لا السيف يفعل بي ما انت فاعلةٌ
ولا لقاء عدوي مثل لقياك
لو باث سهم من الأعداء في كبدي
ما نال مني مانالته عيناك
بقلمي
زينب
اخوان تصويت وتعليق
وين مهيمن ومهدي
اشرلي للغرفه المقابلي وانا اروح الها بكل لهفه
مجرد فتحت الباب رجفت كلني كزبر جسمي وانا اكعد ب الكاع نهد حيلي على مهدي
نايم ورجله مجبره وزراك حول عينيه وكدمات بوجهه
طاحت دموعي بالم وانا اشوف وحشيه الضرب الي مبينه علي
شلت راسه الي ب الكاع وحطيته على رجلي
دموعي تغوش عيوني وتطيح من عيني لوجهه فز مرعوب يباوع بوجهي
حضنت وجهه الصدري وانا اشهك ب البجي
بعدني عنه وهو يكول
_المن اجيتي افنان المن قبلتي تجين
_علمودكم علمودك انت يبعد روحي محتركه روحي عليكم مجاي ارتاح بدونكم
كعد وهو يباوع للباب التفتت محد يم الباب وجع باوعلي وهو يكول بصوت بي غصه
_افنان رجعي الامي ترا يضربوج ياذوج روحي منا
_ماخليكم شلون اخليكم وحدكم
_احنه ولد ندبر روحنه بس طلعي منا فدوة اروحلج لا يلون ذراعج بينه نطلع منها بس اذا صرتي انتي هنا ماتطلعين
_منو مسوي بيك هيج هم تشوف مهيمن شلونه شلون صار وضعه
جنت احجي بكل لهفه ودي اضمه بروحي ولا اشوف نظره الانكسار البيه
_بنيامين هنا
هزيتله راسي باي
_بس سنديني اشوفه
كومته من مكانه وهو لاف ايده على كتفي ساند روحه
طلعته من الغرفه يمشي ع رجل وحده طلع بنيامين من المطبخ وبيده المس
_ها بطل صرت زين
تقرب يمه وخر مني وهو يحضن بنيامين
ويحاجي
_اخذها منا اروحلك فدوة بنيامين تموت بيد ابوي
بجيت بشهكه على خوف مهدي على الرعب الزارعه ابوي بداخله بعده جاي يحاجي ونفتح الباب
صار مهدي ورا ظهر بنيامين لازم تشيرته من ظهره التفتت اباوع ع الدخل ابوي عضيت شفتي بقهر وانا اباوع لبنيامين وعيوني تصب
سد الباب وتقدم ناحيتنه هو مبتسم ماحسيت اله طلع سلاحه من خصره وهو موجهه علي من خوفي ورعبتي وضحكته جلبت بزند بنيامين ضامه وجهي وراه
كلت وانا اهمس وراه
_شبيه هذا
الشيب مالي شعره بس بعده على طغيانه
ضحك وهو يكول واكف كدام بنيامين
_البزونه لابده ورا اليحميها ليش البزونه مالتي ماتحب خناكها
شديت ايدي الازمه بيها زند بنيامين ودموعي بللن تشيرته اباوع المهدي الي وضعه لايقل عن وضعي
