بقلمي
زينب
....
تصويت
...
_وينها بلا هاي المطلبجيه جعجوعه
ضحكت على المصطلح النعته الي وانا اكله
_دخول قوي عشت
_والعباس لو ما حرام جا حضنتج من كد مامشتاقلج
_هسه اطردك لاتتحيون
حاجاه بنيامين وهو يجره من ياخته
نتر روحه جرثومه منه وهو يكول
_انتن النسوان لو تكعدن وتسكتن جا صارت الحياة ورديه وبالف خير بس وين تجي تكابل الافنان ام الطلايب بس والعباس حلوة انتي ام طلايب بس تفهميني كلبج على كلبي لو تكابل خولة هاي بس مدلله اهلها وفاهيه ماتعرف وين الله حاطها انتن بس امشن ع الاكلجن علي جا الله وفقجن
_ماناوي تسد حلكك
_مهدي ومهيمن وين لحد هسه ماشفتهم مو كلت شوي واجي بنيامين اشو تاخرت
_اي عفيه هيج من الاول ضبي على رجلج شنو يطلع ويجذب عليج شوي ويجي وعايفج وحيدج بعد ايدي بنيامين
_جرثومه بطيت مرارتي افنان صارت شغله وتاخرت مهدي ومهيمن هسه يجيبهم داهيه رحتلهم لكيتهم نايمين خطيه اكعدهم
_تعاي سولفيلي شسويتي ماسويتي
_شسولفلك على صخام الوجه
_سولفيلي علمود اسويلكم غده
_مانريد منك هسه بلا زحمه اطلع اريد ارتاح بيتي شوي مو هناك مخبلني وهنا انوب حته بالشغل صرت مكابلني جنك زيبك مادري منين تطلعلي
_عود ليش محد بيكم يريدني عود انتم خواني عمت عين هيج خوان
كلت وانا اضحك عليهم شوي ويتلازمون
_تفضل خويه معليك ب بنيامين تعال اكعد جرثومه قلبي
_جرثومه قلبي هيه دستقري احسلج
_يا شبيك وياه بنيامين اخيك وطالع من الموت
كعد جرثومه ع القنفه وكعدت كباله بنيامين كعد بينه حاط راسه على رجلي ايده جوا حنجه يباوع الجرثومه وهو يحجي
_حيل خفت عليج من اخذوج من كتلج كعدي وسكتي بس شيكعدج انوب النعمان المطفي عرف شلون يلعبها اللوتي تدرين اجه بالي انتي حركتي البيت لان انتي لو كرهتي كرهتي
_صح كرهتهم حيل وخصوصا النعمان بهذا عمره يدور نسوان يريد يعرس ويخلف بس يخاف من مرته ولازم هيه توافق عليها يلا هو يتزوج رغم هيج بس مستحيل اوصل لمرحله احرك بيتهم جنت ناويه اخذ اطفالهم واطلع اريد اعبر بسلام في سبيل ما اذي اطفالهم بس تفاجاة بيتهم يحترك والحريق بده من غرفه زوجه ميمون لان هيه اول وحده طلعت تصرخ وجسمها مشتعله بي النار
سكتت وانا اتذكرها كزبر كل جسمي اجه صوت صريخها بالي غرغرت عيوني ب الدموع وبنيامين النايم على رجلي مركز نظراته علي ضليت اسولفلهم سولفت كلشي صار وياي من رحت الي ان وصلت الخالد نهيت كلامي وانا اكله
