انا شوك الغريب الكرب ولاح
انا حسرة هذاك الايس وراح
....
تصويت
بقلمي زينب
.....
وكفت كدام ابوي الي وكف بباب المطبخ بلل شفايفه بلسانه لعبت روحي من حركته كال وهو ياشر ليبرا
_جرثومه شعنده هنا
_متصاوبت
يعني اصدك هو مايعرف جرثومه متصاوب
جان بدون سلام وكلام دخل يسأل
باوعلي بنظرات خبث وهو يكول
_وانتي ليمته تضلين كاعده هنا
نصدمت من كلامه شنو قصده اليمته اضل هنا وهو جابني هنا
ماجان عندي جواب صريح احس لساني نعقد
اجه جرثومه وهو يسلم عليه ضربه ابوي على ايده
المتصاوبه وشوغ روحه بحجه الشقه ضحك عليه وهو يكول
_شبيك صاير رجيج
_مو هيج عمي اخخ
التفت علي وهو ياشرل عليه من فوك ليجوا
_هاي لشوكت تخلونها بينكم هيج
شكد استهضمت بداخلي ماعبالك بشر واكف كدامه كلت بنتر
_انته الجبتني هنا اشمر روحي للشارع يلا تفك عني
طلع جرثومه اباوعله يخابر برا وابوي يضحك باستهزاء
_شنو طالعلج لسان بزونتي الحلوة
لزم ايدي مهيمن يريد اسكت بس صدمني ابوي وهو يكول
_شنو مناويه تعرسين مو كبرتي بعد منو ياخذج
رجف كلبي من حجيه متلت عيوني بدموع مسحت عيوني قبل لاتطيح دموعي
دخل جرثومه وهو يحاجيه
_وين هل غيبه عمي
_هسه عوفك من عمك تعرف النعمان
_اي شلون ماعرفه
_اريد انطي افنان الابنه كرهن للصلح
بحجيه كسر اخر امل عندي نزلت دموعي بقهر وانا اباوع المهيمن صدمته لاتقل عن صدمتي شنو ينطيني ليش انا شنو كدامه فد سلعه ويتخلص مني
_شنو هل حجي عمي نسيت الغيهب على شنو كلك
_مو بكيفه بنيامين يوميه اله راي هذا يريد يلعب عليه
_مو هيج الحجي عمي ماتجي تقرر وراه على شي متفق وياه هذا الشي وهو الي يقرر لو نسيت
_شو بلا خابرلياه هذا وين يسخت
_خابرته هسه يجي
طلع ابوي من المطبخ وانا الزم ايدين مهيمن حيل واحاجي
_باع مهيمن نطلع منا نشرد من عدهم لو مهما كال راح نطلع اليوم فاهم لاتكلي غير هذا الشي
_مراح يتركوج النعمان لان ابوي مايحجي هيج اله مقرر وياهم ومتفق عليج الي صار البارحه والرمي جانت هاي نتيتهم هذا الي يردون يوصلوله همه مجاي يهددون بنيامين مثل ماكال بنيامين همه يردون بنت فائق عربون صلح
