يوسف: لا حول و لا قوة الا بالله ربي يرحمها
صالح: ان شاء الله
يوسف: بلغت امي؟
صالح: اها طلعوا من الصبح اكيده على وصول توا
يوسف: و وين خواتك؟
صالح: مشن معايا للعزاء و روحت بيهن توا !
يوسف عصب و فنص في صالح : الكلبه نجوى مشت معاك؟
صالح استغرب : اها ليش؟
يوسف صبا و هو فاصل خش عليهن في الدار
فتح الباب بكراعه
و صالح جا و وقف وراه
يوسف بصوت عالي: انتِ يا كلبه
نجوى نطت و قعدت ترعش: ء ءءانا
سناء: يوسف اهدى باللهِ عليك راهي تكسرت من طريحة الصبح
صالح مستغرب : كنكم شن في ؟ كنك يا يوسف ؟ عليش تبي تضرب نجوى؟
يوسف قرب من نجوى و شدها من شعرها بقوه و قال بعصبيه: انتِ يا الكلبه كراعك تخطي خطوة برا الدار نذبحك فاهمه
نجوى تبكي: فكني ارجوك يا يوسف فكني
صالح قرب من يوسف و دف يوسف من على نجوى و وقف بينهم : كنك يا راجل؟ كنك مع اختك؟
يوسف تفل عليها و فنص فيها : فاهمه؟
نجوى هزت راسها و هي تبكي : فاهمه
صالح فصل : توا تفهموني شن في؟
يوسف طلع من الدار و هو فاصل بكل
سناء: ما فيش شي يوسف و نجوى متعاركين
صالح: مش هبل انا نصدق الكلام هذا و انا عارف ان يوسف ما يعصب من فراغ
وبحت في نجوى : حي عليك تطلعي دايره حاجه تي اقسم بالله نوريك
و طلع و طبق الباب
صالح لحق يوسف لقاه مقمعز في المربوعه
صالح: شن في؟ شن دايره اختك؟
يوسف داهش : توا نحكيلك بعدين
و صبا قعد ينادي في سناء
سناء جاته تجري : نعم؟ كنك ؟
يوسف قمعز ع صالون المربوعه : قمعزي
سناء قمعزت و هي خايفه و ترعش : نعم
يوسف خذا نفس عميق: انتِ شن جابك؟ حرجانه؟
سناء قعدت ساكته و تهز في كراعها بتوتر
يوسف: احكي انا ح نصبي معاك ما تخافي
سناء هزت راسها : اها
يوسف: حرجانه يعني؟
سناء: اها
يوسف رفع عيونه : من الغلطان؟
سناء خذت نفس وقالت بصوت واطي: ح نحكيلك كل شي بس ما تعصبش تمام؟
يوسف رفع حاجبه : معناها انتِ الغلطانه
سناء: اسمعني انتَ بس
يوسف رافع حاجبه: احكي ؟
سناء خذت نفس عميق و بدت تحكي: عمتي تعبت الفتره اللي فاتت بكل و انا قلتلهم جيبوها ليا نمسكها و انداويها لان لازم تقعد عند واحد من عيالها لان بناتها متزوجات
صالح رفع حاجبه: خشي في الموضوع !
سناء: اوو قعدت عندي اول يوم تمام من ثاني يوم بناتها كبن عندي و انا نوكل نشرب نطيب و نضم و نحوس وهنا شي ما يساعدن فيا بكل ! و انا حامل و في البدايه لازم ما نتحرك واجد عشان الحمل يثبت !
يوسف : باهي
صالح: ما كنتن تخلن في عبير و كوثر يشتغلن و انتن مقمعزات ؟ و الا حلال عليكن و حرام عليهن؟
سناء سكتت و قلبت عيونها مش عاجبها الكلام
يوسف رفع حاجبه وبحت في سناء
صالح رفع حاجبه : حصيلو؟ "الخلاصه يعني"
سناء عيونها تعبن دموع: امس انفجرت و قلت لجلال خلاص خواتك قوللهن معش يجن و الا يساعدني تعاركت معاه كلمه مني كلمه منه مد يده عليا
صالح انصدم: مد يده عليك؟
يوسف ما قدرش يحكي لان ضارب مراته امس ف سكت🤷🏻♀️
سناء دموعها نزلن وهزت راسها: اها ضربني كف
يوسف هز راسه : بعدها؟
سناء مسحت دموعها: انا ما تحملتش و قتله شيلني لحوش بوي !
يوسف: ماشي تمام نحن ح نحلوا القصه
سناء: لالا كان جا هو يبي يردني باهي كان ما جا يفتح الله لا تكلموه و لا تجو شوره
يوسف هز راسه
باب الحوش البراني انفتح
صالح صبا :من جا
جمعه خش : السلام عليكم
: و عليكم السلام
يوسف: الحمد لله على السلامه
جمعه : الله يسلمك
__
جنات :عليك لمه قنينه كل شي نازك وحلو
ايات: صاح ؟؟
نجمه: اها كل شي اللهم بارك عليه
ايه: عبير جت؟
نجمه: اها جت حتى هي رايحه زايده سماحه
جنات ضحت : الزواج يسمح
نجمه: حي و كان تشوفن وليدها يهبل الله يبارك عسل
جنات: اي والله هذوكا الشعيرات الناعمات و العوينات عسلي فاتح و جايب خشيم عبير الله يبارك عليه
ايات :ماشاءالله
نجمه:فيه لمحه من اسلام
ايات ضحكت
جنات:عارفه يا ماما قالتلي انها حامل
نجمه:ماشاءالله ان شاءالله بهناها
ايه:ان شاءالله
حمد خش عليهن:جنات
جنات وقفت : نعم يا بوي ؟
حمد: يراجي فيك راجلك برا
جنات: هي جايه
حمد هز راسه و طلع
جنات : مديلي بشير "ولدها" يا امي من جنبك
نجمة رفعت بشير : بسم الله هاك يا بنيتي لفيه زين را يحصل صقع
جنات: حاضر
__
عبير مقمعزه هي و امها و خواتها
عبير: وين بنتك؟
سميره: حطيتها عند سلفتي
عبير هزت راسها : اها
فاطمه بحتت في عبير ورفعت حاجبها: عبير
عبير زمطت ريقها : نعم؟
فاطمه حطت يدها على كراعها : احكي ؟
زهره عقدت حواجبها : شن تحكي؟
عبير خذت نفس عميق: امي تعاركنا انا طلقت لساني عليه مد يده عليا قتله شيلني حوش بوي
سميره شهقت و حطت يدها على صدرها: هيييي
زهره فنصت : مد يده عليك ؟ يحسابها سايبه مالا؟
فاطمه فنصت في زهره: زهره اسكتي
زهره لوت شاربها
و ردت انظارها لعبير : نبي نعرف بالتفصيل
عبير تخزرطت : اه؟ بالتفصيل ؟
و قعدت ترمش ف عيونها
فاطمه رفعت حاجبها: كنك استكيتي انتِ؟
عبير زمطت ريقها : باهي توا نحكي
فاطمه: احكي
عبير خذت نفس عميق: تعاركت مع نجوى وكنت غلطانه فيها و صارت قصة كبيره هي فتنت عليا و تبلت عليا ركب يوسف و تعاركنا و بعد عرف الحق اعتذر مني لكن انا صكرت راسي و قتله شيلني حوش بوي
سميره: خزي عليها نجوى الكلبه
عبير : يوسف خذالي حقي منها ثالث و مثلث
فاطمه هزت راسها عرفت ان بنتها ما تبيش تحكي القصه الصح لان القصه هذي ما خرطت مشطها .
