုမှားလောက်စရာ တဒင်္ဂအချိန်ကာလလေးက နောက်ဆုံးတွင် တစ်စထက်တစ်စ ဝေဝါးသွားပြီး ထပ်မံတွေးတော့ကြည့်၍ မရတော့ပေ။
ကောက်ကြောင်းကိုဆွဲပြီး အသေးစိတ်အချက်အလက်များကို အသားပေး၍ အရိပ်ထည့်လိုက်သည်။
ပုံတူကို လျင်မြန်စွာဆွဲပြီးသည့်နောက်တွင် စုန့်ရန်က အားလုံးကို စိတ်တိုင်းမကျဖြစ်နေသည်။ ကောင်ကြောင်းများက ဖရိုဖရဲဖြစ်ပြီး အရိပ်ထည့်ထားသည်ကလည်း ကြည့်ရန်ပင် ကြောက်စရာကောင်းနေကာ အရောင်ရောစပ်ခြင်းကလည်း အဆင်မပြေဖြစ်နေသည်။ ထိုလူ၏ ချောမောခံ့ညားမှု ၁%ကိုမှ မဖော်ပြနိုင်ဖြစ်နေသည်။
ခဏတာ စိတ်လိုက်မာန်ပါဖြစ်မှုကြောင့် ထိုစာရွက်လေးကို လုံးချေပြီး လွှင့်ပစ်မိလုနီးပါးဖြစ်သွားခဲ့ရသည်။
စိတ်လိုက်မာန်ပါဖြစ်ချိန် ကျော်လွန်သွားသည့်အခါ စုန့်ရန်က ဓမ္မဓိဋ္ဌာန်ကျကျ အကဲဖြတ်ခဲ့ပြီး သူ၏ကိုယ်ပိုင်လက်ရာက အမှန်တကယ် မှတ်သားဖွယ်ကောင်းသည်ဟု ခံစားခဲ့ရသည်။ ရုပ်ပုံ၏ ရှု့ထောင့်တိုင်းကို မကျေမနပ်ဖြစ်ရသည့် အကြောင်းရင်းမှာ သူ၏ လိုအပ်ချက်များ မြင့်မားလာစေရန် ရူးရူးမူးမူး ဖြစ်နေခြင်းကြောင့် ဖြစ်သည်။
သို့ဖြစ်၍ စုန့်ရန်က ဤပုံကြမ်းကို အမှတ်တရအဖြစ် ဘောင်ခတ်ပြီး သိမ်းဆည်းထားသည်။ မနက်တိုင်း မလုပ်မစမီတွင် ပုံကိုထုတ်ပြီး ၅မိနစ်ခန့် စေ့စေစပ်စပ်ကြည့်ပြီး သူ လျှို့ဝှက်ပြီးအားကျနေရသည့် နတ်ဘုရားနှင့် လက်ရှိတွင် တွဲနေရသကဲ့သို့ ဟန်ဆောင်နေသည်။
YOU ARE READING
နူးညံ့ရောင်ခြယ်(Completed)
RomanceThis is not my own story. English Title - Pastel Colours Author(s) Shi Jiu Yao 十九瑶 Translator - IQ Team