...
بقلمي
زينب
....
تصويت
تنهدت من شفت فائق واكف يم بنيامين وانا اباوعلهم من ورا بردة الشباك
فائق منفعل يصيح على بنيامين شلون عربيد يخطب بت احسان يصيح عليه عبالك بنيامين الكله روح اخطب بعد صياح وحجي بين الطرفين طلع فائق
تنفست براحه ماسئل علي ولا اتحمل واشوفه من اخر سوايته وياي
طلع وبينامين سد الباب حيل وهو يدردم طلعت احاجي بعد مافرشت المهدي ومهيمن ينامون
_شبيك عبالك شايب تدردم
_هذا جرثومه الجلب طفر والطفره طفره من سمع بفائق عبالك انا الكلت العربيد اخطب هل حقير بس خيشوفني وجهه اله افلشه اله
_خيولي والله شايل هم لفائق
كعد وه يتنهد
_مثل ما انتي شايله هم الخولة
_ما انكر هذا الشي بس بالي عليها لان الصار بسببي
_سدي الموضوع نسدت نفسي
_انته هليام ماتطلع الشغل شلون جاي تدبر مصاريف البيت
_انتي شدخلج
_من سئلتك اذا تشتغل شغل حرام غلست
_صبرك ياربي يبااا شدخلج انتي
_باجر تاخذ مهيمن لو لا
_داهيه ياخذه
_بنيامين شنو جرثومه ياخذه انته شايف سياقه
_الله كريم
....
بعد مارفضت اسوي حفله احتراما المياسين ولحزنها او جنت ماخذه مياسين حجه لان ماريد حفله غير العقد
دخلت على مياسين واصيل وهنه يسولفن
بوستها وانا اكعد يمها العب بيدين درة رفعت راسي على سؤال مياسين
_بنات معقوله هاي الفتره ابوهن ماحن عليهن حته بطل يسأل ويطالب بيهن معقولة مايدري بالصار ولو امه اجت شلون مايدري
باوعت الاصيل المدمعه عيونها ثنينه نعرف السبب ثنينه نعرف وفاه زوجها لان سولفتلي اصيل
_يجوز مصدوم ب الخبر او يدري انتي مو بحال يطالب بدرة بعد
جرت نفس وهيه تكول
_مايهمني شي بعد غير دره
_اي لاتفكرين بهيج اشياء جانبيه لان بس تودخين نفسج
حاجت اصيل باستغراب
_شبي عبد وياج حته مايحجي وياج وطول الوكت روحه بخشمه مامتعودين عليه هيج
ضلت اصيل تسولفلها عن السبب ومياسين بس تهز راسها
_انتي رادلج كتله اصيل تشوفيني مهدود حيلي ومابيه اكوم بس صبريلي فتره ادبج والله
_لا دخيلج لاتصيرين الحماه القاسيه
_جا شعبالج انا حماه مو هين
صافنه على مياسين شكد تحاول تتعايش ويه الصار واخذتله اسابيع يلا استوعبت وكدرت توكف على حيلها
اباوع على نفسي ماخسرت شي بحياتي وهيج مهدود حيلي جا لو اخسر شخص غالي شيصير بيه اخذت نفس وانا احمد ربي واشكره على كل حال لزمت ايدي وهيه تكول
