(ချစ်သော သရပါ)
အခန်း(၁၄)
"On mountain tops sweet nwe-kyo creepers
Bloom midst other blooms
And thabye leaves and pet-sut flowers
Are once again pure bright colors
On the Festival of Tabaung
Tharaphi and Gangaw open into flower
And fragrance pervades everywhere
On Mount Popa"
ပီသသောစွမ်းထက်၏ လေယူလေသိမ်းနှင့် ဌာကရိုဏ်းကျစွာ ရွတ်ဖတ်ပြသော ကဗျာအား သူတို့အားလုံးငြိမ်သက်စွာ နားထောင်ရင်း ဒေါ်နွဲ့မူကြော်ကျွေးသော အကြော်စုံနှင့် ခပ်စပ်စပ်လေးဖျော်ထားသော မန်ကျည်းရည်အချဉ်လေးဖြင့် သရပါတို့ခြံဝိုင်းအတွင်း ဇိမ်ကျနေကြလေသည်။ ဘဘရွှေဘော်လည်း ပုဂံဘက်မှအစောကြီးပြန်ရောက်နေသောကြောင့် အုန်းယို၊အုန်းကပ်စေး၊ကရေကရာများ၊နှမ်းယိုပေါင်းများ ယူလာကာ စဝ်ခွန်ဆိုင်တို့နှင့်အတူ လာဝိုင်းဖွဲ့လေသည်။
"တယ်ဟုတ်ပါလား ကွ မြန်မာလိုလုပ်စမ်းပါဦး"
အဘရွှေဘော်ကချီးကျူးလိုက်လေ၏။
"တောင်ထိပ်ပေါ်မှာ နွယ်ချိုနှောလို့
ဥဩတွန်တဲ့လရာသီ ။
ဖက်ဆွတ်ကယ်သပြေပန်း၊လန်းပြန်ခဲ့ပြီ။
တပေါင်းလရယ်တဲ့ပွဲတော်မှီ ၊သရဖီနဲ့
ကံ့ကော်ပန်း ပုပ္ပါးတောင်တော်သာက မွှေးလာချက်ဆန်း "
စွမ်းထက်၏စကားအဆုံးတွင် သရပါကအကြော်ပလုပ်ပလောင်းနှင့်
" နေ့လယ်ကလေ ကိုဆိုင် တောင်ပေါ်မှာ တရားထိုင်တဲ့နည်းလေး ပြောပြပါလား "
စဝ်ခွန်ဆိုင်က ဘူးသီးကြော်အားအချဉ်ရည်နဲ့တို့စားပလုပ်ပလောင်းဝါးနေလေရာ သူမမှာ စဝ်ခွန်ဆိုင်ကိုကြည့်ကာ သဘောကျနေလေ၏။
"စွမ်းထက် မင်းပြောပြလိုက်ကွာ မင်းကပိုသိတယ် "
"အာ....မရပါဘူး အစ်ကိုပြောပြ"
သရပါကနှုတ်ခမ်းလေးစူကာဂျီကျလိုက်ရာ စဝ်ခွန်ဆိုင်လည်းချက်ချင်းပင် စားလက်စအားပစ်ချကာ သရဖီကမ်းပေးသောလက်သုတ်ပဝါနှင့် လက်ကိုသုတ်လိုက်ပြီး
"အဟမ်း... သခင်မလေး သရပါသိချင်တယ်အမိန့်ရှိတော့လည်း ပြောပြရတာပေါ့ဗျာ "
သူတို့နှစ်ဦးမှာ ပတ်ဝန်းကျင်ကိုပင်သတိမရရှာ၊ ဘေးကလူတွေကိုရှိသည်ဟုထင်ရဲ့လားမသိ... ဟောဒီဩကာသ လောကကြီးတွင် ယခုမှပေါက်ဖွားလာသော အာဒံနှင့်ဧဝ၊ပထမဆုံးလူသားနှစ်ဦးဟုမှတ်ယူနေပုံရလေသည်။
YOU ARE READING
Dear Tharapa
Romanceသရပါတို့ဘဝမှာ မေမေ ဒေါသအကြီးအကျယ်ထွက်တာကိုထိုစဉ်ကသူမ ပထမဆုံးမြင်ဖူးခြင်းပင်... ဖေဖေ့ကို ပစ္စည်းများဖြင့်ကောက်ပေါက်သည်။ အိမ်ထဲဝင်မခံ အိမ်ရှေ့ပေါက်ဝ တွင်ဖေဖေအိပ်ရသည် ။ ဖေဖေ ဝမ်းနည်း ငိုယိုပြီးတောင်းပန်သည် ...မရ ။ နောက်ဆုံး အိမ်ရှေ့ကပြင်မှာပဲ ဖေဖေ အိပ...
