سم اللقا صدفه و أسميه ميعاد انا انتظرتك و أنت مريت صدفه

Part 31

عند مهند كانت انظاره على الباب هو وقت جاء يطلع صادف بطريقه زوجة عمه ومن سالته وين جناح إلين هو قال لها وين والمتوقع اذا ما صادفتها وهي جايته للسطح ف هي بتكون عندها بالغرفه لا محال بيصير نقاش وهو خايف من هالنقاش واثاره على محبوبته يخاف تعاند وتزيد المشاكل وهو حاس ان زوجة عمه حليله ومالها ومال المشاكل ابد لكن برضو ما يضمن وهو عارف ان هو بنفسه ما يضمن ف كيف إلين وهو يعرفها ويعرف تفكيرها وهواجيسها الي ما تنتهي وقلقها الي مصاحبها دايم ابتسم باتساع من شافها جايته لكن الواضح عقلها مو معها و الواضح انها تفكر من جلست هو مد لها كوب قهوه وانظاره ما نزلت عنها ابتسمت تناظره كيف يناظرها ميلت راسها على كتفه وهي تبحث عن الراحه والطمانينه وهي متاكده بتحصلها عنده ومعه مع انه غلط لكن حالياً مب فارق معها الغلط تبي ترتاح وبس ابتسم ينزل راسه على راسها وبيده قهوته: شفيك
رفعت اكتافهم بعدم معرفه: مشتته ملخبطه كل شيء بس ابي راحه
ابعد يعدل جلسته يناظرها: انتي ارتاحي ولا تشيلين هم انا معك معليك ثقي فيني كل شيء بيكون كويس انا اعرف واحس واحساسي ما يخيب
ابتسمت باتساع تناظره كيف يحاول يطمنها لاجل ترتاح: مهند
ناظرها كيف تنطق اسمه ابتسم لها بحب: سمي يابعد طوايفه
ابتسمت تمسك يده: تعرفني تعرف قد ايش حريصه على الاغلاط يا مهند وما احب اكسر القواعد ولا اسوي الغلط ولا الي ما يرضي ربي لكني اجيك بكل مافيني تدري ليه؟ هز راسه بالنفي واناظره عليها يترقب اجابتها شدت على يده تترك راسها من جديد عليه: لانك بر الامان لي والراحه عندك والسعاده انت اساسها بس يقولون مهند انا اصير بخير وبراحه والسعاده حولي وما تفارقني انت غير بكل مافيك عنهم حتى انا غير معك حتى بشعوري وكل مافيني لك غير لانك ببساطه تفرق عنهم وتجبرني اكون معك غير وافرق معك عنهم

ابتسم لها ماقدر يعبر ولا هو قادر يرد من بعد كلامها وكيف هي تشوفه اخذ نفس يحاول يلم شتات نفسه من بعد حكيها لكن معد يقدر غير انه لف وحضنها له يشدها لحضنه وهو يضحك بحب ويقبل رأسها مره ومرتين وثلاث شدت عليه وهي لاول مره تحس نفسها فوق الغيم فعلاً تحس نفسها خفيفه ولا تشيل هم شيء ومبسوطه من داخلها مع اكثر انسان تمنته بحياتها تحبه كثير ولا تقدر تخبي حبه داخلها صارت مفضوحه وباين حبها له بعيونها من تشوفه من تطيح عينها عليه او على شيء يذكرها فيه هو صار كلها من بعد ما كان جزء منها وهالشيء يرضيها لانه الشخص الصح الشخص الي يداريها ويهتم لها ويعطيها بدون مقابل بدون ما ينتظر منها المثل يفكر فيها وبشعورها ينتظرها ويجيها كله بدون تردد ما تخافه ولا تخاف شعوره ولا اي شيء يخصه ابعدت تشتت انظارها بخجل كونه حضنها وقبل راسها وتعدت حدودها معه وهي ما يرضيها وبنفس الوقت يخجلها: احبك يابعد مهند وطوايفه احبك إلين والله ما اكذب لا قلت احبك والله شاهد على صدق شعوري تجاهك ما اود لك الشر اتمنى لك الخير من اعماقي واتمنى دايم الدوم اشوفك مبسوطه ومرتاحه ولا صارت راحتك وسعادتك وامانك عندي ف هو يا سعد حظي بذا كله صحيح تجي مرات كثير انشغل لكنك على بالي بكل وقت يكفيني يا إلين انك بخير
ابتسمت بحب له: انا بخير طالما انت معي وحولي
مسك يدها بين كفوفه يشد عليها: وانا معك دايم وحولك ما اخليك
اخذت نفس: بقولك شيء
ابتسم لها يطمنها من حس بتوترها: قولي كلي اسمعك لبيه
تنهدت وهي تشتت انظارها: كلمتني شرحت له هي وش تبي او بالاصح توضح ان ما مقصدها شر ولا لها نيه بالمشاكل وقالت لي شافت كثير من القسوه ولاعد ودها لكني مب فاهمه شيء