سم اللقا صدفه و أسميه ميعاد انا انتظرتك و أنت مريت صدفه

Part 13

عند خالد
كان طالع وبالصدفه مر من عند غرفة ياسر سمعه يكلم ويضحك دخل عليه وهو يضحك من ضحك ياسر: ماشاءالله يالاخو ضحك واصل لبرا
ياسر: اي وش وراي خلني اضحك
خالد: اضحك اضحك يجعله دوم بس علمني اضحك معك
ياسر بطقطقه: حتى بالضحك مناشبني وش العم النشبه
شوي ودخل بعد خالد مهند: شعندكم مجتمعين بدوني
ياسر: يلا خذلك وش تبون انتو نشبه خير!
خالد: ياحبيبي على قلبك وين ما تروح
ياسر: يليل مافيه خصوصيه حتى
مهند: تموت ولا تحصل خصوصيه علينا يالوصخ قال خصوصيه قال
محمد وهو قاط بالسالفه معهم: من الورع الي يبي خصوصيه
خالد بطقطقه: يلا خذلك اجتمعوا البزران
محمد وهو مسوي نفسه جاد: اعقب وش بزران اعقل بس يالشايب
خالد وهو يرمي المخده عليه: ما الشايب غيرك وقعدو يضحكون الا شوي دخل سيف ومعه غيث وهم يضحكون
سيف وهو يضحك: اوه السلق مجتمعين؟
خالد وهو يمثل الحده: احترم عمك ياورع
غيث بسخريه: لا بعد يحسب نفسه كبير ويقول ورع
خالد: غصب عنك سد فمك لا اسده لك
غيث وهو يمثل الخوف: يمه الحقيني بيسد فمي طيري يعمي بس
جلس ونظرات خالد وراه لف له بضحكه: عيونك يا حبيبي شيلهم شفيك نفسيه كذا
اما الباقي كلهم فاطسين ضحك على خالد ونظراته وكيف لو عليه دفنه بارضه: بتعقلون ولا كيف؟
سيف: نعقل وانت عمنا مستحيله ذي شف لك شيء ثاني تطمح له
محمد وهو يكمل طقطقته: هاذا الحلم تحلم فيه دايم؟
اما ياسر ومهند وغيث فاطسين ضحك ومو قادرين يتكلمون
ياسر: اخخ الله يقلع بليسكم عجزت اتكلم زين انقلعوا برا يلا
مهند وهو يحضنه ويقلد صوت بنت: افا يسوري حبيبي تطردنا؟
ياسر دفه وهو متقرف: وجع يسوري فعينك
سيف: لا لا شف بعد مسوي متقرف منك ههههههههههههه
جلس ياسر يتحلطم ويطالب بخصوصيه وحريه وهم يطقطقون عليه ويضحكون وراح يومهم ضحك ووناسه عكس البنات الي متقروشين بشكل بخصوص الملكه اما الاباء والاجداد ف هم راح يومهم بالسوالف وراحة البال الا شخصين راح يومهم بالتخطيط وخبث العالمين فيهم اما سلمان واهله فكانو مو اقل من قروشة البنات بالتجهيز خصوصاً ريناد الي تحس شايله هم كل شيء ومب عارفه تلحق على وش بالضبط

سمو بخوف: معرف معرف من بعد الي صار وانا دايم خايفه وعلى اعصابي ومتوتره واخاف من الكل حتى لو اعرفهم معرف معرف
نجد: يا حياتي سيف بيكون متفهم وعارف هو الي صاير معك مب افضل من غيره؟ وبيحطك بعيونه انا متاكده انا حافظه سيف زي مو حافظه اسمي صدقيني بيحطك بعيونه وبين ضلوع قلبه
سمو: كيف بين ضلوع قلبه؟
نجد: مو مهم تعرفين الحين بس صدقيني بيكون خير الزوج لك ومن رأيي توافقين بس استخيري اول
سمو مسحت دموعها وقفت: تمام بروح استخير ويارب ارتاح وقتها برد لبابا سوا بموافقتي او رفضي
نجد: تمام يروحي وعلميني عاد لا تنسين
سمو بضحكه: اكيد اول الناس انتي
نجد بطقطقه: يخوفي يكون اول الناس سيفك
سمو بتأفف: بدينا يا نجد القلب بعدين من قال انه سيفي ما بعد وافقت
نجد ب ابتسامه: عاد ذا الي واضح لي وبكيفي
سمو وهي تطلع: صح بكيفك
نجد ضحكت ودعت ربها ان الله يسعدهم ويوفقهم ويكتب الي فيه الخير لهم ما تنكر انها انبسطت حيل اول ما سمعت الخبر بس الواضح لها ان سيف بيعاني حيل مع سمو بسبب نفسيتها والي صار معها ماثر عليها مره لكن برضو تعرف ان سيف بطريقته بيكسبها ويساعدها تتخطى الي صار تنهدت براحه وقامت تجهز باقي الامور عشان ملكتها وبعدها بتطلع لهم تجلس معهم وتسولف بس تحس منحرجه لان تعرف اخوها وعيال اخوانها بيطقطقون عليها وما راح يتركونها بحالها وصار اسمها بينهم خاطفة زوجة خالد كل ما تتذكر هالكلمه تفطس ضحك ما تنكر انها تنحرج كثير لكن يضحكونها بشكل مو معقول تحبهم مره وتدعي ربي يحفظهم ويسعدهم ولا يفرقهم بيوم