Non-Expired Love(မြင်းလှည်းသမားရဲ့ ခင်ပွန်းလေး - ဒုတိယတွဲ)[Completed]

Chapter 18_U

ရွှေရောင်ပန်းခက်ပန်းနွယ်နှင့် အဆင်တန်ဆာများ ဆင်မြန်းလို့ထားပြီး အလွန်ပင် လှပတင့်တယ်နေသော ကြီးကျယ်ခမ်းနားလှသည့် ခန်းမကြီးတစ်ခုအတွင်း။

မင်္ဂလာပွဲသို့ ကြွရောက်ချီးမြှင့်ကြသည့် ဧည့်ပရိတ်သတ်များအလယ်။

စင်မြင့်ထက်ရှိ မင်္ဂလာသတို့သားနှစ်ယောက်မှာ မျက်နှာချင်းဆိုင်အနေအထားဖြင့် ရပ်နေကြကာ တစ်ယောက်ကိုတစ်ယောက်ချစ်မြတ်နိုးစွာဖြင့် ကြည့်နေကြသည်။

ချစ်ရသူနှင့်ပေါင်းဖက်ရခြင်းဟူသော အကြောင်းတရားမှ ဖြစ်ပေါ်လာသည့် ပျော်ရွှင်ကြည်နူးမှုများကြောင့် သတို့သားနှစ်ယောက်၏ မျက်နှာထက် အပြုံးပန်းတို့က ဝေဆာနေလေ၏။

ထိုစင်မြင့်ထက်ရှိ သတို့သားနှစ်ယောက်မှာ တစ်ယောက်ကိုတစ်ယောက် သစ္စာရှိရှိနှင့် သေတပန်၊ သက်တစ်ဆုံးရိုးမြေကျပေါင်းသင်းသွားပါမည်ဆိုသည့် ကတိစကားများအားပေးအပ်ခဲ့ကြသည်။

လက်ထပ်လက်စွပ်များအား အချင်းချင်းလဲလှယ်လိုက်ကြပြီး အနမ်းခြင်းဖလှယ်မိတော့ ဧည့်ပရိတ်သတ်များထံမှ လက်ခုပ်ဩဘာသံများ ထွက်ပေါ်လို့လာ၏။

ထိုကြည်နူးဖွယ်မင်္ဂလာပွဲလေးအား လက်ရှိခန်းမအတွင်းမှ ဧည့်ပရိသတ်များတွင်သာမက A-connect မှတစ်ဆင့် တစ်နိုင်ငံလုံးမှ လူများပါ ကြည့်ရှု့နေကြတာဖြစ်သည်။

အကြောင်းကတော့ သတို့သားနှစ်ဦးအနက် တစ်ဦးမှာ နိုင်ငံကျော် ရုပ်ရှင်မင်းသားနှင့် အဆိုတော်တစ်ဦးဖြစ်သည့် သွင်မင်းခန့်ညားဖြစ်နေတာကြောင့်ပါပဲ။

သွင်မင်းခန့်ညားရဲ့ အသည်းနှလုံးပူတူးတူးလေး : "ဝူး ကိုကိုပျော်နေတာမြင်တော့ သဲငယ်လည်း ထပ်တူပျော်ရပါတယ် ... ကိုကိုနဲ့ ကိုကို့ရဲ့ခင်ပွန်းလည်း ပျော်ရွှင်သာယာတဲ့ဘဝလေး ပိုင်ဆိုင်နိုင်ပါစေလို့ မျက်ရည်တွေကြားနေကနေ ဆုတောင်းပေးလိုက်ပါတယ်နော်"

သွင်မင်းခန့်ညားရဲ့ ဇနီးလေး : "ကိုကို လုပ်ရက်တယ်နော် ... ဒီမှာ အသဲတွေကွဲနေပြီ သိရဲ့လား"

နံနံပင်ဟိတ်တာ : " အပေါ်ကတစ်ယောက် နာမည်လေးပြန်ပြောင်းဦး ဒုသနသော တွေဖြစ်ကုန်တော့မယ်"