عند غيث وترف
ترف بهدوء: غيث قوم
غيث بانزعاج: بس بس لك ساعه تقولين قوم وقوم خلاص
ترف: طلبتك قوم ما ينفع كذا لو شافنا احد ياويلي قوم
غيث قام بتأفف: بروح انام بغرفتي لا تزعجيني بعد
ترف بقهر: روح لاختك إلين اول تبيك بموضوع
غيث هز راسه بالايجاب وهو رايح
ترف بقهر: يا زين من هبده على راسه هالاهبل ذي جزاتي يقهر بس معليه نشوف اخرتها يا غيث يوه شفيني انا احكي مع نفسي قامت وهي تتجاهل كل شيء وتطلع تنام بالنسبه لها اليوم حيل متعب
عند ليان ومحمد الي سهرانين فوق ومروقين على الاخر
ليان ببراءه: امانه محمد لا لا لا
محمد بطقطقه: ليه لا ياعيني خليني اخذ حقي واعلمك الاصول صح
ليان بلطف: يرضيك كذا تخسرني افا بس
محمد بخفه: لابو من يفوز عليك نخسر لعيونك بس اطلبي وانا انفذ تم
ليان وهي منحرجه منه: يوه محمد خير خير ليه كذا
محمد بلطف حضنها: احبك وربي
ليان وهي تدفن وجهها بصده: انا اكثر وسرعان ما استوعبت ودفته عنها
محمد باستغراب: شفيك
ليان بحده: ما ينفع مب حلالك انا
محمد تنهد: اسف بس لطافتك ما خلت فيني عقل
ليان تنهدت هي الاخرى: لاعد تعيدها طلبتك
محمد: ابشري
ليان براحه: يلا ننزل تاخر الوقت
محمد وهو يشوف الساعه: صادقه يلا وقت النوم
ليان بضحك: مب بزر عندك تقولي كذا
محمد: بزر واحلى بزر صدقيني
ليان سكتت باحراج وصارت تنزل الدرجه درجتين لاجل توصل بسرعه تاركته وراها يبتسم على احراجها وحركاتها الي ياما حبها واستلطفها لانها منها هي فقط
محمد: بنت شوي شوي لا تطيحين
ليان: معليك معليك
إلين تكتفت وهي تناظر ليان: سلامات!
إلين: انتي الي سلامات يالاخت
ليان برفعة حاجب: بعدي مالي خلقك
إلين بغضب: قدامي على غرفتي بسرعه
ليان بسخريه: حاضر ماما اقول وخري بس
إلين بذات الغضب: قلت قدامي بسرعه
ليان تنهدت: شوفي مالي خلق كلامك توني روقت مابي يخرب روقان ابعدي افضل
إلين: ذا اخر كلامك يعني؟
ليان: اي اخر كلامي وش عندك؟
إلين بقهر وحزن: انقلعي ولاعد اشوفك تكلميني راحت تاركه وراها ليان الي ما اهتمت وراحت غرفتها
التفت بزعل وهي كانت متوقعه ان ليان تحس فيها وتجي لكن الواضح لها ان مب فارق معها راحت لغرفتها بعد ما شافت اختها ما اهتمت لها واخوها الي عرف انها تبيه لكنه راح نام وسحب عليها انسدحت على سريرها وهي بدوامة افكارها الي توديها وتجيبها وبشاعة شعورها الي حارقها ولو استمرت كذا بتصير رماد من كثر النار الي شابه بوسط ضلوعها من الي قاعد يصير كله بعد مده قررت تسوي لها شاهي وتجلس بالبلكونه بما ان الحين الاكيد ان الكل نايم او الاغلبيه على الاقل بتجلس تعيد ترتيب افكارها وترتب امورها وحياتها الي تحس تلخبطت بشكل كامل بعد مده انتهت من صنع الشاهي الي كانت دائماً معروفه بانها افضل من تسوي شاهي بين العائله جلست بوسط البلكونه الي مليانه بورد يبهج الشخص بطريقه غريبه من منظره المريح الجميل قررت بما ان الجو حلو تاخذ لها كم صوره وتنزل احلاهم سناب نزلتها سناب ولكنها بالغلط ضغطت على اسم مهند لترسل له سنابه خاصه لكن ما انتبهت اما مهند اول ما لمح اسمها فتح وانصدم من الصوره من متى ترسل له صوره تخصها لو باين طرف اصبعها حتى ما ترسل واستغرب صحوتها بذا الوقت لكن على طول عرف انها ما انتبهت كانت مو باينه بشكل كامل فقط يدها ومن حولها الورد قرر يلبس تيشيرت ويطلع لها
أنت تقرأ
سم اللقا صدفه و أسميه ميعاد انا انتظرتك و أنت مريت صدفه
Romanceروايتي الاولى اول شيء حابه اوضح البارتات بالبدايه طريقتها بالسرد تختلف شوي كونها كانت بدايتي بعالمي عالم الخيال لكن الحمدلله تعدل سردي لكن يعز علي اني اغير السرد كامل بالعكس احب امتع ناظري بالفرق واشوف ل اي انجاز وصلت وتطورت ثاني شيء لا احلل بنقل...
