سم اللقا صدفه و أسميه ميعاد انا انتظرتك و أنت مريت صدفه

Part 38

ضحكت تاخذ بجامتها تبدل ترجع لعنده تجلس جنبه من كان على الكنبه: سلمان
ابتسم يلف لها: عيونه سمي
ابتسمت بخجل: اطلبك طلب يصير
ضحك بحب يمسك يدها يسند راسها على صدره وهو يشوف التعب فيها واصل حده: سمي لك الي ودك
ابتسمت تشد على يده: ما نسافر
رفع راسه يناظرها بصدمه: ليه
ضحكت من صدمته: ما يحتاج هالفتره احس بتعب بعد ايام الزواج حيل احتاج اريح غير كذا زواج اخوي وريناد قريب ودي اكون مع ريناد تعرف يعني حنا بنات نفهم لبعض وهي ابد ما قصرت معي احس كذا مدري شعور مو حلو اني اسافر وهي ممكن تحتاجني بشيء
ابتسم يناظرها: بس فيه الباقين معها البنات
ضحكت تهز راسها بالنفي توضح له: عارفه وما يقصرون معها وهي تعرف بعد لكن علاقتي فيها غير عنهم كلهم وانت تعرف ما بترتاح حيل انها تقول كل شيء ببالها او تستفسر عن شيء يعني مدري ما بتفهم قصدي بس انو مقدر خلها بعدين
ابتسم يشد يدها: بس؟ ذا الي ودك ابد لك هو تم وتبشرين وعلى هالخشم
ابتسمت تقرب تبوس خشمه: عليه الشحم
قامت تنام وهو بالمثل بعد يوم طويل عليهم

