عيناك ليال صيفيه
ورؤى وقصائد ورديه
ورسائل حب هاربه
من كتب الشوق المنسيه
بقلمي
زينب
....
_جربي تلعبين وياي اصيل صدكي تخسرين نفسج مو انا الي تلعبين وياه ترا اغطج الشط واطلعج ناشفه
فتحت عيوني متفاجاه من كلامه جان حيل جدي ومبين علي شكد ضايج كانو انا مسويتله شي
_على اي اساس اخسر نفسي انت ابن خالي على عيني وراسي بس ابد مايحقلك تحجي وياي هيج حجي ب النهايه انا مامذيتك بشي
بلع ريكه وهو يكول
_انتي تستغبين مو قبل نص ساعه منو جان يحاجيني
_مجاي افهمك شحاجيه وياك قبل نص ساعه انت ب البيت اجهز نفسي يمته حاجيتك بعد ليكون زعلت لان حاجيتك على اخوي
فرك وجهه وهو ينفخ
ماحجه شي غير فتح تلفونه وحطه بيدي
باوعت للرقم رقمي ونزلت عيني ع المحادثه من الاول باديها الي
ورا رسالة البارحه انا راجعه دازه رساله وجان وقتها ب ٨ ورا الفطور يعني
_عبدالله بعد دير بالك تباوعلي بغير نظره انا اعتبرك اخوي لا اكثر مو حسبالك اخذ وانطي وياك ب الحجي يعني ميته عليك
راجع هو داز
_ ادري بيج لسان بس مادري بيج خبله شنو مناسبه هل حجي ميته علي ماميته ومنو كلج اساسا انا مباوعلج
_انا ملاحظتك من فتره بس حبيت انبهك مو انا الي اناسبك تلكه الف وحده غيري
_دروحي ميت عليج بابا خاف صدكتي نفسج لان اشاقيج لان مايهون علي اشوف زعلج هسه هيج صرت بس انعم الله عليج ماقصرتي ماعرفتج هيج اصيل
_الوقت كلش مناسب علمود تعرفني وهسه عرفتني شنو اجيت من الشوارع ومحد يوكف بوجهي لا ام ولا اب وانت باجر عكبه لو تزوجت خو ماتناسبك هيج وحده
هاي اخر رساله جانت وبعد ماداز شي
طول ماقرا ايدي ترجف رفعت راسي وانا مدمعه
دخلت بصدمه هاي منو مسوي هيج معقوله انا ومادري بروحي وصلت مرحله اشك بنفسي
_عبدالله هاي مو انا اصلا مالحكت ادز شي اسأل
جاي احجي وياه وسحب التلفون من ايدي وراح يتمشه ناحيه كراج السيارات
كمت وراح وكلني ارجف ودايخه معقوله هاي انا لو معقوله احد لازم تلفوني
شفته صعد بسيارته رحت وراه اجيت افتح الباب لكيته قافلها دكيت الجامه حيل وانا اكله
_افتح اريد احجي وياك
فتح الباب وانا اصعد يمه كدام
التفتت عليه احاجيه
_عبدالله تتوقع هاي انا والله مو انا اصلا مادري بالتلفون وين من امس حاجيتك انوب خابرني خالد الفجر
ضليت نايمه للظهر اجتنه امي ولتهينه ب الصار ابد ماصعدت فوك غير بليل ورا ماجيت انته ابد مالحكت افتح التلفون ولا اجه على بالي
