فِ العياده
يوسف يبرم ف الممر قدام الغرفه واخته منى جنبه
طلعت الدكتوره:الف مبروك جابت عيل بسم الله ماشاءالله عليه
يوسف ابتسم : الحمدلله وعبير شن صار فيها؟
الدكتوره: عبير بصراحه لازم نقعدوا عشان نقولك شن فيها
يوسف قلق: شن في ان شاءالله خير
الدكتوره:خير ان شاءالله
يوسف لحق الدكتوره للمكتب
منى : يستر الله
—
ان شاءالله خير يا دكتوره؟
الدكتوره: خير ان شاءالله عبير الطيحه اثرت عليها وسببلها مشاكل ف الرحم ف
يوسف: لاحول ولاقوة الا بالله ف شن؟
الدكتوره: تبيلها سنتين اخرى عشان تقدر تحمل مره ثانيه
يوسف: لا اله الا الله ، اهم شي يعني مفش حاجه صارتلها اي اضرار اخرى ؟
الدكتوره: اضرار😂، لالا ماصارش اي اضرار اخرى بس زي ماقتلك
يوسف: بارك الله فيك وصبا
___
سالمه خاشه تزغرت:مبروك مبروك وجا حفيدي يانعلي فرحتي مانعطيها لحد
عارفه يا عبوره حلمت ب باتي جاني في المنام من امس يقول عقوب جا ياسالمه عقوب جا
زهره عقدت حواجبها:عقوب؟
سالمع:اها عقوب اسم بوي سمحك اسم والا ياحاج وبحتت في راجلها
جمعه:سمحك اسم لكن حفيدي نريد نا نسميه
وحفيدي اسمه نازل معاه عبد الرحمن وتم الكلام
عبير ابتسمت🤍
سالمه قلبت وجهها وسكتت
جمعه وشوش سالمه: وين بناتك؟
سالمه: سناء جايها خطيبها
جمعه: وشن يريد فيها؟
سالمه: خطيبها يبي يحكي معاها وخوها يبي يقعد معاهم
جمعه:وباقي بناتك ؟
سالمه:نجوى مع اختها ومنى جت امبدري و نوال صغيرة ماعندها علاش جايه
خشت كوثر : السلام عليكم لولولولولي
وسلمت ع عبير مبارك مبارك
عبير: يبارك فيك وعقبالك 🤍
___
سناء سلمت ع عبير باليد: مُبارك
عبير: يبارك فيك
زينب رفعت حاجبها وقالت:عقبالك يا سناء
سناء: بحتت فيها وقلبت وجها
نجوى:ههه ان شاءالله جلال خطيبها قريب يهبل يبي يطلع العرس
زينب: ربي يهني
📞📞
ايوا؟ تمامم تمامم
زينب : زهور حبيبتي راجلِيييي يبي قهوه ديريله ولا تصغري حبيبتي
زهره: حاضر يعيوني
صبت زهره ولحقتها نجوى
نجوى:ءءءكيف حالك يا زهره؟
زهره برفعة حاجب : الحمدلله
نجوى: ءء ماشاءالله الله عليكِ انتِ وخياتك
زهره: امم بارك الله فيك
نجوى: ءء عطيني انا نديرها القهوه !
