ابتسم خالد وهو بيشوفها واخيرا دخل يناظرهم: مساء الخير
ناظرته الجده نوال تضحك: امداك ياولدي تخلص شغلك
ضحك يحك حاجبه: مطلوب يا امي
ضحكت لطيفه: بجناحك خالد
ضحك يطلع يتركهم يضحكون على خفته طلع على اساس عنده شغل من انتصف الطريق وشاف رسالتها هو رجع على طول بدون تفكير بشغله الي ينتظره
ابتسمت نرمين الي توها نازله: وين الباقين
ابتسمت نهى: ترف وليان طلعوا ل إلين وصديقاتها لحقوها من الطفش وعمي والباقين اخذوا العيال وراحوا عندهم عزيمه يقولون
ابتسمت لهم: انزل جلالي مافيه احد يعني
هزت راسها بالنفي لطيفه: فيه خالد
ناظرتهم تعقد حواجبها: مو توه طلع ولا انهبلت انا
ضحكت الجده نوال: رجع يابنتي
ضحكت نهى: ريناد فيه
ضحكت لطيفه و نرمين على خفته ابتسمت نرمين: ما ينلام عسل البنت
ضحكت نهى: تجنن احبها والله من الدنيا دنيا
لطيفه وهي تصب قهوه ل الجده نوال: عاد ماشاءالله عليها البنت كامله والكامل الله ما ينلام والله
ابتسمت الجده نوال: ربي عوضه الله يهنيهم ويهنيكم جميع
امن الكل على دعوتها وهم يتبادلون اطراف الحديث سوا
ابتسمت تدخل معه البيت: دخلته ذيك المره بس احس هالمره غير
ضحك ينزل اغراضهم: مثلك على كثر ما دخلت وعدلت ورتبت فيه الا ان صدق هالمره غير
ابتسمت تترك عبايتها على الكنب: تطلع الاغراض فوق بس باخذ المويه واجي ارتبهم
هز راسه يطلع اغراضهم فوق اخذت لها مويه تشرب شوي وهي من بعد ما تغدت معه ورتبت الاكل بعد ما خلصوا على طول طلعوا لبيتهم الي بيقضون باقي ايامهم برفقة بعض فيه ابتسمت تعض شفتها بحماس تطلع فوق دخلت مستعجله
التفت بذهول: هوب هوب شفيك من لاحقك
ضحكت لثواني: جاء ببالي شيء
ضحك: غردي غردي
ابتسمت بلطف تميل راسها: لا تناظريني كذا
ضحكت تمد يدها: سلمان
ضحك يمشي يمسك يدها: سمي عيونه
ابتسمت: نشوف فلم بس مو هنا نطلع نروح سينما
ضحك يمشي ياخذ جواله: اجهزي وانا بحجز
ضحكت بحماس تجهز وهو يحجز لهم مقعدين خلص ياخذ لبسه يدخل يبدل يخرج يشوفها جالسه تنتظره: ماشاءالله يا الحماس الي فيك وش عندك
ضحكت ترفع كتوفها: مدري جاء ببالي مالي دخل
ابتسم ياخذ اغراضه ينزل معها يركبون السياره شبكت جوالها تشغل اغاني بالطريق مد يده يمسك يدها يغني معها تبتسم به بطريقه تهلكه يبتسم بحب للايام الي هي فيها ومعه ابتسم من شغلت عبدالمجيد عبدالله ابتسم يناظرها لثواني يغني لها وايده بايدها: انا مغرم يا غالي فيك وادعي ربي يخليك
ابتسمت تشد على يده الي بيدها تناظره يغني لها ويقصدها: اذا عني بعدت يجن جنوني ابتسم يقبل يدها لثواني يسمعها تكمل بداله: لانك صرت اغلى من عيوني
ابتسم يدنين معها لثواني ابتسم بوسع ثغره من سمعها تكمل: عسى ربي يهنيني بغرامك ولا يحرمني من رقة كلامك
ابتسم يغني معها وقف السياره من وصلوا التفت عليها: يلا ما بقى كثير على الفلم
نزلت معه تمشي يدها بيده خطواتهم وحده تشوف حجم يده وكبرها مقارنه بيدها وصغرها عنده ابتسمت تشوف ابتسامته لها ياخذون لهم مشروبات يدخلون سوا جلست بمقعدها وجلس بالمقعد الي جنبها يشوفها تصور ويدها بيده مع بداية الفلم توثق ابسط لحظاتهم واعذبها وهم بكامل سرورهم وهايم فيها وطاير من كثر سعادته وهي بالمثل تحس انها فوق الغيم من احاسيسها ومشاعرها وفرحتها
أنت تقرأ
سم اللقا صدفه و أسميه ميعاد انا انتظرتك و أنت مريت صدفه
Romanceروايتي الاولى اول شيء حابه اوضح البارتات بالبدايه طريقتها بالسرد تختلف شوي كونها كانت بدايتي بعالمي عالم الخيال لكن الحمدلله تعدل سردي لكن يعز علي اني اغير السرد كامل بالعكس احب امتع ناظري بالفرق واشوف ل اي انجاز وصلت وتطورت ثاني شيء لا احلل بنقل...
