تصويت
بقلمي زينب
تفاعلكم
.....
عفت عبدالله بصدمتي وانا انزل جوا مثل الدايخه ومسطورة
نزلت على اثر اصوات صريخ لكيت ب الهول مره وهيه حاضنه مياسين ويبجن بحركه
وكفت ع الدرج منظرهن هزني هز وانا اسمع مناشغهن وشوغتهن
كعدت مياسين مهدود حيلها وهيه تكول
_كليلي حلم عمه شسوي علمود اروح وراها راحت عزيزة كلبي راحت صويحبه دربي كلبي لاجمني عليها مجاي اتحمل الهوى ثكيل علي بعدها فكدها هد حيلي قنعوني بغيابها كلولي ماتت غركت راحت الربها بس روحي ماتصدك خل تصدك روحي مشت الغاليه مشت الجانت عايشه حياتي لخاطرهه صدى صوتها بكل مكان جاي اسمعه شلون بيه وهيه نايمه ب الظلمه وانا كاعده هنا عمه عايفتها بعيده عني
عنها من رحت حيلي نهد
دموعي تصب وانا اسمع كلمات مياسين الجانت مثل الحطب ع النار وتشعله ماكدرت ابلع غصتي وشهكتي
دكت على وجهه وهيه تكول
_مشت الغاليه يمه مشت عزيزة روحي
المره الجانت يمها وخرت ايدها من وجهه وهيه تمسح بوجهه
_عمه البعد حيره
كالتها وبجت بتعب وهيه مسبله ايديها
جان كل البيت يبجي عليها تحس البيت طفت بي الحياة وعم عليه السواد
المره اليمها رفعت راسها الامل وهيه تكول
_ماتجيبون مله
_ماكدر هيج وهيج روحه تعبانه واجيب ملايه تنعى شيصير بيها
كومتها المره من الكاع بس جانت مياسين مثل المحتاره تلوب بارضها مثل الدجاجه التوا مذبوحه وتلقط اخر انفاسها
بعدني ع الدرج ونزل عبدالله لابس دشداشه سوده
حط بيدي حبايه وهو يكول
_انطيها المياسين كليلها من عبدالله
_شنو هاي
_منوم
_بس خطيه
_خلي روحها تهدأ اذا ماتنام تضل تهلوس
اخذت الحبايه واخذت كلاص ماي وانا اروح يمها انطيتها الحبايه بلعتها بدون ماتاخذ ماي
ضلت امل والمره كاعدات يمها ويسولفن وساعه يبجن ومياسين مثل الفاصله عنهن الي عرفته منهن هاي اخت خاله امل بس ماعرف ليش مياسين تكلها عمه
حطيت مخده يم مياسين بس شافتها تمددت غطيتها وهنه ضلن كاعدات وهيه راحت العالم ثاني رحت للبيت وانا البس الاسود لكيت غرفتي مثل ماهيه وهوستها
نزلت جوا اخذ لبس اسود من خولة لان ماعندي لكيت خالد متمدد ب الهول
بس شافني كال
_وين تلفونج اخابرج مغلق
