Sponsor

အပိုင်း (၁၄)

Unicode

ကြည်လင်​နေတဲ့​ကောင်းကင်ထပ်မှာ အုံ့မှိုင်း​နေတဲ့မိုးသား​တွေ တက်လာ​သော​ကြောင့် ဂျီမင်းသည် ​ ကိုယ်စားလှယ်ဘတ် တင်ပြထား​သော စာရွက်စာတမ်း​​တွေကိုလက်မှတ်ထိုး​နေရင်း စိတ်ဆိုတာကလည်း ရာသီဥတုကိုလိုက်ပြီး မကြည်လင်​သော​ကြောင့် ​ဖောင်တိန်အားစားပွဲ​ပေါ်သို့ပစ်ချလိုက်ရင်း ထိုင်​​နေရာက​နေ ဖန်​တွေဖြင့်ကာထားရာ တစ်မြို့လုံးကိုမြင်ရ​သည့်မြင်ကွင်းက js company ကအ​ဆောက်အဦးများစွာထဲမှာအမြင်ဆုံးဖြစ်ရာ အ​ဝေးသိူ့လှမ်းကြည့်ရင်း ​ခေါင်းအားရှင်းရန်ကြိုးစားလိုက်သည်။

ရှုပ်​ထွေး​နေတဲ့ သူ့ဘဝထဲမှာ တွယ်မက်စရာ​ကောင်းလှသည့်အရာမရှိ​ပေ။ဖိတ်​​ခေါ်ရင်​ခြေသလုံးဖက်ကာ တွယ်တက်ကြမယ့်သူ​​တွေက အနားမှာတဝဲလည်လည်​လုပ်နေတတ်တဲ့ ​သွေးစုပ်ချင်တဲ့ခြင်​တွေလိုပဲ။ဟက်...ဘဝက ​ဖြောင်းဖြူး​နေတဲ့ကားလမ်း​လို့ဆိုရ​ပေမဲ့ အမြန်​မောင်းရင်လည်း​သေတတ်တာပဲ​လေ။

ဂျီမင်းသည် ခုံ​ပေါ်ကမီးခြစ်ကိုယူလိုက်ပြီး sobranie ​စီးကရက်အား မီးညှိကာ မှုတ်ထုတ်လိုက်ရင်း ဖုန်းအားထုတ်ကြည့်လိုက်​တော့ ​noti တက်​နေသည့် သတင်းက ​ဂျောင်ဂု၏လူ​ရွေးပွဲအတွက်အ​ရွေးခံရသည့်ပုံ​တွေပင်။​သေချာကြည့်မိရင် ဒီ​ကောင်​လေးပုံစံကို မသိစိတ်ကသိ​နေသလို​ကြောင့် ရုပ်တူ​တာ​တွေက ကမ္ဘာ​ပေါ်များစွာရှိကြတာပဲ​မဟုတ်လား။

ဖုန်း screen အား scroll လုပ်ရင်း comment ​တွေကိုဖတ်မိလိုက်​တော့သည်။ပတ်ဂျီမင်းတို့က sns ကို ​သေချာအချိန်​ပေးပြီးကြည့်တဲ့သူမဟုတ်​ပေမဲ့ ဒီတစ်ခါမှာ သူ့အတွက်အချိန်​တွေက ပိုလို​နေ၏။

​ရေးထာ​သော စကားလုံးတွေထဲမှာ  'mr.park ရဲ့ အသစ်လား' 'ကိုယ်​တွေ mr.park က​တော့ ​ရွေးတတ်ပါလား' '​ချောလိုက်တာ' 'mr.park ကပံ့ပိုးထားတာဆို​တော့လည်း support ရမှာ ငါတို့တာဝန်​ပေါ့'  ဆို​​သော စာသားအများများ​ကြောင့် ဂျီမင်းသည် တိုးတိတ်စွာပြုံးလိုက်မိ​တော့သည်။

လူတိုင်းလိုလို ပတ်ဂျီမင်း၏ ကိစ္စ​သေး​သေးမွှားမွှား​တွေကအစ စိတ်ဝင်တစားရှိ​တေကြသည်မှာ မထူးဆန်းပါ။