كَد زعلنَا ، شكَد رضينَا
شكَد تعاتبنَا وحچينَا ..
ما بُرد عنك حنيّني
وكَلبي أبد ما كَلي إنسى
ولك شمّا حصل بينك وبينّي
الحُب إلك ظل هوَنفسَة .
بقلمي
زينب
............
تصويت
تعليق بين الفقرات
...
اصيل...اذا ترحين مراح ترجعين عفيه افنان خليج يمي
على اثر اصواتنه طلع خالو احسان ومرته وخوله نزلت ورانه
كال خالو الماجد وهو مستغرب وضعنه
_شبيكم يابه
_افنان تعرف ابوها وين واريد اخذها تشوف اخوانها
_منو سمحلك تاخذها اخذتو شوري كتولي
_لا يابه بس الموضوع مستعجل
_ماكو طلعه
باوعت بعيون ماجد بترجي
_اخوها مريض لازم تشوفه
خالو كانو تخبل من سمع بابوي نكلب انسان ثاني كال بصياح وهو يخصم الموضوع
_كتلكم ماترحون وماتخطى عتبت الباب سدووو المووضوع
_خالو اريد اروح كلبي محترك على خواني بس اشوفهم
هز راسه بلا
كعدت على بايه الدرج وانا ابجي وحاطه ايدي على وجهي
دنكت المستواي اصيل حضنتني وهيه تمسح دموعي
كومتني لغرفتي وماجد طلع من البيت بعد مارجع خالو الغرفته
ذبيت نفسي ع الفراش وانا مايسه من كل حياتي
غمضت عيوني حيل ماريد افكر بشي
من اتخيل مهيمن يتوجع من اتخيل اللحظه العرف بمرضه من اتخيل شلون ياخذ كيماوي
شلون حلق شعره شلون متحمل الالم
روحي تطلع
_كلبي ياذيني على ميهمن
حاجيت اصيل وانا اشهك ب البجي كالت وهيه صافنه ب الفراغ
_شنو المسويه ابوي ومخلي خالو هيج يتخبل من طاريه
جريت التلفون وانا اخابر امي جنت حيل محتاجتها يمي
بس فتحت خط ضليت اشهك ماكدر احجي حيل مستهضمه منها
اجاني صوتها الملهوف بخوف
_شبيج يمه منو وياج حبيبه
سديت الخط والغصه بلعومي ماكدر احجي من كد مامستهضمه نزلت جوا لغرفه خالي بدون مادك الباب لكيته كاعد ع السرير ولابتوبه بحضنه
مسحت دموعي وانا ماشوف من غواش عيوني
اشرلي بيده اروح يمه
كعدت كباله وانا اكله بين شهكاتي
_صحيح انا ماعرفكم زين صحيح انتو الشي الحلو بحاتنه الي صار باخر فتره بس خالي يبقون خواني او اكثر من هيج يبقون اولادي مثل اولادي هذول شلون تتحمل ماجد او خالد يتمرض وبس تتحسر على شوفته ب الصور
