بارت امس نشرته ب الخطأ وجنت ممكملته فلغيت نشره علمود هيج مايطلع يمكم
...
بقلمي
زينب
...
تصويت
.....
كوة مفتحه عيوني وجع راسي موتني ماكدر اركز بشي من كد مانمت حسيت عظامي تاذيني
دخلت اصيل الجانت يم مياسين
وانا اشوف حالتها مو احسن من عندي
كعدت كبالي وانا لازمه فساتني ماريد ابدل رفعت كذلتي الورا ذاني
_شبيها الحلوة مطنكره
_لا الحلوة هسه تكوم تركص من فرحتها اصيل اريد انام مابيه حيل شي مو انوب يجي هذا المرعبد والله مالي خلكه
_خل يجي تماشي ويه الموضوع لحد مابعدين تلكيلج حل بلكي يتركج من يشوفج مارايدته
_هو مارايدني اصلا متاكده اله غايه بهاي سوايته
كلتها وتمددت مالي نفس بشي سحبت من ايدي الفستان وهيه تكوي
_يلا كومي اسوي شعرج
_مالي خلك اصيل خيولي البس حجاب
_هسه كومي شتكول عليج امج اذا يشوفوج هيج اكيد مراح يوافقون عليه يعني تردينه يلعب بذيله باهلج خولة صيري كد الموقف النحطيتي بي واجهي وسايسي بلكي باجر عكبه يتفهمج
هزيت راسي وانا اكعد وهيه تسويلي شعري بالكاويه لسعتني ورا اذني فزيت موجوعه ورجعت لسعتني مره ثانيه شبعتني حرك علما خلصت
توا لبست الفستان واشوف رقم غريب يتصل علي
ماجنت مستعده اسمع اي شي واي عتب من صديقاتي ليش ماندري ويمته وشوكت نخطبتي بس ضل يلح ب الاتصال جاوبت واصيل مدري شسوي بشعري
_منوو
_ياهلا بهل صوت وراعتيه
سكتت وانا اسمع صوته حسيت لامهرب من الجاي اعيشه
_شلونها اميرتي
غرغرت دموعي من سمعت صوته الجان هادئ
_ليش تسوي هيج بيه بيش اذيتك انا
_هسه عليمن البجي ماتكليلي راح اكص راسج لو اكلج المهم شسويتي جهزتي نفسج احنه جايين
سديت التلفون بوجهه بدون ما اجاوبه رادت تحطلي كحل اصيل لزمت ايدها
_ماريد
_وانتي تنامين تحطين كحله اليوم ماتردين
_ماريد اصيل بس ابجي تسيح اصير جني شبح
_احطلج من كحلي حجر مايسيح
استسلمت الها وهيه حطتلي كحل كمت مسلوبه روحي وانا اسمع صوت سلام جوا
نزلت اصيل قبلي وهيه تكول
_تلكين خاله مجهزتلج ضيافه جيبيها وتعاي خنتعرف على ام المحروس
نزلت جوا وانا اسلم على مره جبيرة ب العمر بس مهتمه بنفسها
استقبلتني بابتسامه وهيه تحضني حسيتها نسخه من شكل عربيد وعقدت حواجبها الي مجرد ماشافتني نفكت
