تكلم بعد مده من الصمت: لياني غلط الي تقولينه الهروب عمره ما كان حل اما عن الي تسويه امك مو بيدك ولا هو ذنبك امك الله يهديها هاذي تصرفاتها لا هو ذنبك ولا ذنب غيرك اذا احد بيحاسب احد بيحاسب نفس الشخص على اغلاطه ما بيحاسبك ولا بيحاسب غيرك اتركي عنك هالتفكير صدقيني محد فينا بيفكر كذا لان محد مسؤول عن تصرفات غيره اما عن وضعنا يا حبيبة قلبي الي صار صار وانتهى يكفيني الحين انك معي وحولي وتحكين معي ونعوض ايامنا الي فاتت وكل الي صار خارج ارادتي وارادتك والمهم والاهم اني سامحتك وابيك تسامحين نفسك ولاعد تهربين واجهي ابي منك تواجهين امورك ومشاكلك لو انا زعلتك بيوم او ضايقتك او صار تصرف ابي منك تواجهيني وتسمعين مني قبل كل شيء لا تحكمين وبس ذا غلط ومستحيل احط اللوم عليك عن الايام الي مضت اللوم بيكون على السبب بهالي صار لان هو المسؤول عن زعلي وزعلك وعن ضيقتك وضيقتي يكفينا يا ليان قلبي زعل ولا ما كفاك؟
ابتسمت ليان بعذوبه لدرجه محمد نسى نفسه: يكفينا والله يكفينا مرت ايام بدونك بتعاسه وضيقه ما هقيت حبيتك هالكثر ويابخت قلبي بحبك ويابختي فيك
محمد: اهدي يرحم لي والدينك لا يصير شي خارج الاراده ونرجع للزعل
اما ليان ضحكت على كلامه ومحمد اكتفى انه يبتسم على ضحكتها ويتاملها بكل حب واخخ من حب محمد لليان لو تعرف شكثر يحبها ما يجي يوم وتفكر بالي فكرته ولا تقول الي قالته لكنها تجهل كمية حبه لها وهو بنفسه ما يعرف يعبر لها ولا يعرف شكثر يحبها لكن يعرف انه ما يقدر بدونها دقيقه ولا يتحمل ضيقها وزعلها يضيق من ضيقها ويزعل من زعلها ويفرح لفرحها يكفيه انها مبسوطه ومرتاحه هو هنا يرتاح وينبسط "الحب كذا تفرح لفرح محبوبك وتضيق من ضيقه وتبتسم من ابتسامته مهما كان صاير لك ينمحي مجرد ما تشوف محبوبك مبسوط ومرتاح غصب ترتاح وتنبسط الحب حلو لكن مع الشخص الصح الشخص الي يقدرك ويسعدك ويعرف قيمتك الشخص الي يريحك ويبعد ضيقتك عنك الشخص الي يعوضك عن مليون شخص الشخص الي يكتفي فيك وتكتفي فيه الشخص الي تلجىء له بضيقك ويبدله لك بفرح وساعده الشخص الي مستحيل يمرك بدون ما يسعدك لو بابسط الاشياء"
عند ريناد وسلمان
بعد ما سلمان وافق وراحت ريناد تتجهز اتصل سلمان على خالد
خالد: يا هلا والله زين تذكرتني
سلمان بضحكه: شدعوه عليك ما نسيتك
خالد: الا نسيتني الا وش يقول راشد
سلمان: وش يقول
خالد: من لقى احبابه نسى اصحابه
سلمان وهو ميت ضحك على خالد: انت كل احبابي افا عليك بس الا اسمع
خالد: عارف ما تدق الا وراك شيء
سلمان: وش سوء الظن ذا المهم بجيب ريناد لنجد ان كنت فاضي نزلت لك نتكي
خالد: انا ماني فاضي؟ انا افضى لعيونك
سلمان: يا حبيبي تسلم الا بسالك
خالد: ولد ما تحس صاير تسال واجد؟
سلمان: شسوي المهم غريبه ما داومت بالعاده هالوقت مداوم
خالد: ابد حبيت اريح مافيني حيل
سلمان: وش صاير بالدنيا خالد ماله حيل يداوم عجيب والله
خالد: اقول كثر كلامك يلا انتظرك
