بقلمي
زينب
...
تصويت + تعليق بين الفقرات
......
_عربيد رجعني للجامعه لو للبيت
ضحك بصوت وهو يكول
_شبيج خفتي هسه صدك ماخذج للشقه انا
الكدامي حجر ماعنده مشاعر
خلصت عمري مافضفض الاحد ماعندي صديق مقرب من اجت يمي اصيل صارت اكثر من اختي لان انا ماعندي اخت صرت اجرب شعور اختج تسندج اختج تعينج
توني بديت احس ابواب الدنيا نفتحت بوجهي بس طلعلي عربيد صفح خربلي كل امالي سندت راسي ع الكشن روحي تعبانه نزلت دموعي مستهضمه احاجيه بهدوء
_دوم اكول يجوز اكبر والله يعوضني بشخص يحبني ويصيرلي كل الناس شكد قريبه من امي وابوي بس ماحجيلهم شي شكد يحبوني خواني بس علاقتي وياهم سوالف وضحك ماخذه الدنيا بفكاهه واطنش كلشي بس من اجيت انته فقدت هذا الامل البسيط ايام وانسى هاي حياتي البسيطه واصير اتمنها محد اذاني بكدك وخلاني ماعرف ليلي من نهاري ماعمري جربت شعور انام تعبانه لو اشهك بجيي مايوم نمت وانا اون من القهر والتعب بس بعدني توا عرفتك وجربت اصعب شي يمر ع الشخص لو اعيش وياك شنو اتوقع بحياتي الجايه
احجي وهو ساكت فتحت عيوني امسح دموعي وانا انزل بفرع البيت بدون ما اباوعله قبل لا افوت التفتت عليه
مثل المره القبلها نازل من السياره يباوعلي فتت للبيت بدون ماعيرله اهميه
تلكتني امي وهيه تكول
_بعد وكت خوله ويامن رجعتي
_خلصنه محاضرات والدكتور ماجاي مال اخر محاضره جابتني ساره ويه خطها
_بس يمه توا رحتي
_خلصت يمه شسوي ضاله بالجامعه
دخلت الغرفتي وانا احجي
شمرت نفسي ع السرير صافنه ع السكف ماعندي اي ردة فعل بداخلي اريد اصرخ وابجي الطم اسوي شي بنفسي اخلص من هذا القهر بس ظاهريا انا انسانه هزيله مابيها حيل حته توكف
نفتح الباب وامي تدخل كعدت يمي تحجي
_شبيج خوخه مو عادتج هيج
_يمه الفلاونزه بعدهي بيه عظامي توجعني
_لا ماتوجعج عظامج من الفلاونزه انتي طول الوكت نايمه ماعرف شبيج يايمه اذا ع الخطبه خيولي اذا ماتردين قابل نجبرج لو تجبرين روحج
_لا يمه قابله والله بس كتلج عظامي توجعني ومنا عندي هواي دراسه متثاكله منها
_هسه كومي اكلي وانوب درسي
هزيت راسي موافقه وانا اغسل وابدل كعدت وياهم ع الغده بس انا وامي وابوي خابر ماجد علي كتله رجعت
وضل يصيح جنت مابيه حيل حته اجاوبه انطيته الابوي يجاوبه وهو يصيح شلون ترجع ويه صاحبتها لدرجه حسيته مامصدك بيه سد التلفون ودخل خالد باوعله ابوي يكله
