بقلمي زينب
.....
تصويت
....
اخر يوم متعب
من تحس الدنيا تضيك بيك بتالي الليل
لابيك وتكعد ولاتكدر وتنام
لاهو فجر واكمل للصبح ولاهو اول الليل واسهر
لاول مره احس نفسي عدد زايد
عدد زايد بعائلتي عدد زايد ب الوسط العايشه بي
غمضت عيوني اليحركني ودموعي تطيح الغصه بلعومي
طول اليوم واكفه على حيلي اخر الليل ينهد حيلي من التعب
الهوى مخنوك عني دنيتي ظلمه
شكد مريت بظروف اول مره احس بنفسي هاي نهايتي
صدمتي بامي هدتني وهضمتني
بصفنتي وفكره تاخذني وفكره ترجعني
ليلي شكد ظالم وياي السهر طاغي على عيني
شغلت تلفوني وانا احط قرأن اسمعه بهدوء وتمعن
اريد اخذ قوة من كلمات القرأن اريد لو امل بسيط يكفيني لباقي ايامي
طلع ضوا الصبح وانا على نومتي دمعتي شاطت من عيوني
طفيت التلفون وانا احضر كتبي بدلت ونزلت لكيت خالة تحجي على خولة لان ماتقبل تداوم
عفت هوستهن وطلعت لخالد ينتظرني ياخذني لان عبدلله ماخذ مياسين لقبر بنتها من الليل باتت يمها
شكد طويل الليل عليها وعلي
طول الطريق ساكته خالد مثل وضعي نزلني يم المدرسه وهو يكول
_شوكت اجي عليج
_ ب الوحده
_خاف اتاخر عليج مو تطلعين
هزيت راسي وانا انزل
وكفت ب الباب
خالد يطلع متاخر لشغله وجابني وياه المحاضرات باديه
طلعت من الشارع سيارة خالد
مشيت بروحي التعبانه اريد اوصل لراس الشارع اخذلي تكسي لافنان اريدلي شويه حيل يكفيني اوصل لافنان انفجرت روحي من تعبها
دليته ع المكان وهو طلب اجره هواي ماناقشته انطيته ونزلت
دكيت الباب اكثر من مره يلا نفتح الباب
رجال اول مره اشوفه كوة فاتح عيونه من النعاس وشعره هوسه حجيت بصوتي التعبان
_اريد افنان
جله صوته وهو يسويلي مجال افوت
_نايمه روحي كعديها
عبرته وانا ادخل
مجرد دخلت وكفت باب الهول نزلت دمعتي وانا اشوف البيت رجعت كل ذكرياتي بي ماعندي اي ذكرى حلوة غير لمتنه الي خربها فائق اجاني صوته وهو يكول
_تفضلي ب الغرفه افنان
رحت للغرفه لكيتها نايمه يم مهيمن
باوعتلهم ماسيطرت على روحي ضليت اشهك بدموعي
كعدت يم راس افنان وانا ابجي دنكت عليها وانا ابوسها براسها روحي مفرفحه عليها