سلمان: طيب يلا سلام
انهو اتصالهم طلع سلمان ومعه ريناد وهو متوجهه لكوفي ياخذون لهم قهوه واخذ لهم وله ولخالد قهوه يروقون عليها بعد مده وصلو واتصلت ريناد على نجد تفتح لكن ما ردت ف اتصل سلمان على خالد فتح لهم خالد وبسرعه تكلم سلمان: وجع ساعه تاركنا على الباب خير ياخوي
خالد: اقول ادخل لا اهفك باقرب ما عندي تراني تعبان مب رايق
ريناد بقلق وخوف: سلامات عسى ماشر
انتبه خالد لريناد وبسرعه صد بنظراته عنها: الله يسلمك تقلبات الجو لا اكثر
ريناد: لاحظت الشعب كله تعبان
سلمان: تشوفين شكلي بهج وراي ملكه ماني فاضي امرض
خالد: عاد حلفت عليك الا تدخل واحضنك بعد
ريناد:*****
خالد: عاد حلفت عليك الا تدخل واحضنك بعد
ريناد: اقول ابعد عن عمي لا تعديه خله وراه ملكه وزوجه يعديها يعني؟
سلمان: صح كلام بنت اخوي
خالد: شدعوه اتفقتو علي وانا تعبان اوريكم
ريناد: اكيد بدافع عن عمي وش تتوقع انت؟
خالد: المفروض تساعديني عليهم حتى نجد ساحبه عليك عشانه وهو ساحب علي عشانها
ريناد: لا والله تبيني اخرب بينهم يلا مناك بس
سلمان: وش النذاله ذي صدق قليل ادب
خالد بضحكه: ادخلو ادخلو بس
ريناد تكتفت وهي تناظره: شرايك تبعد عشان ادخل طيب؟
انحرج خالد وبعد بهدوء وهو نسى انه يبعد اما سلمان يناظره ويضحك وريناد دخلت وهي تحرك رأسها بأسف وتوجهت لعند نجد بسرعه وتحس بفوضى مشاعر من ٥ دقايق تكلمت فيها معه
اما سلمان كان يضحك بعدها وقف ضحك من شاف خالد ملامحه معفوسه حيل عقد حواجبه باستغراب: خالد شفيك؟
خالد: مافيني شيء ادخل واترك الضحك الزايد ذا
سلمان بجديه: من متى تخبي تكلم اسمعك انا
خالد: مافيه شيء عشان اتكلم فيه بس زين جبت لي قهوه اروق
سلمان ابتسم بخبث: مافيه قهوه الين تعلمني
خالد: عادي بروح اسوي لي قهوه
سلمان: يعني فيه شيء حلو انشب لك الحين
خالد: مافيه شيء قلت لك بروح اسوي لي قهوه
سلمان عطاه كوب القهوه وهو يقول: صدق نفسيه خذ قهوتك وتعال روق لان انا انسان حيل مبسوط ومروق
خالد: جعله دوم يا روحي تستاهل السعاده
سلمان: وجع وش ياروحي ذي حسستني انك زوجتي انقلع
خالد بغمزه: معليك انا واختي واحد
سلمان: الا العكس فرق السماء عن الارض وع ياشينها منك ويازينها منها
خالد: صدق طلعت خفيف على كذا اي شيء ابيه بدخل نجد فيه بعدين ما تستحي تتغزل باختي قدامي وهي ما بعد صارت حرمك؟
سلمان: بتصير ما بقى كثير يالوصخ ف اسكت
خالد: مدري مين الوصخ فينا امسك لسانك الين تصير حرمك غيره بصفقك واشوهك علمتك
سلمان بضحكه: الرجل القيور ههههههههههههه
أنت تقرأ
سم اللقا صدفه و أسميه ميعاد انا انتظرتك و أنت مريت صدفه
Romanceروايتي الاولى اول شيء حابه اوضح البارتات بالبدايه طريقتها بالسرد تختلف شوي كونها كانت بدايتي بعالمي عالم الخيال لكن الحمدلله تعدل سردي لكن يعز علي اني اغير السرد كامل بالعكس احب امتع ناظري بالفرق واشوف ل اي انجاز وصلت وتطورت ثاني شيء لا احلل بنقل...
