مثلهم تنگلب ضدي؟
عفت شمسي وضواها
ورحت لاجل شموع
يا شمعة التنَور دربك بگدي ؟.
بقلمي
زينب
.....
تصويت
تفاعلو علمود انزل اكثر
......
التفتت عليه وانا اكسر صمت افكاري
بلعت ريكي وانا اسمع كلامه
_منو الي مبجيج
مسحت دموعي الجانت تنزل بدون ماحس بيها معقولة جاي اعيش صدمه الايام الفاتت وهدوئها وجاي هسه احس ب الي مفروض اعيشه من ايام
_شنو شبيك عبدالله
_ليش تبجين وفوكها ماتحجين ركبتج نكسرت وانتي تباعين ليفوك
_هههه عبدالله لاتصير سخيف عادي ابجي شنو يعني انا المفروض مابجي وطول الوكت هادئة
كلتها وانا حيل مستهضمه رجعت ابجي اقوى من قبل دموعي تنزل وصوتي اختفه بغصتي
دنك راسه لمستواي وهو يكول
_مو قصدي ازعلج هذاك اليوم مادري شلون حجيت هيج
مسحت وجهي حيل وانا احاول اسيطر على نفسي ودموعي
_احجي اصيل
باوعت بعيونه وانا اهز ايدي
_شكد قديم انت انا يوميه اعيش مصيبه شكل وانت تكلي هذاك اليوم حته ناسيته
_اسم الله عليج من المصايب
_اهوو عبدالله وخر اشو مدري شبيك اليوم تجيك يوم عافس وجهك وتكول ماتعرفني واليوم كاعد تسولف وتضحك تشوف وجهي مال واحد يشاقه
كلتها وانا اشر ع وجهي
حط ايده بجيوبه وهو يسند ظهره ع السياره مثل حركتي
_شبي جنه العافيه اشو النظره بعيونج هواي تسوا
وكفت كدامه وانا اكله
_هيووو شبيك نزلت دوسه ونص ب الحجي انا اصيل مو عبالك مياسين خاف متوهم
خنزر وهو يكول
_هيوو بعينج احترمي نفسج
_ترا عبدالله روحي ممروده وانت شتحجي خلي استوعب حياتي شوي شوي
قطع كلامي صوت بنت مياسين رفل وهيه تركض لناحيته
دنك عليها شالها وهو يبوس بيهاويعض بخدودها
_يروح خالها وعافيته
ردت ادخل داخل وكفني صوته
_ماكلتي ليش البجي
_انت اليوم عاجبك تحجي هواي مبين
_اي والله شعندي نكعد نسولف
عفته ودخلت وهو يصيح باسمي لكيت البنات متجمعات كالعاده ب المطبخ ويحضرن الاكل عدا افنان الي ختفت فد مره
نزل خالد وهو توا يكعد من النوم كعد ع الكرسي وهو يثاوب ويكول
_يمه شنو الفطور
كالت خوله قبل لتجاوبها امه
_كاعدلي العصر يريد فطور فروخ تالي وكت خويلد كوم من كدامي حركت كلبي صار ساعه محتركه حرك ب المطبخ وانت توا تكعد
