بقلمي
زينب
تصويت
هل اسمر اللون ...هل اسمراني
تعبان ياكلب خيوه ..هواك رماني
يابو عيون وساع حطيت بكلبي وجاع
بعطيك سبع رباع خيوه
من العين رسمالي
ثكل جفوني وانا اسمع هاي الاغنيه
احسها زادتني تعب فوك تعبي
وخرت السماعه من اذني وانا ادخل الكيكه للفرن
فززني صوت خالد وهو ياخذ السماعه من يمي ويفلتها من تلفوني ويحطها التلفونه
_ها بنت الخال
ضحكت علي باستهزاء
_شنو صارلك ليلتين مجار موال ابن خااالي
كال وهو عيونه ب التلفون
_مالحك افتح بث
عفته ودخلت وانا كلي حسره
لحكني وهو يكول
_شنو مشتاقه البثوثي ولا احد افتقدني بكدج
_هيوو لتاخذ حجيي بغير نظره مو شغله مشتاقه البثوثك بس مفتقده كعدتك هنا وعرايكك ويه امي
كلتها وانا مختنكه حيل
عاف تلفونه وركز نظره علي
كال بصوت بي نبرت الهدوء
_انتي مفتقده امج مامفتقده صوتي
شكد ما احاول مابين انا قويه الكه نفسي غاطسه بوسط افكاري وكلامي وملامحي تفضحني
شتت افكاري وهو يكول
_افنان باعيلي
بقبت مدنكه ماكدرت احبس دموعي اكثر لكيت نفسي ابجي بلا وعي
جنت كاعده على بايه الدرج الاولى كعد وهو يحاول يباوع لوجهي
_افنان انتو هنا امانه يمنه ماريد اشوفج هيج مقهورة
بعدت عنه وانا احجي بكل حركت كلب
_يا امانه خالد يااا امانه احنه هنا زياده عليكم مو امانه ههههه امانه كال بلا امانه منو
امانه الوالد المانعرف وين الله حاط اراضيه لو امانه الوالده الختارت الدنيا وملذاتها على حسابنه
نرسمت ملامح الصدمه عليه وهو يكول
_هيج شايله بكلبج علينه
_مو عليكم خالد شايله بكلبي على نفسي شكد ظلمت نفسي وانا ابرر الامي
كمت من الدرج وانا ارجف ردت امشي استوقفني صوت خالد
_انتو هنا حسبت خوله مستحيل اقبل اشوفكم هيج حزنانين انتو مثل خواتي افنان لاتحسين نفسج غريبه ابد
عفته بدون ما اباوعله
دخلت للحمام فوك وانا افرك بصدري من الخنكه
_كافي افنان كافي تعذبين بروحج كافي
من اتذكر لللحظه العافتنه بيها امي اختنك اكثر واكول شلون راح اكمل حياتي شلون راح اتاقلم واعيش ويه وضعي
غسلت وجهي وانا راسي دايخ
دخلت على غرفتنه انا واصيل الي كاعده تدرس ومارفعت راسهه من دخلت بقت مدنكه ع الكتاب
لحد ماكالت
_افنان راستلج تجيبلي وياج كهوة مابيه حيل انزل
بدون ما اجاوبها نمت دايره وجهي ع الحايط
حسيت بلزمه ايد اصيل وهيه تكول
