بقلمي
زينب
....
تصويت
تعليق بين الفقرات
.....
صياح جرثومه وهو يتلاوه ويه واحد
صوت الطلقه الخترق مسامعي واخذ حيل من حيلي وهيه تخترق ساق جرثومه وتطلع من الجهه الثانيه
طاح جرثومه بوجع طاح على حيله ونهد حيلي
باوعت للواكف يمي الرمه وصوت الطلقه ضل يصوصي باذني باوعت الجواهر ودموعي طاحت همست بصوتي المبحوح
_شسويتي بيه جواهر اجيتج جايبه كل حيلي هيج تهديني هد
ركضت على جرثومه الازم رجله وهو يصيح عليهم
_كل للك** التشتغل عنه خيطلع ويواجهني بوجهي مو يتختلف مثل الفيران هل ***
_كوم سراج كوم عفيه لاتعوفيني وحدي
ضمني الجو كتفه يريد يكوم وهو يصيح
_هيه هاي قوتكم ب الختلات
واحد بيهم طكه بالسلاح على راسه اباوع الجرثومه تمدد ب الكاع مغمي عليه
كل جسمي مايعيني اتحرك رجلي بادن ونملن باوعت الجواهر ودموعي تصب كمت على حيلي اباوع الجرثومه المتمدد وانا اهجم على جواهر جريتها من شعرها اضرب بيها
_هيج سويتي بيه ولج انتي اختي هيج تبيعيني للخيسيه بدل ماتحذريني منهم
سحبني واحد بيهم من شعري وهو يصعدني ب السياره وعيني مافاركت جرثومه اصيح بامل يكعد وهمه يجرون بيه
_سراج اكعد صحصح الله عليك لاتعوفني وحدي سرااج
غوشن عيوني وحيلي نهد صعدني وانا مجلبه ب باب السياره اصيح ماريد اصعد انادي بام جواهر واهلها اريد يطلعون
واحد بيهم حط كلينسه على خشمي مجرد ماشميتها ثكلن عيوني وماحسيت على روحي
صوت دكات عقارب الساعه تطن براسي اليوجعني
دنكت راسي وصحت بالم من الوجع
فتحت عيوني مامستوعبه نفسي
وسط غرفه اشبه ب المخزن ظلمه وحاره مابيها اي مصدر ضوا حته شباك بس ضوا الخفيف يفوت من الباب
كمت اتلمس ب الحايط مثل العميه اريد الكالي نقطه اضويه اشغل ضوا اشوف دربي وين
تلمست الباب دكيته حيل وانا اصيح
_منو هنااا سرااااج بنيااامين
بجيت مأيسه وانا اصيح باسمهم وارجف
دكيت الباب الى ان تعبت كعدت ورا الباب ابجي بيأس
وانا اناجي ربي ساعه اصرخ واغلط على روحي وعلى بنيامين وساعه اكول حسبي الله ونعم الوكيل على السوا هيج بيه
نمت لامه روحي وابجي بقهر
شسويت بروحي ليش طلعت ليش وثقت وين بنيامين عني هو هذا النعمان الجان ماخايف منه
