Chapter 47
တွေ့လား..ကျွန်တော် ကောင်းကောင်းမမှတ်မိဘူးဆိုတာက သူ့အပေါ် ခံစားချက်မနက်ရှိုင်းဘူးလို့ညွှန်ပြနေတာပဲလေ... သူက ဒီလောက်လည်းကြည့်မကောင်းပါဘူး...အဲ့ဒါကြောင့် ဒီတိုင်းလေးပဲထားလိုက်ကြမယ်လေနော်...ကျေးဇူးပြုပြီး ဒီကိစ္စကိုဆက်တွေးမနေပါနဲ့တော့...
သူ တိတ်တဆိတ်ဆုတောင်းလိုက်မိသည်။
သို့သော် ဟယ်ကျစ်ယွမ်က ဒီအတိုင်းမထားချေ။ သူက အတိအကျစတင်မေးလေသည်။
“အရပ်...”
ရှောင်ထွက်ရန်လမ်းမမြင်သည့်အတွက် စုန့်ရန်နာခံစွာဖြေကြားလိုက်သည်။
“၁၈၆ cm ပတ်လည်လောက်ဖြစ်မယ်...”
ဟယ်ကျစ်ယွမ် သူ၏အနေအထားကိုထိန်းညှိကာ ဗီရိုရှိကြည့်မှန်ကိုလှည့်လိုက်၏။ ကိုယ်လုံးပေါ်မှန်တွင် ခြေတံရှည်ရှည်များ၊ ကျယ်ပြန့်သောပုခုံးများ၊ သဟဇာတဖြစ်လှသော ကိုယ်ခန္ဓာအချိုးအစားများနှင့် ရှည်လျားဖြောင့်မတ်သည့်လူရိပ်တစ်ခုထင်ဟပ်နေကာ အပြစ်ဆိုစရာတစ်ကွက်မျှမရှိချေ။
၁၈၈ စင်တီမီတာ...သူနိုင်တယ်...
“ကိုယ်ခန္ဓာအချိုးအစား...”
သူဆက်မေးလိုက်သည်။
စုန့်ရန်က အမြန်တွေးလိုက်ကာ ရှက်ရွံစွာဖြေလိုက်၏။
“သူ့ခန္ဓာကိုယ်ကလည်း....တော်တော်လေးကြည့်လို့ကောင်းတယ်...အဝတ်ဝတ်လိုက်ရင်တော့ ပိန်ပါးသယောင်ထင်ရပေမယ့် အဝတ်တွေချွတ်လိုက်ရင် ကြွက်သားတွေရှိနေမယ့်ပုံမျိုးပဲ...အာ...ကျွန်တော် သူအဝတ်မပါပဲမမြင်ဖူးပါဘူးနော်...ဒါက...ဒါကအကြမ်းဖျဥ်းခန့်မှန်းကြည့်ရုံပါ...”
ကျင်လည်သောလှုပ်ရှားမှုများဖြင့် ဟယ်ကျစ်ယွမ် ခုနလေးမှတပ်ထားသော ကြယ်သီးအားလုံးကိုဖြုတ်လိုက်ကာ ကော်လံစများကိုဆွဲ၍ ရင်ဘတ်ကျယ်ကျယ်ဟလိုက်၏။
—ခိုင်မာသော ရင်အုပ်ကြွက်သားများ၊ ထင်ရှားသော abs များ၊ ဘောင်းဘီသားရည်ကြိုးအောက်သို့ဆင်းသက်သွားသည့် ရေသူမလိုင်းနှင့် ခွကြားရှိဖုဖောင်းနေသောနေရာ...
YOU ARE READING
နူးညံ့ရောင်ခြယ်(Completed)
عاطفيةThis is not my own story. English Title - Pastel Colours Author(s) Shi Jiu Yao 十九瑶 Translator - IQ Team
