سم اللقا صدفه و أسميه ميعاد انا انتظرتك و أنت مريت صدفه

Part 11

عند إلين
راحت غرفة امها وحصلت بنت خالتها اسيل انصدمت كيف هي هنا ومن متى؟
نسرين: شفيك يا إلين
إلين: ابد مافيني شي جيت اشوف اذا تبين شيء
نسرين: مابي شيء اطلعي
إلين: وش هالاسلوب طيب !
نسرين: تراني امك
إلين: واذا امي جايه اتطمن عنك تقولين اطلعي؟ قدري تعبي جايه لعندك وانتي مافيه شيء الا سويتيه فينا مع ذلك محترمينك ومقدرينك لا تخسرين عيالك نصيحه
نسرين بغضب: قلت اطلعي ما تفهمين؟
إلين بسخريه: واضح قطعت مخططاتك مع بنت اختك الا يا اسيل من متى انتي هنا؟
اسيل بكره: لي يومين
إلين: يومين ولا شفناك غريب امرك
نسرين: مالك دخل كانت عندي وشتبين انتي؟
إلين: بنت اختك ذي ما تفيدك والتفت على اسيل واكملت وانتي تراها زي ما باعت عيالها تبيعك انتبهي لان ان فات الفوت ما ينفع الصوت
اسيل: مالك دخل بيني وبين خالتي
إلين باستهزاء: طنجره ولقت غطاها فعلاً
طلعت إلين وهي عارفه ان بنت خالتها ما جت عبث وعارفه وراهم شيء لكن؟ ما تعرف تتمنى هالمره تعدي على خير لان اخر مره صارت مشكله كبيره والكل صار مو طايق شيء وخصوصاً إلين وليان وغيث صابهم كثير الخجل من الكل ويتحاشون النظر فيهم حتى بسبب الي حصل وكله كان من تدبير امها وبنت خالتها الي طبق الاصل من امها راحت السطح وهي تحس مكتومه بشكل كبير اختها طلعت زعلانه متضايقه وما تبي احد حولها غير المشكله الي صارت غير عن ضيقها ومشاكلها بدراستها وصحباتك والاهم مع مهند الي ما تدري متى تنتهي مشكلته ولا هي عارفه التفاصيل كامله وتحس فيها خوف وقلق قاطع افكارها مهند الي جلس جنبها وهو يتنهد من هم صغار ذي عادتهم اذا احد فيهم تضايق يطلع السطح ويجلس يناظر السماء ويتوه ب افكاره التفت عليه وقالت: مهند
مهند: سمي يا عيونه
إلين بخجل: سم الله عدوك
مهند بضحكه: لا تقولين استحيتي مني؟
إلين: من قال بس وش تسوي هنا
مهند: ما تغيرتي فاشله بالكذب اما عن وش اسوي هنا كالعاده اما انتي؟
إلين ارفعت كتوفها بعدم معرفه
مهند: كيف ما تعرفين
إلين: ضاقت فيني الوسيعه الماكن المفضل
مهند: صحيح تغير كل شيء الا هالشيء
إلين بعدم فهم: كيف ما فهمت؟
مهند: يعني كالعاده تضيق فينا الوسيعه وذا المكان راحتنا من حنا صغار
إلين: للحين تتذكر كل شيء؟
مهند: كل شيء يخصك اتذكره اما الباقي ف الاكيد لا
إلين ابتسمت بهدوء وبادلها الابتسامه اختفت ابتسامتها وخافت من الي دخل عليهم بغضب وقال:*******
عند غيث وترف
غيث: وش قلتي عيدي؟
ترف بابتسامة: وش قلت؟
غيث: اخر كلمه
ترف: يا حبيبي
غيث: لحالها هالكلمه منك ترد الروح كيف بشوفتك؟
ترف بخجل: بروح انام
غيث: توك جيتي خليك شوي
ترف: غيث انت عارف
غيث تنهد: خلاص روحي روحي
ترف: انتبه لنفسك عيني عليك
غيث بضحكه: ابشري
ترف راحت تنام وهي تعبانه حيل لكن كانت مبسوطه يكفيها شوفته وكلامه حتى عتابه لها تحبه يكفي انه منه وهي ما تبي شي اكثر تحبه حب بشكل محد يتصوره لكن تخاف وحيل ما تدري وش النهايه والله يستر من النهايات
اما غيث من راحت وهو سرحان ب افكاره يبيها قريبه حيل منه لكن كيف؟ صعب وصعب حيل وهي ما بعد خلصت دراسه وهو ما بيده شيء بينتظر ولعل وعسى تمر بسرعه يكفيه انه يحبها وهي تحبه والباقي يهون