تحت عند الكل ما بين السوالف والضحك كانت نجد متكتفه وزعلانه
الجد محمد: لا تناظرين كذا يا نجد مهما سويتي قراري ما بيتغير
خالد الي توه دخل: وش قراره يبه
الجد محمد: حددنا زواج نجد وسلمان مع هيام وياسر
خالد بذهول: ليه كذا طيب؟
الجد حمد: بلاهم ما يستاهلون ينعطون وجهه
التفت خالد على محمد من عرف محد بيعلمه منهم وبهمس: شصاير
محمد بنفس الهمس: والله مصيبه وانا ولد اخوك
مهند قط معهم: سلمان ونجد نايمين ببيتهم امس وعرف جدي وهو كان مانعهم قبل
مسك خالد راسه يناظر سلمان الي من شاف حركته هز راسه بايه تنهد قام لجنب نجد: نجد
نجد بزعل: خالد شوف ابوي
خالد بهمس: اسكتي لا يدفنك احمدي ربك جت كذا مو هو رفض؟ ليه العناد وش نومك هناك
نجد ببراءه: وش شفنا موفي بس ونمنا بالغلط حتى رقبتي توجعني من النومه الغبيه وقمت وجوالي محروق من الوالده و الوالد وهو نفس الشيء نجي ناخذ احلى هوشه ايش فيه ترا ما سوينا شيء
خالد ناظرها رحمها: عارف يابوي بس عاد هم قالوا لا تحملوا عنادكم ما بيدي شيء والله لو اقول اء نفاني ابوي من البيت
ضحكت تناظره: انت فيك شيء وش؟
خالد ابتسم وما رد يلتفت على فهد: الا اقول فهد
فهد التفت له: سم
خالد بابتسامه: سم الله عدوك تكلمت انا وريناد صراحه ونبي نقدم الزواج
فهد ضحك بخفه: ما تصبر؟
تنحنح باحراج وضحك: والله لا تحرجني وانت اخوك
ضحك فهد: متى ودكم؟
خالد ناظرها عض شفايفه ورجع ناظرها: بعد زواج ياسر ب اسبوعين
سلمى برفض: ما يمدي المناسبات ورا بعض وش نجهز وش نخلي
ريناد ناظرته لثواني وكانه يطلب مساعدتها بنظراته: ماما ما نبي زواج كبير والقرار قراري انا صراحه تعرفيني ما احب الاوفر والامور هذي
الجده نوال برفض: ما يصير يا امي ذا يومك لازم تفرحين
الجده ندى: انتي عاد حفيدتي الوحيده معليش لازم حفله كبيره
ريناد برجاء: تكفون ما احب ما ارتاح التفت على جدها جدو حبيبي اقنعهم
الجد حمد: خلاص الي تبيه ريناد يصير مو الحفل حفلها ؟ براحتها اجل
نهى: متاكده ريناد؟ ترا ذا اليوم ما يتكرر
ريناد ابتسمت: اي متاكده كذا افضل لي ارتاح
ناظرها خالد وهو يحس انه مو قادر يحقق لها الي تتمناه مثل غيرها وهذا ظلم لها بس بيكلمها بعدين
ترف بهمس للبنات: شدعوه ما يصبرون كل ذا خفه
ليان بطقطقه: يموتون على بعض حياتي ما يتنفسون بدون بعض
إلين: اقول نجد واضح رايحه فيها مره
ضحك غيث الي جنبها: معليش شكلهم وقت جو كيف خايفين يعمري عليهم
فلاش باك يا حلوين
قامت نجد وهي تحس بالم برقبتها رفعت نفسها ناظرت حولها لدقايق من استوعبت شهقت تشوف جوالها مليان مكالمات والساعه على طول التفت ناظرت سلمان نايم: سلمان سلمان قوم سلمان
سلمان بنوم: ها شتبين
نجد بخوف: قوم صار الظهر يويلي من ابوي قوم
فز من نومه: تستهبلين قومي بسرعه
قاموا شالت الاغراض بسرعه ودتهم وقال هو بيرتب بعدين لوحده طلعوا شبهه ركض للسياره وهم بالطريق دق جوالها ردت من كان ليان: هلا
ليان بتوتر: وينك وينك جدي قالب الدنيا
نجد بخوف: بالطريق تكفين لا تقولين معصب
ليان بتوتر: تسمعين صراخه انتي ولا ما تسمعين اقولك قالب الدنيا
نجد بقلق: طيب طمنيه وحاولي تهدينه جايين قريب محد يقدر غيرك
ليان: بضحي بنفسي حسبي الله على عدوينك قفلت بوجهها
ومن وصلوا كان باستقبالهم الجد بعصاته وضربها برجله وضرب سلمان معها ومسكوهم تحقيق الين قالوا وين كانوا و وليش وقتها عصبوا زياده وقال الجد انا حذرتكم وما تسمعوني وعصب اكثر وقال زواجكم مع هيام وياسر ومافيه اي اعتراض ولو اعترضتوا بيصير الي ما يرضيكم بكت وحاولت فيه لكن ما كان فيه فايده
أنت تقرأ
سم اللقا صدفه و أسميه ميعاد انا انتظرتك و أنت مريت صدفه
Romanceروايتي الاولى اول شيء حابه اوضح البارتات بالبدايه طريقتها بالسرد تختلف شوي كونها كانت بدايتي بعالمي عالم الخيال لكن الحمدلله تعدل سردي لكن يعز علي اني اغير السرد كامل بالعكس احب امتع ناظري بالفرق واشوف ل اي انجاز وصلت وتطورت ثاني شيء لا احلل بنقل...
