بقلمي
زينب
..
تصويت +تفاعلكم حبايبي
.....
امشي باسى بين شوارعنه القديمه
من وعيت ع الدنيا وانا هذا حالي
اليمته ناويه تتغير حياتي
كل ماكول الله فتحها بوجهي ارجع اسوء من قبل
دموعي تطيح وارجع امسحها
ماتحملت فكرة اعيش ويه رجال غريب ماتحملت فكره الغريب يعرفني اكثر مني
ماتحملت اشوف حب خواني اله ويشوفوه اهم مني يدافعوله ويحبوه
ماتحملت فكره امي عانت وانا ذميتها
ماتحملت اصيل الضلت وحدها ماتحمل القرف العايشه بي انا
شكد المقابل يشوفها سهله بس شكد صعبه علي جانت
اعوف اخواني ارجع اعوف امي اعوف اصيل
اصفى وحيده بين هذا كله
لان رفضت قذارة ابوي لان ماوكفت ويه امي لان راحت ودموعها على خدها
تخيلت امي تسافر بهذا وضعها تبجي وتجر بخيبتها شفتها بنفسي بنفس وكفتي ونفس دموعي
وكفت ع الشارع العام اجر سياره صعدت بتكسي وكول الطريق اشهك كل مايتخيلي شكل امي كل ماتذكرهم واحد واحد اشهك بدموعي وادعي على فائق
_وين اوصلج
باوعت للسايق الي صعدت وحته ماشفته
_لخطوة الامام علي
وصلني لخطوة الامام و انطيته الكروه جنت امشي ولازمه الفلوس بيدي عاصرتهن
نزعت حذائي وانا ادخل
حسيت المكان بارد دموعي نشفت ولبكتني على خدودي كعدت يم المنبر من الجانب وانا سانده راسي عليه
بجيت فكرت تعبت وانا استنجد ربي
طلعت للمحل كبال الخطوة اشتريت رصيد وخابرت على رقم امي وانا احاجيها بشهكه بس فتحت التلفون
_يمه
_يابعد امج انتي بخير افنان خوما سوالج شي
متكدرت اجاوبها من دموعي بس ابجي
_شسوالج افنان احجي كلبي جاي تكطعينه
_ماسوالي شي يمه بس ضايعه حيل ضايعه ماعرف نفسي وين انا شنو اريد شلون راح اكمل البقه من حياتي يمه تعبانه
_وين انتي هسه
_بخطوة الامام علي
_رجعي يم بنيامين بعد كلبي حبيبه رجعي يمه
صحت بيها بقهر
_بنيامين بنيامين كلكم تصيحون بنيامين ضحيت بنفسي علمود مهيمن بس مهيمن يصيح بنيامين حته فائق وحته انتي تردون بنيامين انتي وين تعرفينه شلون تكليلي ارجعله وهو الجابني يمهم اكلج جاي اموت يمه جاي اموت تكليلي بنيامين اعرف واحد تعب على نفسه وتعب على خواني بس مو لهل درجه تامنون بي
