سم اللقا صدفه و أسميه ميعاد انا انتظرتك و أنت مريت صدفه

Part 29

ثاني يوم صحت ناظرته بحب قربت قبلت خده تشوفه كيف نايم ابتسمت تبتعد قامت اخذت شور ومن خرجت ولبست قربت تصحيه: سيف يلا قوم سيف
التفت ناظرها وعين مقفله وعين مفتوحه: سمي
ابتسمت تناظر شكله المبعثر لكن جذاب بشكل: يلا قوم عشان نلحق نروح للغداء لا نتاخر
ابتسم من استوعب كل شيء: قام حضنها وقبل راسها بهدوء ابتسمت هي الثانيه دخل ياخذ شور عبال ما هي تتجهز استشورت شعرها لمت نصه على فوق ختمت شكلها بروج نود ومن خرج ابتسمت له وبادلها الابتسامه يلبس ويجهز عبال ما هي راحت شغلت الفحم قربت منه بهدوء تبخره ابتسم ومسك خصرها يقربها له يتبخرون سوا ابعدت بخجل تتعطر وتعدل شكلها للمره الاخير حاوط خصرها يتكي براسه على كتفها: كامله والكامل الله بسم الله عليك ماشاءالله
ابتسمت له وحكت بتوتر: سيف
ناظرها ينتظرها تكمل: نحكي شوي؟ ابي نتفاهم على شيء
مسك يدها يمشي فيها لصالة الجناح جلست وجلس جنبها شد على يدها من شاف ترددها يشجعها تحكي: سيف معرف كيف بقول بس ابيك تفهمني شوي
ابتسم لها يطمنها: دايم انا افهمك احكي بدون توتر معليك
ابتسمت ورجعت تتوتر وتتكلم بلخبطه: انت عارف الي صار قبل والسالفه سيف انا ودي بوقت يعني انت افهمني انا للحين احس مو مستعده ولا قادره انسى الموضوع يعني بس وقت سيف
ابتسم من فهم مقصدها وتوترها الي بسببه كلامها كان ملخبط ومو مفهوم لكن هو سيف وما يخفيه حالها سحبها لحضنه من حس بصمتها وترقبها له وخوفها من انه يصير شيء: انا دايم انتظرك لك كل الوقت والي ودك فيه ما ودي بشيء بدون رضاك انا يكفيني انك معي وبحضني الحين والباقي مع الوقت لاحقين يابوي
شدت على حضنه وهي تحس بخجل اولاً من كلامها وطلبها ومن كل شيء وتحس انها مقصره بحقه كثير كذا وهذا حقه وهي رافضته لكن ما قال شيء الا انه تقبل لو تقول احبه تحسه قليل ولا يكفي حبها له ابعدت بتوتر: يلا نروح لا نتاخر
ابتسم قام ومسك يدها ياخذ اغراضهم لان من بعد الغداء بيروحون بيتهم وان كان بيصير زواج ياسر وهيام ف هم ما بيسافرون ما حجز الين يتاكد اذا ربي كتب او لا

عند الباقين من الساعه ٩ صاحين والسبب الجد اكيد ومن قاموا وهم يكرفون ويجهزون عشان سيف وسمو هيام بحلطمه: اختي ما اختلفنا لكن ظلم اكرف امس واليوم
إلين: وانا شدخلني باختك يعني معليش ما نمت زين ابي انام
ليان بنبره توشك على البكي: والله حرام مره بدري باقي وقت الين يجون ليه كذا صدق خير
نجد بتعب: امنيتي الحاليه اني انام لو ساعه بموت نوم دايخه
دخلت ترف وهي تضحك: وش حالتكم ذي
ريناد بتعب: الوحيده الي رايقه بذا البيت ترف
ترف ابتسمت بهدوء: معليش مهما كان انا مبسوطه لاخوي وعقبال الثاني واعيش لوحدي عند بابا وماما
إلين بطقطقه: بيجي دورك صدقيني
ترف بعبط: باقي صغيره مو زيكم
شهقت هيام: وجع خير شقصدك؟
نجد ضربتها بخفه: لا تشهقين يا بزر
تنحنحو العيال يدخلون من شافوهم ضحكوا من قلب عليهم كانت حالتهم تنرحم واضح فيهم النوم واخلاقهم تحت الصفر
نجد بتعب: وربي لو ما تطلعون بقلب الدنيا عليكم محد له خلق طقطقه من الحين اعلمكم
ريناد بتأييد: صح الي قالته نجد محد له خلق وفعلاً بنقلب عليكم
سلمان حاوط نجد بيد واليد الثانيه ريناد: واضح فعايل عمي فيكم تعالوا معي بس
ليان راحت لغيث: اخوي حبيبي شوف لي حل ابي انام طلبت لو ساعه
ابعد غيث بضحك: مالي دخل انا زيك ما نمت بس الحياه حلوه عادي
خالد سحب ريناد بخفه: ابعد عن زوجتي وخلك بزوجتك ياولد
ضحكوا بخفه على ريناد الي خجلت كثير ووجها صار احمر
محمد وهو توه يجي: بسم الله وش صاير هنا شعندكم؟
إلين: ابد وش عندنا يعني
مهند: ابد مقصده اننا ما نجتمع الا على شر عشان كذا لازم نقلب عليه
ضحكت هيام: هيه مهند تراه اخوك وش عندك تبيعه راحت تحضن محمد حبيبي اخوي
حاوطها محمد وهو يقهر مهند: موت بغيضك يالحبيب
مهند بضحك: تجي الحين حبيبتي ما تتركني وخلني اشوفك تقرب بس ادفنك
همس ياسر بس كان مسموع للكل: تدافع عن اخوها وانا اروح فيها
ضحكوا الكل وتنحنح باحراج وخرج اما هي دفنت وجهه بحضن محمد عنهم وعن طقطقتهم ومحمد يدافع عنها بعد مده طويله بعد ضحك وطقطقه تساعدوا وخلصوا كل شيء خرجوا يجلسون مع الكبار الين يجون سيف وسمو ويتغدون