العصر
نزلت هيام بتعب: مساء الخير
ابتسمت نهى: مساء النور هلا ببنتي الثانيه
ضحكت ترف: لا ماما ما يرضيني اسحبيها
ابتسمت لطيفه تشوفها تمسك راسها: شفيك يا بنتي يوجعك شيء
نفت بهدوء: بس صداع يفك بعد شوي
ابتسمت ليان مدت لها فنجال قهوه: تقهوي تروقين
ابتسمت تاخذه: نجد وسمو ما جو؟
دخلت نجد على كلامها: السلام عليكم
لطيفه: وعليكم السلام توها هيام تسال عنك
ضحكت بخفه: ما تعيش بدوني بنتك
ابتسمت إلين بسخريه: تحسب نفسها اكسجين
ليان: باقي سمو وينها
ضحكت ترف: دقيت على سيف ما رد علي شكلهم نايمين
ضحكت نرمين: خلوهم براحتهم وروحوا ساعدوا خالتي ولا يا نجد اقنعيها عيت تجلس
نجد: ليش وش تسوي
رفعت كتوفها ليان: تقول الا تجهز الحين والمشكله كل شيء مرتب وجاهز
ضحكت: عاد امي ما صدقت خالد يتزوج بروح اشوفها انا
هزت راسها هيام تنسدح تحط راسها بحضن امها: راسي بينفجر
ضحكت ليان: من الرقص الي امس
ابتسمت: والله حتى وقت كنت بالسياره فيني طرب مب طبيعي
ضحكت نهى: والله كلنا صراحه امس ياهو طرب ورقص
ابتسمت نرمين: صادقه يمكن عشان ما انهلكنا وكل شيء مرتب من قبل مرتاحين
ضحكت لطيفه: والله ودي بالرقص للحين
ضحكت ترف: خالتي شدعوه ودك وما ترقصين الحين اجيب السماعه
اعتدلت هيام تضحك: اي تكفين
ضحكت بذهول إلين: توك مصدعه يا بنتي
ابتسمت نهى تشوف ترف تدخل بالسماعه ثواني وتصدح صوت الاغاني يقومون يرقصون سوا ويضحكون
دخلت سمو ضحكت بعدم تصديق تشوفهم يرقصون دخلت ترقص بعبايتها معهم وهي تضحك
ضحكت ليان: مب طبيعي الي يصير والله
ابتسمت إلين تقوم معهم: معليش الوضع يحمسني حيل ما الومهم
كانت دقايق وتدخل الجده ندى ومعها سلمى يضحكون من شافوهم يرقصون مسكت ليان يد الجده ندى وسلمى تراقصهم معهم يضحكون ويرقصون وينبسطون سوا قبل يجون معازيمهم ضحكت الجده نوال وقت دخلت معها نجد ابتسمت تصفق تعزز لهم وتصفر
جلست الجده ندى: الله يسعدكم على هالاجواء
ضحكت سلمى: صراحه فكت الضيقه الي فيني
ابتسمت لطيفه: افا وش ضيقته
ابتسمت بضيق: وحيدتي راحت من غير شر ما تعودت يبدا يومي بدونها يوه يا الهدوء والضيق الي فينا لكن الله يوفقهم يارب
ضحكت لطيفه بهدوء: والله حالي من حالك زوجتهم الثنتين وبكل مره احس كان روح من روحي تنسحب
ابتسمت سمو تحضنها: ماما حبيبتي
ضحكت نجد: ذي للحين تقول ماما وهي الي بتصير ماما
ضحكت بخجل ترمي عليها المخده: نجد خير
ضحك الكل عليها واخذتهم السوالف بعدها الكل قام يجهز
العشاء
نزلوا البنات سوا وهم يتناقشون ثواني وما ينسمع الا صراخهم من شافوا ريناد ابتسمت نجد تحضنها: رينادي
ضحكت تشد عليها: عيوني انتي
ضحكت هيام: اشوف دوري لا ما صار شيء واضح
ضربتها إلين بذهول: وجع هيام صايره وصخه من تزوجتي
ضحكت بخجل ريناد: وجع صدق خير
ابتسمت سمو تحضنها: حبيبتي وحشتيني
ابتسمت تشد عليها: والله اكثر
ضحكت ترف: شفيك ترجف ايدك كذا
ضحكت بخفه: ليش ما تقولون لي ان الوضع يخوف كذا والله معليش ما تعودت الظهور هذا فكوني
ضحكت ليان: والله عاد لازم شيء معروف
ضحكت تلف تشوف الي تشد فستانها ابتسمت بعمق تنزل لها: امي انتي يا هلا بريف قلبي
ضحكت ريف تحضنها: وحستيني
عضت شفتها بخفه: اموت انا اموت وحشتيني اكثر يا ماما
نزلت تمسك يدها: دوري اشوف الله وش الفستان الحلو هذا
ابتسمت تاشر على ترف: لبستني تتف
انحنت لها: اموت على تتف هذي
ناظرتهم نجد: مشينا ندخل يلا الضيوف جو؟
ابتسمت ليان: حياتي ما تسمعين الاصوات واضح جو
ضحكت ريناد برعب: سمو كيف اقنعتيهم يوم غداك كنا العائله بس شلون
ضحكت: ابد خليت سيف يقنعهم ما يخصني انا
ابتسمت تشد على يد ريف اخذت نفس تدخل: السلام عليكم
ابتسمت الجده نوال من شافت ريف معها: يا هلا يا امي وعليكم السلام
ابتسمت تتقدم لهم تسلم عليهم كلهم وريف متمسكه بفستانها من جلست اخذت ريف جنبها تسالها لو تبي تعطيها شيء مدت لها فطيره من الفطاير التفتت على احد الضيوف يقال لها ام فارس تسالها: هو تهتمين ببنت زوجك كذا
ابتسمت مجامله: ريف بنتي ماهي بنت زوجي والي يقول غير كذا حسابه معي
ابتسمت ام عبدالعزيز احد المعازيم: شفيك يا كافي يا ام فارس بنت صغيره وش زينها تسمع الكلام وليه ما تهتم فيها ان دل هالشيء دل على انها بنت اصول وفيها الخير والبنت صغيره مسالمه ما تضر
ابتسمت الجده نوال تغير الموضوع تاخذهم السوالف
ابتسمت سمو تناظر ريناد الواضح عليها الضيق: لا تهتمين كلنا نعرفك ونعرف علاقتك بريف وهي متخلفه تفكيرها مدري كيف
ابتسمت ريناد: احبك والله العظيم ومعليك مافيني شيء
ابتسمت نجد تهمس لهم: تحبينها بدوني والله غش
ضحكت ترف: يكفيك حب سلمان يا امي فكينا
جلست ليان بينهم: شوفوا ابعدوا عن زوجة عمي
ضحكت إلين: زوجة عمنا مثلك شفيك انتي
أنت تقرأ
سم اللقا صدفه و أسميه ميعاد انا انتظرتك و أنت مريت صدفه
Romanceروايتي الاولى اول شيء حابه اوضح البارتات بالبدايه طريقتها بالسرد تختلف شوي كونها كانت بدايتي بعالمي عالم الخيال لكن الحمدلله تعدل سردي لكن يعز علي اني اغير السرد كامل بالعكس احب امتع ناظري بالفرق واشوف ل اي انجاز وصلت وتطورت ثاني شيء لا احلل بنقل...
