قبل الفرح بيوم
ورد : مش مصدقه يا محمد إن خلاص هنتجوز اخيرا هتبقى فبيت واحد ... انت مش متخيل انا مبسوطه قد ايه
محمد : وانا كمان يا ورد
ورد : الله مالك كده انت جي تتقل عليا قبل الفرح بيوم ولا ايه
محمد: لا يا حبيبتي بس ورايا شغل دلوقتي لازم اقفل ... يلا سلام
محمد قفل مع ورد
ورد باستغراب: شغل ... شغل ايه اللي دلوقتي
حياه: عروستنا اتجننت ولا ايه بتكلمي نفسك ليه كده
ورد : لا ابدا يا حياه... بقولك ايه تفتكري بكرا هيبقى عامل ازاي انا متحمسه جدااا
حياه: بكرا هتبقى احلى عروسه في الدنيا دي كلها ... ونبي لتجيبي بوسه يا ام عيون خضرا
حياه حضنت ورد بحب و فرحه
ورد كمان بس كان قلبها مش مطمن كانت خايفه و بالذات بعد مكلمتها مع محمد حست أن فيه حاجه بس حاولت تبعد كل الأفكار السلبيه دي عن دماغها
سهاد دخلت للبنات الاوضه
سهاد: يلا يا بنات عشان ناكل ... عشان الست اللي جايه ترسم الحنه في الطريق
بعدين سهاد بصت لورد بحب
سهاد بحب و بدأت تعيط : مش مصدقه يا وردتي انك خلاص هتتجوزي
ورد حضنتها : طب ليه العياط بس ... والله الغي الجوازه دي حالا
حياه : لا تلغي مين بس انا لما صدقت
ورد : بقي كده يا كلبه ماشي
حياه : الله ده بضحك معاك يا راجل
سهاد ابتسمت بحب: ربنا يسعدكوا يا بنات يا رب ... يلا السفره جاهزه
البنات خرجوا بعدين سهاد اتنهدت بحزن و طلعت رقم اخوها و لكن مش بيرد كالعاده
خرجت برا و رسمت الابتسامه علي وشها تاني
عند محمد
تغريد بعياط : انا مصدقه يا محمد انت مشفتش عملت فيا ايه ولا بهدلتني ازاي قدام الناس
محمد : انت متأكده يا امي ورد متعملش كده ابدا
تغريد : بتكدب امك يا محمد
محمد : لا والله يا امي بس انت عارفه ورد طيبه اد ايه دي ..
تغريد بمقاطعه : تعالي يا دلال قولي لاخوكي الست ورد بتاعته عملت فينا ايه
دلال : بهدلت الدنيا امبارح ... ماما تقولها يا ورد نحط التلاجه برا عشان المطبخ ميبقاش ضيق تقوم هي مزعقه و بعلو صوتها و تقول انت كمان عايزه تتدخلي فحياتي مش كفايا اني جبتك انهارده و زعق جامد... انا مصدقتش انا قولت دي استحاله تكون ورد بنت عمنا ... الظاهر كده أن حد من خلانها لحس دماغها بكلمتيش ولا حاجه ... و مش بس كده دي زقت ماما قدام كل الموجودين
محمد بعصبية : ايه عملت ايه ...
تغريد : ليه بس كده يا دلال انا مكنتش ناويه أقوله
دلال: لا يا ماما هو لازم يعرف ... ورد اتغيرت اوي يا محمد الظاهر بعد ما ضمتك
دلال و تغريد فضلوا يقولوا كلام لمحمد يخليه يتعصب و يسخن جامد اوي علي ورد
لدرجه انه اتوعد لها أنه هيبهدلها قدام الكل في الفرح زي ما بهدلت امه قدام الناس
أنت تقرأ
ورد
Romanceضربني بالقلم قدام كل المعازيم و مسكني من شعري جامد و لسه هيكمل عليا جه اخوه بسرعه و بعده عني ... وقفت و انا مصدومه مش عارفه ليه عمل كده نظارات شماته من كل الناس و أولهم أمه و أخته دموعي كانت بتنزل من الصدمه مش مستوعبه مش ده محمد اللي حبيته ليه عم...
