البارت الهام الي نزل قبل فتره وحذفته مش مني من قريبتي الي تبي الحساب
صاح انا ننهار وحزينه لكن نبي نكمل والكل حثوني ع اكمال الروايه
ومرت السنوات وكبر عبدالرحمن وغيث وزاد عليهم ولدين وبنت
عبدالرحمن 1997
غيث 1998
أيوب 1999
ميار 2001
مُعاذ 2002
واخيراً طلعت بطلتنا
تبدا قصتها من
-2015-
ميار :
-اليوم طلعت نتيجتي من 3 اعدادي ونجحت بـ ممتاز 92 والحمدلله قريت قبل اندادي بسنه يعني عمري 14 عام
-انا دلوعة بابا وماما لان البنت الوحيده لكن مش دلع الخياب
-نموت في حب علي ولد عمتي سناء مع ان هي وماما ما يتواطننش
بس عمتي سناء تحبني و علي برضو نحس فيه يميل للجو متاعي
-بس لما نحكي لـ "شهد" راجي نعرفكم عليها هذي حبيبتي واختي وصاحبتي بنت عميمه نسرين الي تروي لكم في القصه نفس عمري هيا تزوجت عميمه نسرين ف البيضاء لكن بحكم شغل عمو صلاح نقلت بنغازي
-وصديقة الحوش كله
-عموماً نردوا لموضوعنا
-بس لما نحكي لـ "شهد " تقولي فوتي هـ المواضيع وهو ماضني يحبك لو يحبك يجي يخطبك او يعطي فيك كلمه اقل شي وديما علاقة الاقارب ما تجيب الا المشاكل وان هذا حب مراهقه وسيورك تكبري وتنسيه وتحبي شخص ثاني ومن هـ الكلام
-مع انها ولا عمرها دارت علاقه ع قولتها "المدرب عمره ماينزل الملعب"
-اه ونسيت نقوللكم شرينا حوش لاصق في حوش جدي وفتحنا حاجرنا ع حاجرهم "حاجر. صور. منور"
"من توا ح يكون اغلب الاحداث ع لسان ميار"
___
يوسف واقف في الطمبخ يحكي مع عبير بصوت واطي
عبير : تي كيف نبي نقولها لهم عليك حشمه
يوسف يضحك عليها: شن الي عليك حشمه شن فيها؟
عبير تندب في خدودها: كيف شن فيها ؟؟ اصغر عيالك عمره 13 عام واكبرهم عمره 18 عام كيف نقوللهم جايكم اخ ف الطريق تي عليك حشمه بعد هالكبر تي كيف درناها نحن بس
يوسف يضحك: نقولك كيف درناها؟
عبير : انا وين وانتَ وين ؟ حي ع الحشمه حي وصبايا خوتي وسلفاتي وخواتي تي كيف نبي نقولها ووه عليا ووه
يوسف مسك يدها وبحزم: شن فيها؟ نحن ما درنا لا حرام ولا عيب بل درنا الحلال انا فرحان وسعيد جداً بـ البيبي هذا وان بعد يزوجوا كلهم يقعد مازال في حد يملا حياتنا لو انتِ مش فرحانه بيه انا فرحان وبكل أخرى بيه !
عبير تبحت فيه وعيونها غارقات دموع : بس حشمه
يوسف حضنها وضحك: يخرب بيت دموعك الي بعد هالعمر هذا كله مش قادر نتحملهن
عبير خاشه في حضنه وبقوه وحاطه راسها ع صدره
يوسف: مافيها شي يا عبورتي اهدي توا نجيبها لهم انا
عبير باست صدره وهزت راسها
بس بعدت عنه بسرعه لما سمعت صوت ولدها عبدالرحمن يتنحنح وجاي شور المطبخ
يوسف يضحك: ياخوافه شن فيها
عبير تضحك بصوت واطي : عيب تحشم عمرك 44 عام
يوسف يضحك عليها: ع اساس انتِ الصغيره
عبير: صغيره ها امالا ش...
قص عليها عبدالرحمن: السلام عليكم؟
: وعليكم السلام
عبدالرحمن حط يده ع بطنه: ايش لمور؟
يوسف: تمام ايش امورك انتَ
عبدالرحمن:جيعاننن شن غدانا
عبير: خسا الجوع غدانا باميه ورز هي توا نحط
عبدالرحمن: نبدل دبشي ونجي
عبير : كلم خوتك معاك
عبدالرحمن وهو طالع: حاضر
