بقلمي
زينب
....
بعد ماخلصت جزء جبير من محطتي
عرفت شنو احد يظلم الاخر
سمعت عن الظلم بس هسه عرفت معناه
شنو الفراق ب النبسه الي
كلشي صار يوم عن يوم اشوفه غيرني مو افنان القديمه مو افنان الجانت متهجمه ع المقابل بدون ماتنطي فرصه للمقابل يوضح اي شي عشت بمزاج متقلب بين خواني وبنيامين الي صارو كل عائلتي حاولت شكد ما اكدر ابين انا افنان انا قوية
محد بيهم يكسرني لا فائق ولا بنيامين جنت ماريد احس بنقص من خلتني امي وراحت مثل
طفله وتركتها امها هيج حسيت بوقتها ماتحملت اعيش اكثر ويه هذا الشعور اليذبحني جازفت بنفسي علمود خواني ما انكر شكد اذيت بنيامين اول ماعرفته بس هسه عرفت اختار و أثق باختياراتي
جريت نفس براحه وانا واكفه بين الحرمين طشيت جكليت وانا امشي باتجاه الامام العباس ع جنت طالبه شفاء مهيمن منه لحد ماطلعت تحاليل مهيمن سلبيه يعني مابي مرض خلص تعافى منه بيومها اجيت للامام دموعي وحدها تجري
ماكدر اوصف جزء من مشاعر الفرح جزء من تعبي وتعبه بدينه نجازه عليه باستني مره جبيرة ب العمر من راسي وهيه تندعيلي هذا الشي الاحبه ب النسوان العراقيه الحنيه الحب واللطافه والعطف خصوصا عن النسوان الكبار ب العمر
فرغت باقي الجكليت على راس مهيمن حضنته ابجي ما مصدكه مهيمن راح يرجع يمارس حياته طبيعي
مسحت وجهي اباوع البنيامين الي لازم مهدي من ايد ومهيمن من ايد ماعرف شلون اجازي هل انسان عشت سنتين من التعب بس اجتني لحظه ادراك الانسان عمره مراح يعيش تعبان راح يتعب ويستراح ب النهايه
رجفتي ودموع الفرح تختلف عن كل فرحه فرحتها بيومها خلصنه يوم حلو انا ومهدي ومهيمن وبنيامين بكربلا جنه الله ع الارض المكان الوحيد الي اول مره اجيه وانا مرتاحه اجيت اشكر ربي على نعمته الي واشكر اهل البيت عكس كل مره اجي وانا اطلب حاجه
رجعت للبيت جان دنيا ظهر من وصلنه
نزلت دايخه من الطريق
طلعت بوجهي زهراء بنت جيرانه هل طفله تموت على بنيامين وتتخبل من جرثومه
لكيتها حاطتلها شله شكبرها مال بنات وتغني
"سيارة حمره دعمت الصفره ارجع يماطور جيبلنه دكتور
دكتور هادي لابس تراجي تراجي امه وسليمه تطمه "
شافتني بدت تصفك وتغني بصوت عالي
"ست جعجوعه يعيوني لابسه الثوب زيتوني لابسه ساعه اللماعه تسوا كل الجماعه "
جانت عبالها صدك اسمي جعجوعه لان بنيامين كله جعجوعه يكلي ومقنعها اسمي هيج
ضحكت من كلبي على اغنيتها وين رجعتني لايام الطفولة بوسها بنيامين وهو ينطيها علبه دهينه
_عمو انا احب السمسمية ليش جايب دهنيه
