زينب دفت منى من كتفها بشويش : وطلعت
__
سليمان: ككيف؟
نجوى: ءء انا بصراحه معجبه بيك ونبيك
سليمان: تحشمي شن الكلام هذا؟
نجوى: اي من اول ما شفتك عجبتني وحطيتك ف راسي
زينب الدم رقا لراسها وبصوت عالي: نعم ياماما؟؟؟؟؟؟؟ ياخطافة الرجاله يلي هلك ماعرفوش يربوك اقسم بالله اقسم بالله اليوم اليوم نقولها ليوسف نخليه يربيك يا قليلة الادب
نجوى:ءءء ارجي نفهمك
زينب: نرجا شن يا الساقطه يا السافله قليله الربايه هذ
طلعت فاطمه ع صوت العياط هي ورجاء وكوثر: شن في كنكم ياساتر ؟
سليمان بصوت واطي : زينب اسكتي
زينب: تعالي يا عمتي تعالي شوفي بنتهم قليلة الربايه تعاكس في راجلي عيني عينك
طلعت سناء من حوش بوها بعد سمعت العياط
كوثر خشت تنادي ف عمتها وطلعن يجارن هنا الاثنين
سليمان: زينبب
زينب: قليلة ادب ساقطه ماشاطره غير في خطف الرجاله من اول ماشفتكن وقلت انكن مش مربيات
سناء: لا ياماما افطني لروحك بلا قلة ادب وعند تربايتنا وستوب نحن احسن من الي ربوك
زينب : لا واضح لو متربية را اختك ما جتش لراجلي تقوله معجبه بيك ونبيك وعاجبني ! قليلات ادب
سليمان بصوت عالي وعصبيه: زينب اركبي جيبي عبايتك وانزلي بسرعهههه
وانتِ ياا اخت يوسف انا راجل متجوز ماعاد تجي شوري والمره هذي ح نعديها ومش ح نقول لخوتك !
زينب: لكن انا مش معديتها
سليمان فنص : زينبببب
فاطمة : تعالي يا زينب اركبي واسمعي الكلام
وبحتت فاطمه في سالمه :اشقي ب بناتك
سليمان طلع برا
سالمه نزلت تجري لوطا
سالمه تندب : حي عليا حي عليا شن دايره في دنيتي انا بيش ربي باليني بيكن ينعلي
سناء: شن درتي طاح سعدك انا قتلك فوتيه توا يجيك سيد سيده لكن انتِ قفل خليتي وجهنا في الوطا
سالمه: خشي انتِ واختك جوا ويا ويلكن نشف وحده منكن فوق
نبيله تبحت من فوق ومبتسمه وفي خاطرها:تستاهلن !
كوثر: فاتك يا عبير فاتك
عبير: شن في؟
كوثر: ياناعلي زينب مرات خوك مسحت كبدي فيهن
عبير: ياساتر شن صار
زينب خشت لابسه عبايتها ونقابها: بسلامه حبيبتي
عبير: وين خليك
زينب: نتافهم انا وخوك ونجيك بكرا بادن الله
كوثر: لمعتي كبدي فيهن
زينب ابتسمت: امتى ما تبي تلمعي كبدك كلميني
كوثر: حاضرر
زينب:عبوره نبي عطر نسائي قوي مغير مش جايبه معاي
عبير غمزتلها: شوفي الدرج الاول الي يعجبك خوذيه حتى في الدولاب حاجات سمحات كان تبي 😂
زينب ضحكت ومشت شور الدرج : يا فهماني لالا حاجات جايبه معايا ماتوصي 😂
كوثر وشوشت عبير: شن تبي فيه العطر ؟
عبير: تخلي سليمان يعصب منها وبعدين ترضيه بطريقتها😂
كوثر: قويه
وبحتت في زينب : تعجبيني نبي ناخذ دورات عندك
زينب ابتسمت :مرحبتين
وطلعت
___
نبيله تطقطق ع باب حوش خالتها
سناء: اهلا نبيله خشي!
نبيله: اهلين وين نجوى كنها معش ركبت
سناء: تعبت شوي
نبيله : امم به وانتِ اركبي
سناء: لا مانخلي احتِي بروحها ! ،خشي اقعدي معانا نحكيلك
__
سليمان: اركبي السياره!
زينب بدلع :حاضر بيبي هدي
سليمان ضحك على هبالها
تعلموا من زينب😂😂
___
نبيلة :عيب انك تحبي راجل متجوز يا نجوى
نجوى:عادي وشن فيها الحب مش حرام
سناء:لا يا نجوى
نبيلة :لا حرام هذا راجل متجوز تخربيله حياته وتسبب
نجوى قاطعتها:نبيله حبيبتي احكي الكلام هذا لروحك الي مازلتِ مش مصدقة ان خوي فاتك وخذا بنت فاطمه !
نبيله رقالها :ومن قالككنت نبيه خوك والا نندري عليه ؟
نجوى:بلاش كذب ابله نبيله كلنا شفناك في العرس شن درتي ومره ثانيه لما تبي تنصحي لازم الكلام تقعدي مطبقتيه ومقتنعه بيه !
را احنا ف الهوى سوى انتِ تلحقي في خويا وميته فيه وهو مايندري عنك لكن انا ع الاقل يحكي معايا ويبتسملي !
نبيله: خوك انا نسيته من اول ماتجوز
نجوى: اي لا واضح واضح !
سناء:خخلاص !
نبيله صبت وشقلبت عيونها :يالله بعد اذنكن بنركب
___
خديجة اختها :وين رحتي؟
نبيلة :تشمتت فيهن وجيت
خديجة :اكيد سمعتي شي كلمه ف جنابك واضح في وجك اصلا😂
نبيلة:افف اي سمعت كلمه من نجوى المهزبه اكن توا تشوف
خديجة ضحكت
نبيله : توا نوريها كلبة الكلااب
خديجة: شن قالتلك؟
___
سليمان: فنضت فيك مفروض تسكتي مش تحلي الي مايسوى يوصل فيك!
زينب قربت منه ومسكت ياقة الزبون متاعه : حبيبي عاد انا نغار عارفني وحامل ونفسيتي كلها طلعت عليها اسفه
سيلمان :
زينب: بيبييي
سليمان :
زينب: حبيبي خلاص 🥹
سليمان ضحكلها: اه من قلبي الي ما يقدرش عليك
زينب ضحكت بدلع: ربي يخليك ليا🤍
___
مبروكه ام نبيله : هي بالسلامه!
سالمه: مع السلامه
نوال خاشه تجري: عبوره عبوره
عبير: عويناتي؟
نوال: يبيك يوسف
سالمه: قوليله يخش مافي حد براني
نوال :حاضر
زهره: معناها انا نخش للدار
..