عند ياسر وهيام
بعد ما كلموا اهلهم وجاب لها بعض المساعدات يساعدونها بالبيت ومن انتهت وراحوا بالسواق المخصص لهم جت جنبه رمت نفسها على الكنب: تعبت تعبت والله مو طبيعي
ضحك: محد قالك كله سويه اليوم
ابتسمت تلف له: لازم ما ارتاح كذا خلاص ابي افتك مره وحده ما اشيل هم
ابتسم يقوم ويمد يده لها: قومي يلا عشان تغيرين عازمك على عشاء بمطعم بيحبه قلبك
قامت وهي تبتسم له بحب تبدل تخرج معه للمطعم من وصلوا جلست وهو بالمقابل لها من جاء لهم احد الموظفين الي بالمطعم ياخذ طلبهم من انتهى وراح هو مد يده يمسك يدها: تدرين اني محظوظ
ابتسمت بحب كبير تكنه له سندت خدها على يدها الثانيه تميل راسها تناظره مد يده يحطها على عيونها: هالنظرات ما بتخليك تسلمين
ضحكت تعتدل وتعدل نظراتها ضحك بالمثل: تعقلين كذا
ابتسمت: ياسر اعقل خلاص
ابتسم ما يرد من وصل اكلهم ياكل برفقتها وتاخذهم السوالف الكثير بينهم
انتهوا ودفع الحساب يخرج معها من طلبته يروحون البحر يتمشون شوي وما يردها الا انه يقول ابشري تضحك له بشكل يعشقه هو وتبتسم له وتحكي له بشكل تمناه من سنين
عند سيف و سمو وصلوا بيتهم وهم الي بعد استاذنوا من بعد سلمان ونجد وهو صار وقتهم قبل دوامه دخلت قبله يدخل بعدها يجلس من ما حصلها موجوده طلع فوق بعد ما شرب مويه يدخل يحصلها لابسه بجامتها تزيل الميك اب ناظرته يناظرها لكنه ما يقول ما يحكي خلصت تاخذ اغراضها ومن جت بتنزل التفتت له تناظره ماسك جواله: ان خلصت تلاقيني تحت تعال
نظارها بدون رد يقفل جواله بعد الرساله الي عكرت مزاجه بشكل كبير اخذ نفس ينزل لها بعد ما بدل ل شورت وتيشيرت يجلس بالكنبه المقابله لها ابتسمت له لكنه ما ابتسم لها ترك الدموع تتجمع بمحاجرها: سيف
قرب يجلس جنبها: سمي يا عيونه
التفتت تناظر عيونه: فيك شيء انت مو طبيعي اليوم
ضحك يهز راسه بالنفي: مافيني شيء
اعتدلت بجلستها تحاول تمنع دموعها من النزول الا انها نزلت وبكت من سحبها لحضنه تبكي بعدم مقدر على المشاعر الي تمرها: انت زعلان مني صح وانت فاهم غلط صح
نزل انظاره عليها بحضنه: وش الي فاهمه غلط
ناظرته لثواني: تتوقع اني يوم بكيت اليوم عشانك قربت القرب البسيط الي ياما قربته مني من قبل والي تعودته منك اساسا
هز راسه يحثها تكمل له لكنها ساكته يشد على يدها عشان تكمل: كملي اسمعك
مسحت دموعها تعتدل لشوي: انا ما بكيت عشان كذا انا ابكي بسبب المشاعر الي احسها احس بظلمي لك وبكثير اشياء ودي اني اخطي خطوه وافكر واحاول لكني مقدرت وقد قلت لك قبل بحتاج وقت وشفت ردك وتفهمك لي لكني كل ما اشوف كيف انك تشد على نفسك وقت اكون قدامك وقت تتمنع بمحاولات كثيره تسويها لاجل ما تجبرني ولاجل انك عطيتني كلمه كلها تحرقني تشب نيراني وتحسسني بقد ايش انا انانيه واني ما استاهلك واني اظلمك بس مو بكيفي رجعت تبكي وهو يشدها لحضنه هو فهمها الحين اكثر وفهم هي وش تفكر خلال الايام الي شافها سرحانه فيها ابتسم يناظرها: افا سموي وتبكين وانتي عندي وبين احضاني
رفعت كتوفها بعدم مقدره: مقدر سيف مقدر
ابتسم يرفعها يناظرها: تقدرين وبتقدرين وحالي خليه علي انا راضي لا تفكرين بامور كثيره ولا تحملين نفسك ذنب شيء ماهو ذنبك انتي ما تظلميني ولا انتي سبب شيء انا استعجلت الزواج بدون ما اشاورك واصريت عليه وقت عرفت وانتي صارحتيني وقتها انك تحتاجين وقت وانا قلت لك كل الوقت ما تذكرين؟ انا راضي على وش انتي تبكين وتقولين ظلمتيني وانا راضي رفعت كتوفها تناظره: بس حالنا هذا مو حال اي اثنين ما صارلهم حتى شهر من تزوجوا واحس يحز بالخاطر حتى لو قلت وانا قلت يفرق والله بكثير اشياء وتزعل انا معرف اشرح لك لكن افهمني
ابتسم يشد على يدها: راضي والله العظيم راضي ومرتاح يكفيني انك معي وبين احضاني وتحت سقف واحد انا وانتي بس روقينا وكفي هالدموع واضحكي لي خلي دنياي تزين وعندي لك خبر يخوفي اقوله وتزيدين صياح
ابتسم يشد على يدها: راضي والله العظيم راضي ومرتاح يكفيني انك معي وبين احضاني وتحت سقف واحد انا وانتي بس روقينا وكفي هالدموع واضحكي لي خلي دنياي تزين وعندي لك خبر يخوفي اقوله وتزيدين صياح
ناظرته ثواني ابتسم يطمنها: دوامي طالبيني بشكل ضروري يعني انقطعت اجازتي خلاص
ناظرته تبكي مره ثانيه وهي تشوف الغلط والذنب منها هي ما جلست معه ما كانت حوله ما مشت ايامهم الي راحت لوحدهم كانت مع اهلهم وكثير الاوقات يكونون بعيد عن بعض
ابتسم يشدها له يخليها تبكي براحتها وهو يحس فيها قد ايش تنضغط بكت وبكت وبكت الين ما جفت الدموع داخل عيونها رفع راسها له: خلاص
ابتسمت تهز راسها له: نتقهوى
ابتسم يهز راسه تقوم تجيب القهوه وتجلس معه تسولف له كثير ويسولف لها القليل كونها يستمع لها احب له من انه يسولف لها لكن مع ذلك يسولف ولا يخلوا جوهم من الضحك وكثير الفرح والسعاده الي يحسونها داخلهم انهم سوا ولبعض ومع بعض