بقلمي
زينب
...
تصويت
....
اسمعله بكل هدوء وانصات
وانا اريد يكول اكثر اريد يبرر اكثر بلكي كلبي يشفع الامي
جانت دمعه تجيبني ودمعه تردني لكلامه وانا اباوع العبدالله رافضه اصدك كلام الرجال الكاعد يحجي بعد ماسلم كعد وجان يحجي ويباوعلي بلهفه وهو يكول
_شلونج بنيتي
_الحمدالله عمو
ابتسم وهو يكول
_مشالله كبرانه ومحلوة انا عمج اخو الوالد
نقبض كلبي من كال عمج اعرف بفائق ماعنده خوان منين طلع هذا
_بس عمو ابوي ماعنده خوان
لزم ايدي عبدالله الكاعد يمي وهو يشدد لزمته على ايدي
وهو يكول
_انتي تدرين بامج جانت زغيره وبعمر مراهقه من تزوجت فائق
كمل كلامه الرجال وهو يكول
_تطلكت من فائق ورا فتره تزوجت اخوي وجان عندها بس طفله وحده اخوي جان بعثي المهم نكتل ورجعت امج ارمله رجعت الفائق وهيه حامل بيج حاولت تقنعه هيه حامل من عنده بس ماصدكها فائق اخوي قبل لا يموت جان خايف حيل وحاس راح يموت وصاني على امج والطفل البطنها وهياتني ضليت سنين احاول اوصل الامج بس فائق جان اسمه سابقه وكدرت اتواصل ويه ابن خالج وامج محد يعرف ب الموضوع غيرهم
التفتت على عبدالله عيوني مغرغره ب الدموع همست باذنه بصوت ناصي
_عبد هذا الرجال المخبل منين جايبه
مسح عيوني وهو يلف ايده على كتفي
ويحجي يم وجهي
_هاي الحقيقه اصيل انتي بتهم مو بت فائق امج ماتريدني وياج لان اعرف بالموضوع وابوي وعمي احسان يعرفون هم بس عمو احمد مايعرف عملود هيج رادت تتزوجين طارق علمود لاياخذونج عمامج وب الاخص طارق لان مايعرف شي عن حياتج والماضي عبالها راح يجي يوم واذيج وانبهج منو ابوج بس انا جاي اخليج كدام الحقيقه من هسه مايهون عليه حيرتج البعيونج
نترت ايدي منه وانا اكوم اصيح عليهم وعيوني تصب
_انتم كلكم جذابين خصوصي انته عبد جاي تجذب عليه جايب رجال مادري منين هيج يحجي انته ماتريدني بس بعناد طارق مخليني انا بوجه المدفع رجعني للبيت عوف هاي المهزله التسويها
عت ايدي وهو يوكف كبالي
_اصيل مايهمني منو ابوج منو امج انا اريدج الج
دفعته اصرخ عليه بكل قوتي والطم على وجهي
_اكلك رجعني كافي تجذب عليه كافي تكسرون بيه بيمن امن بعد
وخر ايدي من وجهي وهو يحضني قيد ايديه استسلمت بس ابجي بصوت ضامه راسي بصدرة ماريد اشوف الكاعد كبالي مسح على راسي وهو يكول
_مو لازم تفرحين ابوج مو فائق وماله علاقه بيج
بعدت عنه اشهك بحجيي
_افرح لان امي ظلمتني ويه فائق لو ابجي لان عيشتني بجذبه عن شنو ابجي دوم اتسأل ليش امي ماتخاف علي بكد ماتخاف على افنان من فائق بس هذا الجواب امي ضمت علينه هيج موضوع كسرتني امي عبدالله كسرتني وهدت حيلي
