الدجى (5 ميل)

part 27

بارت ثاني هديه

بقلمي
زينب
.......
تصويت
تعليقكم

.....

حطيت راسي بين رجليه نزلت دموعي وانا احاجيه
_انته شعرفك احب هذا المكان

_زغيره تجين هنا تلعبين لحد ماصارت عاده عدكم كل خميس تجون هنا مرات تتعشون كبرتي وصرتو ماتجون وامج خافت تطلعكم من البيت بسبب فائق من طلع من السجن صرتي تطلعين من الجامعه وتجين هنا خصوصا ب الشته تضلين ب الساعات كاعده

كاعد لاف ايديه على رجليه حاضنهن
حاجيته بين دموعي

_اكرهك تعرف شنو اكرهك ضليت مراقبني طول حياتي وانا ماعرفك ليش ماشايفتك قبل ليش ولا يوم لاحظتك
انته منين تعرفنه واحنه زغار شنو علاقتك بينه وبامي وبفائق ليش جايبني لهنا تعرف هذا المكان الوحيد الي كل ماتضيك بيه الدنيا اجي هنا احاول اتنفس من صدك من تتراكم عليه السوالف والتعب وحدي مالكه شي يسندني غير هل مكان يذكرني بلمتنه واحنه اطفال ماتذكر كلشي صحيح بس يجي بالي هوامش من كعدتنه هنا وضحك امي ويانه

دنيت صرت كباله مسحت عيوني احاجيه

_انته منين تعرفني بنيامين ماشي ماريد اعرف منين انته وشنو اصلك بس اريد اعرف منين تعرفني

فتح تلفونه داره علي وانا ع الخلفيه صورة قديمه ولد بعمر ال١٥ سنه شايل طفله بعمر الاشهر

مسحت عيوني المغوشات بدموعي وانا اخذ التلفون من ايده اركز ب الصورة هاي الطفله انا متاكده انا عندي صور ورقيه وانا هيج زغيره باوعت لبنيامين ورجعت باوعت للصورة نفس الابتسامه ونفس الملاح

حجيت بصوتي اليرجف
_بنيامين هاي انا

_واليمج انا

_بس شلون هيج بنيامين راح تخبلني انا ماعرفك ماشايفتك شلون هيج

اخذ التلفون مني وهو يتربع ويحجي بهدوء عكسي انا المحتركه روحي والداخله بصدمه حته ماعرف شحجي

_جنتي زغيره من اجي ويه فائق الكم اصلا قبل لاتصيرين انا اجيكم من صرتي حيل تعلقت بيج اول مره اشيل طفله والعب ويه طفله كل ماتحتاج شي امج اطلع كبل اشتريلها طول الوكت مكابلكم وكاعد خصوصا من صار عمرج كم شهر وبيديتي تنتبهين سوالفج جنت اضمهن بروحي

بس فائق من شافني هيج ماقبل ضل ياخذني لبيتنه غصبا علي حته ضل يطردني اخر شي ايس لو مهما يسوي اجي وصا جيرانكم ابو للمحل يكله من اجي

وسواها صدك وكله وصل مرحله حته يكتلني امج من شافتني هيج ضليت من اجي ماتفتح الباب علمود لا انكتل انا ولا تنكتل هيه كبرت وانا اشوفج من بعيد وانتي تكبرين اخر مره شلتج بيها عمرج سنتين من يومها حرمني فائق منج طفل زغير بعمر ال١٥ سنه وماعرف شي اريد بس اجي يمكم لان لكيت يم امج حنيه ام واهتمام واسلوب وتعامل عكس حياتي العايشه قبل كبرتي رحتي للمدرسه وانا اعوف شغلي واروح للمدرسه اوكف اسولف يم الحارس بس اطمن عليج من تجون للكورنيش اجي وراكم جان فائق مايدري بيكم من تجيبكم امج بس انا ادري ومره شافتني بعيد عنكم وضلت ترزل بيه عبالها راح اكل الفائق بس من طمنتها وكتلها جاي اشوفكم هونت كعدتني يمكم رجعت مره ومرتين صارت ماتقبل اجي خاف فائق يشوفها لحد ماتطلكت وبعد ماطلعت من البيت هيه ولا انتي اجيتي للكورنيش تمر فتره طويله ماشوفج لان فائق يخليني اشتغل هواي لحد مادخلتي جامعه وصرت اجي هنا وانتي تكعدين ب الساعات شارده من دوامج بعدين انتبهت على نفسي انا شسوي طفله عرفتها وكبرت شنو علاقتي بيها انا شدخلني بيها اشهر امنع نفسي ماشوفج بس الكاني اجي هنا مابطلتي عادتج كل خميس تجين هنا حته من تمطر انتي كاعده ماتهتمين ب الحر والشمس انتي مثل مكانج رحتي الخوالج وفائق ضل يلعب وراكم يريد سالفه يطيحكم بيها جنت اتعجب عليه انسان مريض مايعرف الرحمه راد يزوجج بعد مايستدرجج للبيت كتله انا اتزوجهه رفض رفض قطعي يكلي اريد استفاد براسها كتله امشيلك شغلك وفعلا مشيتله شغل حرام هواي اشهر اشتغل علمود اجيبج لان اذا ماجبتج يجيبج هوا ويبيعج مقابل شغل بعد ما جبرني اجيب خوانج بوقتها راد يبيع البيت واشتريته منه البيت الوحيد من ادخل بي الكه بي دفو عائلة خصوصا من اجيتي انتي جنت انطرد من هذا البيت هسه صار بيتي ماكدر اعوفه