(လက်ထပ်ပွဲကျင်းပရန်တစ်ပတ်အလို....)
"ကျွန်တော်...မနက်ဖြန် တစ်ရက်တော့ အကို့ကိုနောက်ဆုံးတစ်ကြိမ်လောက်တွေ့ခွင့်ရှိမလား....ဒီတစ်ခါပဲ ထပ်မတွေ့တော့ဘူးလို့ ကတိပေးတယ်..."
"မင်း ဒီနေ့လည်း...သူ့အိမ်ရှေ့ထိရောက်ခဲ့တာပဲလေ.....ငါပြောတာ မှန်ရဲ့လား...."
"အဟက်...ကျွန်တော့်နောက်ကို လူလွှတ်ထားတာပဲ...."
"မေမေ ဒီမင်္ဂလာပွဲနဲ့ ပတ်သက်ပြီး ဘာအမှားအယွင်းမှ အဖြစ်မခံနိုင်ဘူး...အဲ့ဒါကြောင့် မင်းနောက်ကို လိုက်ကြည့်ခိုင်းထားရုံလောက်ပါပဲ...."
"ကျွန်တော် ယောကျ်ားပါ....ပြောထားတဲ့အတိုင်းလုပ်မှာ....မေမေလည်း ကတိတည်ပေး...အကို့ ကိုမထိခိုက်နေသေးသ၍ ကျွန်တော်လည်း ကတိတည်မယ်......
မနက်ဖြန်တစ်ရက်ကတော့...နောက်ဆုံးအနေနဲ့ပါ.....ကျွန်တော်တောင်းပန်ပါတယ်.....ခွင့်ပြုပေးပါ...."
"ဟုတ်ပြီ....ခွင့်ပြုတယ်....သူလည်း ဒီမှာ ဆေးစစ်စရာတွေအကုန် စစ်ဆေးပြီးပြီဆိုတော့.....နောက်၃ရက်၄ရက်နေရင် စင်ကာပူ သွားရတော့မှာပဲလေ.....နောက်ဆုံးအနေနဲ့ ကောင်းကောင်းနှုတ်ဆက်ခဲ့....."
ကျွန်တော် လက်သီးကို တင်းနေအောင်ဆုပ်ထားမိတယ်.....ကျွန်တော်လေ နောက်ဘဝသာရှိမယ်ဆိုကျွန်တော့်မေမေလို မိခင်မျိုးနဲ့ ထပ်မဆုံချင်တော့ဘူး.....မဆုံပါရစေနဲ့တော့ လို့သာအထပ်ထပ်အခါခါ ဆုတောင်းမိတယ်.....
#########
တစ်ညလုံး အိပ်မပျော်ခဲ့ပါဘူး.....အရင်က အကိုနဲ့ Date လုပ်မယ်ဆို မနက်ခင်း နိုးလာကတည်းက တက်တက်ကြွကြွဖြစ်နေတတ်တာ....ဒီနေ့က အကိုနဲ့ နောက်ဆုံးအကြိမ်အဖြစ် အတူရှိရမယ်လို့ တွေးလိုက်တိုင်း ရင်ဘတ်ထဲကတဆစ်ဆစ်နာတယ်......
အကိုပြန်လာလို့ကျွန်တော်လက်ထပ်လိုက်တဲ့အကြောင်းသိသွားခဲ့ရင် အကို ကျွန်တော့်ကို အများကြီး မုန်းသွားမလား........
ဘာပဲဖြစ်ဖြစ် ဒီနေ့တော့ အကို့ရှေ့မှာ အတတ်နိုင်ဆုံးပျော်နေတဲ့ပုံဖြစ်အောင် ဘာမှမဖြစ်သလိုနေရမယ်.....ဒါမှ အကိုက စိတ်
ဖြောင့်ဖြောင့်နဲ့ဆေးသွားကုနိုင်မှာ......ပုံမှန်ထပ် ပိုပြီး သန့်နေအောင်ပြင်သွားရမယ်....အကိုက အဖြူရောင်ဆိုသိပ်ကြိုက်တာကြောင့် အဖြူရောင် ရှပ်အင်္ကျီလက်ရှည်တစ်ထည်နဲ့ အောက်က ဂျင်းပြာနုနု ကိုပဲ
ဝတ်လိုက်တယ်...ပြီးတော့ အကိုက fashion ဆိုင်သာဖွင့်ထားတာ အသစ်ပေါ်တဲ့ ဒီဇိုင်းဆန်းဆန်း အရောင်ရင့်ရင့်အဝတ်အစားတွေဆို သိပ်မျက်စိနောက်တယ်တဲ့....ဂျင်းဘောင်းဘီဆို ရိုးရိုးပဲ အပြဲပါတာတွေဘာတွေ ဝတ်သွားကြည့်ပါ့လား....လမ်းဘေးစတိုင်လ်နဲ့ဆိုပြီး ပြောတတ်သေးတာ.....
ESTÁS LEYENDO
One Day I Will Love You Back (completed)
Novela Juvenilပေါ့ပေါ့ပါးပါး လွတ်လွတ်လပ်လပ် နေတတ်တဲ့ ကောင်းကင်တံမံဆိုတဲ့ ကောင်လေးတစ်ယောက်ရဲ့ ဘဝထဲကို .... အကြောင်းတစ်ခုကြောင့် အခြောက်တွေကို အလွန်အကျွံ ရွံမုန်းတဲ့ trauma ရှိနေသူ ကဏ္ဍဦးတည် ဆိုတဲ့ လူ တစ်ယောက်ရောက်လာတဲ့အခါ....သူတို့နှစ်ယောက်ကြားထဲက အချစ်ဆိုတာဘယ်လ...
