سم اللقا صدفه و أسميه ميعاد انا انتظرتك و أنت مريت صدفه

Part 40

كشر محمد: اسكت انت اسكت
ضحك سيف: خلهم ذول يبيلهم من يعلمهم
ضحك خالد بالمثل: والله مشكله انتوا
كشر غيث: ما بقولك شيء لانك عريس بس
ضحك خالد بعلو صوته: ماش والله العظيم مبزره
ضحك سلمان: متخلفين انتوا
ابتسم مهند: تشوف والله مافيهم صاحي
ناظرهم سيف يقوم: اقول اعقل انت وياه بس التفت على غيث يضحك وتعال انت اكسر راسك فيفا
ضحك محمد: عاد ذا غشيم بكل شيء
ضحكت غيث بذهول: ولد قلبت علي سلامات
ضحك سلمان: خله خله مسوي خوي
ضحك مهند يرفع جواله يصور شكل محمد المصدوم: اخ ستيكر ما يتفوت يا شباب
ضحك سلمان: ارسله بقروبنا عشان ياسر بعد
قام محمد يحاول يحذفه من عند مهند قبل يرسله والعيال ميتين ضحك عليه
ضحك سيف: والله ياهو محتوى صدق
ابتسم سلمان يشوف رسالة نجد تخبره يجتمعون كلهم برا بالجلسات التفت يخبرهم يخرجون وهم للحين يطقطقون على محمد ويضحكون سوا
ابتسمت نجد وهي تسمع ضحكهم: ضحكونا معكم
ضحك سلمان يجلس جنبها: والله يا زوجتي العزيزه اشر على محمد وهو يضحك: ولد اخوك ذا محتوانا
ضحك غيث وهو واقف: والله يا محمد ياسر منهار على الستيكر
ضحك سيف ياشر لهم على جواله: يدق يدق
ضحك مهند بعلو صوته وهو يشوف محمد يكشر من سمع صوت ياسر: وش ذا يا محمد وش ذا
ضحك محمد: وش فيك
ضحك ياسر بعلو صوته: والله يا انهم ماخذينك محتوى رايح جاي وش ذا
ضحك محمد: اخذ اجر ضحكتكم يلا عاد فليتوها
ضحك ياسر: اخذ اجري الي مصورك والله العظيم
ابتسم مهند: الله يسعدك ياحبيبي جعله دوم
ضحك خالد: على ستيكرات محمد
ضحكوا البنات معهم وهم نص فهموا الموضوع
ابتسمت ترف: وروني طيب
ابتسم غيث يطلع الستيكر يوريها: شوفيه
ضحكت تاخذه توري الباقين يضحكون بالمثل
ابتسم محمد: يا سلام انفضحت الحين
ضحكت هيام من الجوال: محمد حبيبي والله شكلك بطل صار المفضل لي
ضحك بصدمه: حتى انتي معهم
ابتسمت هيام: اسف بس والله يضحك
ابتسم ياسر: يلا عاد استودعتك الله
قفل سيف بعد ماودعه يكملون هم سوالفهم اخذتهم السوالف الين وقت متاخر من الليل بعدها كل شخص راح جناحه الا من بينهم سيف وسمو ونجد وسلمان كل واحد اخذ زوجته وراح بيته ينتهي يومهم هنا

العصر عند إلين
كانت بجناحها وهي لها فتره ما شافت مهند غير امس من اخر موقف لهم قبل تطلع من بعد كلامه الي استوعبته متاخر هي حست بقرف لا معقول حست انها رخيصه لدرجه يرمي هالكلام عليها ويمشي عادي هي إلين وهالكلام ما يمشي معها ولا ترضاه بحق نفسها تشوف جرئته معها وتماديه بالكلام وكيف انه تعدى حدوده معها وهالشيء كثير ولابد توقفه عند حده هي تحاشته هالفتره كثير وهي تعرف لابد ما يصير شيء ويجتمعون ومثل ما صار امس كانت تحس بنظراته عليها لكنها تمثل العدم هو كيف شاف هالكلام يليق بمسامعها الي ما بيوم سمعته ولا رضته بحق نفسها حتى لو مقصده مزح ما يرضيها انه يتعدى حدوده كذا قامت تاخذ جوالها تطلع بشكل عجل اتصلت عليه ثواني وجاها رده: انتظرك بالسطح قفلت بدون ما تنتظر رده تطلع فوق تجلس كانت ثواني تشوفه يدخل مستعجل وملامحه مخطوفه من قرب ووقف قدامها هي عطته كف: اكرهك صدقني اكرهك
ناظرها بعدم فهم لثواني: شفيك انتي خير
شدت ايدها بغضب: كيف تقولي كذا كيف تسمعني هالكلام حتى لو هو مزح كيف تتعدى حدودك وياي كاني احد هالبنات الي يعجبها تلطيش الكلام التافهه هذا تدري وش حسيت انا وقت استوعبته؟ حسيت اني رخيصه بعينك وبعين نفسي قبل كيف تقولي كذا وتتعدى حدودك الي ياما كانت بينا انت تستوعب نفسك وتماديك ولا؟
حاول يتذكر هو وش قال لها امس لكن ما كان فيه كلام لهم وحدهم وقبل كان اخر موقف له معها وهي كانت بتطلع استرجع بذاكرته قدر المستطاع بالي صار هذاك اليوم تذكر كلامه عض شفته بقوه وهو الي ما استوعب وش قال اصلاً بشكل كبير ناظرها لثواني يمسك يدها: إلين
فلتت يدها من يده: مهند لا تشوفك عيني وانت كذا تماديت كثير معي لا تحسبني بسكت مثل اي وحده من الشارع وراعين هالامور بتضحك وعادي رفعت اصبعها بتهديد له: تعتدل زين يا مهند وتترك خرابيطك هذي ولا انساني فاهم؟
مسك ايدها يحاول يفهمها: اسمعيني طيب بس اسمعيني
ابعدت ايده عنها: اسمعك بدون تمسكني لا تقربني
هز راسه بالايجاب: الي ودك بس اسمعيني انا والله العظيم ما قصدت شيء ولا مقصدي بالسوء الي فهمتيه والله انك انقى من جميع البشر ومحشومه عن بنات الشوارع غلط حكيي ما اقولك صح لكن ماقصدته بالمعنى الحرفي هو كان مجرد حكي ولا له معنى عندي انا اسف وحقك علي ومالك الا الي يرضيك مني
ناظرته هي تعرفه وقت يكون صادق وقت يكذب هي استغربت كلامه الي و لاول مره يطلع منه لاحظت انه فعلاً مو قاصد وما حسب حساب كلامه فعلاً شدت على يدها ابتسمت لثواني: اعتدل مهند ماودي تطيح من عيني
هز راسه لها تتركه تنزل تتجهز هيام شويات وتجي من المطار وهي مشتاقه لها لحد مو معقول