ورسائل حبٍ هاربةٌ من كتب الشوق المنسيه
......
بقلمي
زينب
تفاعلكم بين الفقرات
......
افنان...
مر اليوم وانا خايفه اصيل تعرف بشي لان ماكو شي يخلصني منها اذا عرفت بس ماحسيتها عرفت لان تصرفاتها طبيعيه
كعدت من الصبح ثاني يوم رغم مانمت زين فتحت تلفوني الي مطفيته من امس لكيت مكالمات امي ومكالمات عبدالله والبنات امس من رحنه للسوك
نزلت غسلت وجهي والبيت فارغ بس انا وخوله واصيل الباقي راحو للزيارة طول الوكت مكابله التلفون انتظر مكالمه مهيمن وكل لحظه عيونه كبالي
اجتي مياسين وهيه تكعد يمي فحطانه
_شبيج ميسونه
_تعبني البنات يلا نامن
_جا المن كاعده صبح وضوجه
_مجايني نوم صدك افنان اريد اسوي شعري وجهي تعرفين مو
_اي اخذلج خيط واصبغلج مو بس جيبي صبغه كون حلو لونها
_اي ب الضبط واريد بيوم العيد تسويلي مكياج حلو
وتسويلي شعري ويفي
_اذا عندج كاويه شعر اسويلج عادي
صفكت ايدها بحماس وهيه تكول
_يلا افنان حفيلي هسه
رحت جبت خيط وانا اكعد كبالها سويت الخيط مثل المكص بيدي
رن تلفوني الي جان بجيب تشيرتي
اخذته وانا اجاوب امي فاتحه سبيكر
بعد ماصبحت علي كالت
_انا راح اجي اشوفكم
كلتلها مياسين بعد ماسكتت انا
_عمه لو تجين ب العيد احسن علمود كل البنات يجن
_اريد اشوف بناتي بعد عمتج طاك كلبي عليهن
_ماشي يمه
سديته منها وانا اكمل وجه مياسين
سويت حواجبها وكامت تشوفهن تركص حواجبها وهيه صافنه ع المرايه
_فنانه المعذربه
_هههه اهم شي عجبج مقبوله منج
_اي والله حلو ب الصالون مايسولي هيج
مر وقت صليت صلاة الظهر وانا يم خولة جوا
توا مخلصه صلاة اريد انام وسمعت صوت امي برا
صاحت خوله علي
_افنان تعاي اجتي عمه
عضيت شفتي بقهر وانا اروحلها سلمت عليها وهيه تدخل للبيت
قبل لاتصعد الدرج كالت
_اصيل كاعده
_لا نايمه
مستغربه امي شعجب مو مثل كل مره تحاسبني على ابسط شي اسوي شعحب سكتت وماجابت طاري مهيمن كلش
شكد حز بخاطري
يعني ابنها ماكلفت نفسها تسأل شبي
باوعتلها بتركيز لابسه الذهب ونازعه العبايه تطلع سفور
