بقلمي
زينب
.....
بنيامين مليان دم ينزل من راسه وهو لازم راسه من ورا بحيث تشيرته الابيض كله دم
وجرثومه يضحك بقوة ويكله
_خايب تبقه اعوج على كولة افنان صدك اعوج وحظك هم اعوج
دفره بطنه وهو يفوت
نرعبت الصراحه من شفت راسه رحت لوراه اوخر ايده من راسه ماعرف منين ينزل الدم
_يمه بنيامين هاي بيش طاكيك
يمشي وانا امشي وراه حط راسه جوا الماي ب السنك يغسل
_هذول جهال يتعاكون وصارتلك ب الطابوك بس نزل بنيامين من السياره اجته تركض الطابوكه بويه شلون فشخه ماتتمناها العدوك
_عود صدك هذا الدم كله من ورا طابوكه
_ترا طابوكه طابوكه قويه مو عبالج صلبوخ لو فرمستون
رحت اجيب ديتول وهو مستمر مخلي راسه جوا الماي سديت الماي احاجيه
_راسك جمد الماي بارد
_عوفي خلي يكطع دم
_اكعد هنا بنيامين
حطيت يمه كرسي وكعد حطيت ديتول على راسه وكطن لفيته بشاش
مسحت الدم البراسه وركبته وجرثومه كاعد ع الكاونتر
_والعباس فوخ كلبي هل فرخ
_كون بيك جرثومه عليمن فوخ كلبك
جاي احاجيه وحسيت شي بحلكي تلمست الدم النازل من خشمي جابتلي عاتكه كلينس وهيه ترفع راسي
خرسيت من شفت خشمي يصب دم
_حللل هاي نتيجه المايردلي الخير
_وين مهدي
_يلم غراضكم ويجيبه ازهر شوي ويجي
كالها وهو يباوع على عاتكه ماكانو انا احاجيه صاح بي بنيامين بصوت
_تطلع لا اكسر راسك الك
_شسويت هو انا
خزره بنيامين وهو ياشرله بارسه على عاتكه لان انتبهت عليه من يباوعلها
_ماطلع شنو بيت الخلفك
_لا بيت الخلفك انته شعندك مكابلني اربعه وعشرين ساعه
_عمي مرتك طردتني وسكتت هسه انته تطردني ترا ناصايره هاي بنامين
سكت عنه بنيامين وهو يباوع العاتكه كمل كلامه
_كسر بيدك كون ياسامي ياحقير خربت وجوه الفرخات كون
جاي يحجي وندك الباب جان بس جرثومه الصاحي بينه طلع يفتح الباب
دخل وراه بنيه زغيره دخلت تباوعلنه واحد واحد شافت بنيامين راحت يمه تحجي
_عمو انا اسفه ماريد اعورك بس انته اجيت بطريقي
_جا انتي الطكيتي ابنه لو اخوج
_لا عمو انا
_فلك فلكجن بنات هل وكت ماينكدرلجن لازمات سجاجينجن وطابوكجن وتصكعن ب العالم عبالجن ولد العالم تايهه الجن
