بقلمي
زينب .
.....
تصويت
+توقعاتكم
....
_واذا ميته
_يومي قبل يومها
_اكلي تبن
_هسه مو جاي احجي طبيعي بدون ماغلط كلت شي عربيد انطيني فرصه لو مره وحده افهمك بيش اذيتك انا وهيج تسوي بيه
_علمود لاتخربطين ب الحجي قصدج من عمر افنان على عمرج
_اعمارنه مكتوبه ومقدرة مانغير شي بكلامنه
رجع راسه ع الكشن وهو يتنهد
_عربيد وين افنان
_جانت مخطوفه والخاطفها محترك بيته
_انتم شنو تشتغلون ليش هيج متاذين زين الخاطفها شبي وياكم
_مو ويانه ويه ابوها فائق وهيه الضحيه
_يمته تزوجت بنيامين
_من فتره قصيره تزوجته علمود لايزوجها ابوها للرجال الخطفها هسه
_احسني دخت يعني مستحيل العايشينها حياة بشر طبيعي شلون مخلصين ايامكم عربيد شنو هل رعب والخوف
العايشين بي
_متعودين
_ليش بنيامين هيج متاثر عليها لدرجه يبجي
جان يجاوبني بدون مبالاة واجوبه سطحيه لدرجه حسيته يريد يرضي فضولي علمود اسكت بس من سألته هيج باوعلي وهو يكول
_جان يحبها من هو طفل وهيه بنت الشهرين فائق جان يطرده لان بنيامين حيل متعلق ب افنان وامها يحسبهم همه عائلته ضل مشلوع كلبه يباوعلهم من بعيد لبعيد من يروحلهم حته امي جانت تطرده من بيتنه ماتريده يروح هناك بس شنسويله ماكدرنه نلزمه لحد ماكبر وهيه كبرت وكبرت وهو مراقب بيتهم طول اليوم من اجت يمكم هم نفس الحاله جان يحتفظ بازغر تفصيل حته لاستيكه شعرها جان يضمها بمكان محد يندله واذا تعاركنه وياه نضل نهدده بافنان ويسكت جرثومه جان يسميها جعجوعه يخلي بنيامين يطك روحه ب الكاع هو كوة حصلها مو انوب تضيع من ايده
_ليش تضيع حو ترجع وين تروح اكيد ترجع
_اذا هيه مهدده الاطفال مايحجون عنها شترجع بعد اااخ يابنيامين
تفاجأة من السمعته معقوله هذا كله عايشته افنان وهيه ماتدري ب اليصير وبالي مراقبها وماحست ولا مره معقوله افنان كدرت تتحمل كل هل عذاب النفسي
ضليت صافنه لا اخذ ولا انطي اريد بس اتخيل وضع افنان ماكدرت شكد نقهرت عليها محد وداهه للتهلكه غيرها ساق السياره للجامعه وضل بالي سؤال
_عربيد شلون نخطفت وين بنيامين عنها
_كافي لصمي
سكتت احسن ماسمعلي كلمه تضوجني ولو السواه بيه مو شويه
كسر الصمت وهو يكول
_راح اجيبلج تلفون باجر عود هم كسري
_بس تلفوني وهو عطل ماكسرته
_اي ماكسرتي المهم خل اشوفج طالعه من الدوام وبهذا لبسج المسربت وكتها تشوفين وجهي الثاني
