بعد مده وصل سلمان ومع ريناد وتجمع الكل بالسطح
نجد: الا اقول كان فيه شخص ناقص!
سيف يتلفت يدور محمد م حصله وقال: اي فيه محمد م بعد جاء انتظرو يجي ونسوي الفعاليات
ترف بحماس: وش الفعاليات علموني
غيث: هدي هدي بتعرفين شفيك مستعجله
هيام بنفس حماس ترف: الا صدق وش اول مره انتو تقررون الفعاليات والجمعه وكل شي وترتبون صح حنا كنا متفقين اخر الليل جلسة بنات بس كذا كلنا وفعاليات ومن بدري وتجي منك شي غريب
سمو: احس وراهم مصيبه
ياسر: لا مصيبه ولاشي
مهند: اقول م تلاحظون كلامكم واجد؟ وفوقها مافيه ثقه؟ ماش م تستاهلون الفعاليات لو فالينها بدونك ابرك
إلين: حاصلك عاد حنا جالسين معكم
خالد: وجع يوجعكم قسم كانكم بزران مافيك الصاحي
ليان: اي عمي عليك فيهم
سلمان: اول وحده تسكتها المفروض إلين
نجد: اقول عاد الا إلين م ارضى عليها
سلمان ب ابتسامه: ابشري
ريناد وهي تناظره بطرف عينها: كلام جديد بالعاده تحارش الكل ي استاذ سلمان
خالد: اتفق كامل الاتفاق مع ريناد
سلمان: قسم م يعجبكم شي لو هجدت قلتو شي غريب لو هبلت فيكم قلتو شي غريب ايش تبون
محمد وهو جاي: احد يسكت حياة الفهد ترا اذا تحلطمت م تسكت
مهند: خير ي اخوي وينك فيه
محمد: ابد صليت لي ركعتين وجيت وش تبي لك شي عندي!
سيف: واضح اخلاق محمد اليوم قافله انتبهو لا ياكلنا
محمد: انت اول واحد ببدا فيه ابلع لسانك
ياسر: قدامي بعد قلة ادب والله
محمد: لا تكون جدي ولا ابوي وانا مدري!
غيث: ملاحظ اليوم ياسر ماخذ دور الشياب الي حتى خالد م اخذه
خالد: وجع شقصدك شايب انا!
سلمان بلعانه وهو يقلد صوت بنت : شباب تدرون ان خلود حبيبي هو الشقر دادي حقي
نجد بصدمه من سلمان: وجع هيه متى قلبت بنت!
ريناد: يوه نجد من زمان قالب بنت
سلمان بعصبيه مزيفه ناظر ريناد: عاد مو لهدرجه
ريناد: يعمي روح بس
ليان بنفس صدمة نجد: اقول حتى المتحولين اصواتهم م تصير كذا ايش فيه!
خالد بسخريه: ابد عرق الانوثه الي فيه حب يطلع
سلمان بصدمه وهو يناظر بخالد قال: وجع عاد الواحد م يطقطق معكم مو لهدرجه تشبهوني بالبنات
ترف بعدم اهتمام لكلامه: طيب سلمى هدي شفيك
اما الكل كان يضحك على سلمان كيف انصدم انهم اخذوه على انه بنت وطول الوقت ينادونه بسلمى ومرات يلفون على خالد ومرات على البنات والعيال والكل يشارك ويضحك الا محمد كان يفكر ولا هو حول احد لدرجه حتى ليان لاحظت انه مو معهم ابد
انتبه بعد منه من سيف الي يدق كتفه عشان يركز ومحد يحس وقال: خير كل م شفتني سارح ازعجتني
سيف: ولد ركز معنا واترك التفكير الزايد مب نافعك وبعد م يروح الكل ينام بجي جناحك بشوف وش وراك والحين ركز لاحد ينتبه لشي وتنكب نفسك تعرف ان عرفو م بيخلونك بحالك
اما محمد اكتفى ب انه يهز راسه بصمت ويتنهد ويحاول يركز معهم قدر المستطاع ويشاركهم الفعاليات لان مستحيل فيه فعاليه وم يشارك فيها محمد يعتبر شي غريب وجداً لانه دايم اول واحد يشارك بالفعاليات انتبهت له نجد وقامت وراحت جنبه وحطت راسها على كتفه وقالت: لا تفكر كثير على كثر م انت تفكر وخايف هي مثلك تحاول تفهم شعورها عشان تعطيك الجواب الاكيد والصح وعلى حسب معرفتي فيها ومن كلامها ان فيه مشاعر لكن هي مو متاكده اذا حب او مجرد اعجاب تبي الاكيد عشان تعطيك الجواب بس طمن قلبك دامها تحس بشي تجاهك وانا متاكده انه حب مو اعجاب من اليوم تناظر فيك وتتنهد وشايله همك وانت مب مركز م خلاني انتبه لك غيرها اما محمد كانت مع كل كلمه تقولها نجد له قلبه يدق بشكل فضيع يعني تحقق مناه تبادله نفس الحب؟ تبادله نفس المشاعر؟ ي ترى تحبني كثر م احبها؟ ي ترى ودها فيني زي م انا ودي فيها؟ قام يهز راسه يمين يسار يطلع هالافكار من باله وهو مبتسم وقعد يقول بداخله يكفي انها تحس بشي تجاهي مو مهم الباقي يكفي انها بتكون لي اخيرا الحمدالله يارب الحمدالله وكملو يومهم بوناسه وسهر وطقطقه وبعدها الجميع راح لجناحه ينام الا ريناد راحت عند نجد تنام عندها وسلمان عند خالد وبكذا انتهى يوم ابطالي على خير ونام كل شخص فيهم وهو بداخله شعور مختلف عن الثاني سوا من فرح او حزن او لخبطه مشاعر او فضول او او او الين م سرق النوم كل واحد من افكاره ومخططاته للايام الجايه
أنت تقرأ
سم اللقا صدفه و أسميه ميعاد انا انتظرتك و أنت مريت صدفه
Romanceروايتي الاولى اول شيء حابه اوضح البارتات بالبدايه طريقتها بالسرد تختلف شوي كونها كانت بدايتي بعالمي عالم الخيال لكن الحمدلله تعدل سردي لكن يعز علي اني اغير السرد كامل بالعكس احب امتع ناظري بالفرق واشوف ل اي انجاز وصلت وتطورت ثاني شيء لا احلل بنقل...