زهره: لالا توا نديرها انا عارفه خويا كيف يحبها
نجوى: اي حتى انا عارفه
زهره: كيف؟؟
نجوى:ءءعبير من قبل قالت كيف تحبوا القهوه
زهره: اهمم به كيف نحبوها؟
نجوى: ثقيله ومره وبِوجه
زهره: صاحح براوا لكن ح نديرها انا
زهره دارت القهوه وهي تهدرز مع نجوى
عبير : زهره يا زهره
زهره: هاكي يا نجوى نزلي القهوه انا نبي نمشي لعبير
نجوى: حاضرر😍😍😍
وطلعت عطر وبخت ودكنت روجها ونزلت تجري
نجوى:سليمان سليمان
سلميان استغرب الصوت تنحنح بدون مايرفع عيونه : اححم نعم؟
نجوى بدلع: انا نجوى اخت يوسف هاك القهوه 😍
سليمان خذاها منها وهو مطبس عيونه : منوره
نجوى: بوجودك
وبصوت واطي سمعه سليمان :عليك عيون ياربي وركبت تجري😍
سليمان :قلة ادب
____
منى: وين كنتِ؟
نجوى: مع سليمان 😍
منى شهقت:طاح سعدك
نجوى: اس اس خليني فرحانه
منى: تعالي قوليلي شن كنت تديري عنده
نجوى: شي نزللته قهوه😍
منى: بس ؟
نجوى: وهدرزت معاه شوي 😍
منى: الراجل متزوج وخوتك كان سمعوا انك تبيه ح يشنقوك
نجوى: مش شوري انا اليوم ح نقوله والي يصير يصيز
خشت رجاء :احم احم سلام عليكم
:عليكن السلام
رجاء برفعة حاجب وابتسامه مستفزه: امم نبي نغسل رضاعة سارة بنتي
منى: ءء تفضلي
رجاء: تغسل في الرضاعه وتدندن
منى تعض في شواربها لنجوى
نجوى:ءء نوتوا صفر العصيده ؟
منى:اي هي نكلم نوال بس
رجاء:ياريتكم قلتوا لزينب تديرها سليمان ماياكل فيها الا من يدها بصراحه خرافه عصيدته
نجوى:وكنها عصيدتنا
رجاء:ماقلت شي انا انتِ تحسستي من زوبه
نجوى عطتها نضره من فوق ل لوطه
___
زينب توشوش في رجاء
رجاء:افطنيلها نجوى البومه هذي شكلها مش هينه
زينب:عليش شن شفتي عليها
رجاء:شي لكن افطنيلها وما تخليها تقرب شور راجلك
زهره:هي تفضلن ع العصيده زوبه ورجاء
رجاءبصوت عالي:زوبه حامل وتتوحم ماعندهش نيه انا توا نجي هي
زينب ضحكت
زهره مبتسمه لرجاء:هي باهي
نجوى: التيسه هذ
منى: خلاص الناس فطنتلك
نجوى:انا نبي ننزل بس تجي نبيله بنت خالتك قبل
منى:ربي يهديك وخلاص
نجوى:قالتها السديس الي حذايا ما انتِ تبي اسلام
منى:لا انا من اول ماعرفته يب يخطب سيبته
نجوى:مم
منى: وين سناء
نجوى:لوطه تبيش تركب
منى:اهمم
نبيله :سلام عليكم
نجوى:يا اهلا يا اهلا
وسلمت عليها بالخد :حماتك بتحبك توا غير حطينا العصيده تفضلي
نبيله :نسلم بس
عبير:كيف حالك يا نبيله
نبيله:الحمدلله نجكلي العيل نسخة يوسف
زهره:لا يشبه لاختي اكثر
نبيله بأستفزاز :لاا فم يوسف متاكده انا وعيون يوسف
عبير بحتت فيها ورفعت حاجبها : الفم والعيون بذات نسختي
زهره :عبوره قالت يشبهني ما يشبه ليوسف هي ادرى عاد
نبيله:لالا الفم والعيون متاكده انا
زهره: لالا عاد مهما تأكدتي تقعد عبير متأكده اكثر منك
ووطت صوتها عشان تسمعه نبيله بس: هي فم يوسف مجربته وعيونه تتأمل فيهن ليل نهار😏
عبير ابتسمت
سميره: هي تفضلي يا نبيله
نبيله بقهر:جايه
ومشت
—-
نجوى: سليمان
سليمان: احم نعم؟
نجوى: انا نجوى الي مبدري بصراحه
سليمان: تفضلي اختِي في حاجه؟
نجوى: مانيش اختك انا
—
منى: وين ماشيه يا زينب
زينب :نازله لراجلي؟
منى: ءءء في رجاله راكبين نازلين خليك شويا وتوا نقول ليوسف يكلمه لك ع الدروج
زينب: هو اصلا يستنى فيا ف السقيفه ننزله ع السريع
منى: ءءخليك مرات يركب شي حد
زينب دفت منى من كتفها بشويش : وطلعت
#يتبع ✨
