سم اللقا صدفه و أسميه ميعاد انا انتظرتك و أنت مريت صدفه

Part 34

ضحكت ريناد من شافت كلهم نفس التفكير: طيب علمينا زي الاوادم عشان القهوه ما تجيك تمشي مليون
ضحكت ليان: ابد جالسين يسولفون والاخت وجهها محمر مدري وش قايل لها مهند الوصخ وهو يضحك وهي قالبه طماط
ضحكت ترف: تخايلت يونس وش قايل لك
تعدلت هيام تناظرها: صدق شنو قالك اخوي
سمو وهي تبتسم وتغمز لها: طلع اخوي رومنسي ولا هذي سواياك
نجد بضحك: والله وطلعت الحركات من ورانا
ناظرتهم إلين بطرف عين: وجع قليلين ادب عيب خصوصيات
ضحكت بذهول ريناد: صارت خصوصيات
ضحكت سمو: تشوفين طيب طيب يا إلين وقت تجين بعدين بقولك خصوصيات
ناظرتهم بطرف عين: اقول انقلعوا لازواجكم وخصوصا انتي سمو شوفي كيف سيف يناظرك من بعيد
التفتت سمو تناظره كان فعلاً يناظرها ابتسمت له وابتسم من ابتسمت
ضحكت ترف تشوفهم: راح اخوي على هالابتسامه
ضحكت معها هيام: حبيبتي انا ذبت كيف هو
ناظرتهم بطرف عينها: عيب عليكم بنات
ضحكت ريناد: صح عيب عيب خلوها عشان بعدين بحتاج تعطيني من خبرتها بحياة الزوجيه
تغيرت ملامح سمو ووضح عليها الارتباك لكن ما انتبه لها غير نجد ناظرتها لثواني بحيره
بعد مده من الوقت الكل استاذنوا يخرجون يتركونه يرتاح من انتهى وقت الزياره ومن كان بيرافق معه خالد رفض الجد وحلف محد يجلس خرج الكل وبعد مده وصلوا البيت واما عايلة الجد حمد رجعوا بيتهم وهالمره معهم ريناد بعد ما اتفقت من بكرا يخرجون السوق البنات يجهزون كلهم سوا وقررت تخلص معهم عشان ما تشغل البنات بعد ما يتزوجون ويصيرون ياخذون وقتها وراحتهم مع بعض مو مثل وضع سمو وسيف الي صار بشكل شبهه يومي ببيت الجد محمد وانهم ما يخذون وقتهم سوا ولحالهم هي لاحظت رغم محد اشتكى منهم لكن تحس هذي اوقات خاصه وهي وقتها تحس بتخرب عليهم لاجل كذا قررت تجهز بدري وتخلص ترتاح هي ويرتاحون هم وكل شخص ياخذ راحته وقتها
عند البنات كل وحده دخلت غرفتها تنام بدري وراهم بكرا يوم طويل وقررو يطلعون من بدري يخلصون اشغالهم وبذي الايام بيصير ذا وضعهم سوق بيت نوم سوق وراهم اشغال كثيره وما بقى كثير وخصوصا انها مو وحده ثلاث الي يجهزون ف يحسون يحتاجون كل دقيقه وثانيه بيومهم ويتركون الاشغال الي يخلصونها بسرعه على الامهات مثل توزيعات واي شيء ثاني مختلف بسيط عليهم
حتى للحين ما شافوا كيف بيكون نظام الزفه دام فيه عروستين مين اول بتنزف ومين الثانيه وكيف الوضع متى يودون اغراض هيام لكن بالاخير هيام قررت تودي الاغراض بس هي ترتبها بعدين يعني ما يحتاج يروحون يرتبون لان اصلا مافيه وقت وهي وقت تروح بترتب اغراضها واغراضه يستقرون ويرجعون على زواج ريناد وخالد هذا كان قرار مشترك بين هيام وياسر والكل وافق كونه بيختصر لهم الشغل وبيبقى لهم وقت كثير يجهرون امور ثانيه يستغلون كل وقت وثانيه لاجل كالعاده يطلعون بافضل الصور قدام الناس وسمعتهم وعايلتهم المعروفه لابد تطلع مناسباتهم بافضل الاشكال

عند سمو وسيف من الكل راح ينام بقو هم بالصاله كانت تناظره سرحان ما حس باحد وقت خرجوا استغربت سرحانه تقوم تجلس جنبه بعد طلوع اخر شخص الي كان خالد مسكت ايده: سيف
التفت لها من حس فيها: سمي
ابتسمت له: شفيك ياروحي وش شاغل بالك
ابتسم لها: ودي ببيتنا احس صرت استنكر نومي هنا حتى بغرفتي القديمه معد هي مريحه
ضحكت بعلو صوته من حست صوت ضحكها عالي حطيت يدها على فمها تخفف من صوت ضحكها: سيف خير ما كملت اسبوع يا حبيبي حتى امداك
ضحك يبعد عنها بعدها ينسدح يحط راسه على رجولها: والله اتعود بسرعه واحس اخذ راحتي اكثر معك خلينا نروح
ابتسمت تلعب بشعره: ما ودك نجلس فتره هنا عشان انا بساعدهم بتتعب رايح جاي يومياً من هنا لبيتنا ومن بيتنا لهنا وبنصير وقت بدري نطلع
مسك يدها يقربها من ثغره يقبلها: عادي اجيبك يومياً بس ابي ينتهي يومنا ببيتنا ناخذ راحتنا نكون انا وانتي بدون توتر والتزامات ما اخترت نطلع ببيت لوحدنا عشان نجلس هنا حتى لو فتره
انحنت تقبل جبهته من كان يناظر بوسط عيونها نهاية كلامه: الي ودك انا ودي فيه بس انا اقترحت عشان ما اتعبك
ابتسم لها بحب: ما اتعب دامه شيء يخصك تعبك لي راحه لو ما تدرين
ابتسمت تناظره بطرف عين: اي اي العب علي بالكلام
ضحك بحب يقوم يجلس: قومي قومي نروح بيتنا لان لو جلسنا كذا ما بيصير شيء زين
ضحكت تقوم تاخذ اغراضها تخرج معه يروحون بيتهم