يوسف ينادي : عبير يا عبير
عبير: جايه جايه
هي في امان الله
سعيده: مع السلامه بنيتي
عبير : سلمك
نجوى: ارجي هذا صندوق فيه حاجات الي كانن في دار يوسف زمان خوذيهن له
عبير : تمام وركبت
___
يوسف يتفرج على الاوراق الي في الصندوق
جت عبير وخذت ورقه
وقعدت تقرا فيها
عبير :حي يا يوسف كنت تكتب في شعر ؟
يوسف: اه ؟ لا مش ليا هذينا
عبير: لكن هذا خطك
يوسف توتر: ها؟ كنت نكتب فيهن لصهيب صاحبي هو يطلب مني عشان يشيلهن لنوران ايام كان خاطبها
عبير: به عليش قاعدات عندك توا
يوسف: قتله عطيهن ليا لان انا اللي كاتبهن نحب نححتفظ بالحاجات اللي كي
عبير: اها الكلام انتَ تخترع فيه لانه سمح
يوسف: اها
عبير: وعيون من الي كنت توصف فيهن؟
يوسف: اه ؟ لا من راسي ما عيون حد
عبير : اها
___
🌞🌞
نوال : صباح الخير عبوره
عبير: صباح الخير نونه خشي افطري معانا نونو
نوال: لا الحمدلله فطرت صحه
عبير: سلمك
نوال: ايوه قالتلك نجوى سيقي الدروج و معاهن الحاجر القدامي و كنسي المربوعه
عبير انزعجت : بس انا نبي نطلع اليوم مش قاعده في الحوش
نوال: امم به توا نمشي نقوللها
عبير: قوليلها ت نسيق الدروج لكن الحاجر و المربوعة عندي طلعه مانقدرش
نوال: تمام ونزلت تجري
يوسف ياكل: شن في؟
عبير بعصبية : را مش عيشه هك يجن خواتك ويتأمرن عليا معليش في البدايه قلنا ماشي نمشوا حاجه و اثنين لكن خلاص را صمطنها نسيق الدروج و نضم المربوعه و نسيق الحاجر و نركب نضم شقتي ونرضع ولدي و نسوي غدايا واجد هك را مش عيشه
يوسف: شن نديرلك يعني انا من البدايه قتلك مواضيعك انتِ و خواتي مش شوري بيهن ما تسيقي و فوتيهن و بعدين انتِ عودتيهن على الدلال وقعدتي تقولي لا انا نسيق كذا و كذا و كذا
عبير بصوت عالي : اصلا انتَ ديما داير الغلط مني و ما
قطع عليها يوسف وخبط يده على الطاوله: ما تعلي صوتك عليا مره ثانيه فاهمه
عبير جت بتحكي سمعت صوت عبدالرحمن يبكي
خشت وطبقت الباب
مسكت عبد الرحمن ترضع فيه
وسمعت صوت الباب طبق
____
قابل نجوى على الدروج
يوسف: وين؟
نجوى: نبي عبير
يوسف: شن تبي فيها؟
نجوى: نتفق انا وياها على جدول التسييق
يوسف: هش شورها دروجها وشقتها انزلي هي
نجوى: كيف دروجها وشقتها بس؟
يوسف: عاجبك باهي مش عاجبك برضو باهي وهي انزلي
نزلت نجوى تجري وهي تخبط
يوسف: بلا تخبيط را نكسر راسك
____
صالح: منى منى
منى: نعم؟
صالح: ديريلي قهوه راسي مصدع
منى : حاضر
يوسف: خير
صالح: خيرات
يوسف :وين امي؟
صالح: مشت تعزي هي وباتي
يوسف: في من؟
صالح تنحنح: اححم عيت عمي خالد
يوسف :لا حول ولا قوة الا بالله من مات عندهم؟
صالح غير اتجاه عيونه : بنته سلمى
يوسف حط يده على راسه: الله اكبر الله اكبر
لا حول ولا قوة الا بالله ربي يرحمها
وعيونه رقرقن
صالح: خبطتها سيارة يحسابوها خبطو ساهله يعني كسور بس لكن راسها خبط قدام وطلع عندها ورم في الدماغ
يوسف : لا حول ولا قوة الا بالله انا لله وانا اليه راجعون
صالح : ربي يرحمها شن صار في القهوه يا منى
___
سعيدة : انا نريد نروح
سالمه: توا انادي على جمعه وروحي انتِ وياه انا مانقدرش نسيب امباركه
سعيده: روحي توا تردي في العشيه
سالمه: لا ما نقدرش نسيبها و نبي نسوي الغداء
و صبت :توا ندور شي وليد و نقوله يناديله
سعيده: باهي
___
ناصر : صفاء مش توا نقنع امش قبل
صفاء: و عليش امك ماتبينيش ان شاء الله ؟
ناصر: مندري مش راضيه وانا نقنع فيها
صفاء : وشن فيها خير مني عشان ما ترضى بيا كنه ان شاء الله ؟
ناصر: لا لا هكي بديتي تغلطي را
صفاء: ما غلطتش عليش امك مش راضيه بيا ان شاء الله ؟ مش من مستواكم و الا غايره من امي ؟
ناصر: لا لا لا هكي مايصيرش وصلتي في امي و انت مازلتي ما وصلتي حوشي كان توصلي حوشي ايش تديري؟
صفاء: كلمة الحق زعاله
ناصر عصب: بلا قلة ادب و احترمي نفسك
صفاء: لا مش محترمه عقاب العمر انتَ تربيني ؟
ناصر خذا نفس عميق: صفاء
صفاء وهي تشقلب في عيونها: ها؟
ناصر: الي بينا انتهى وانتِ ماتعرفيش حد اسمه ناصر
من يوم و غادي
صفاء: لا نا
صكر الخط
__
عبير نازله بغداء لحوش عمها
حطت الصحن في المطبخ وخشت لسعيده في الدار
سعيده: يا مرحبا
عبير: مرحبك امي ايش حالك
سعيده: سلم حالك ايش حالك انتِ
عبير: الحمدلله وين عمّتي ؟
سعيده: في عزاء بنت امباركه
عبير: لا حول ولا قوة الا بالله ربي يرحمها ان شاءالله
نجوى: هذي كان يبيها يوسف من زمان سمحه سمحه سمحه كانت ياما دار عشان ياخذها لكن ولد عمها سبق يوسف وحجرها وبعدها بشهرين خطبك انتِ عشان وسكتت
منى: اي والله ياما دار عليها ربي يرحمها
نجوى: والموت سبقهم هم الاثنين و خذاها
عبير انزعجت : ربي يرحمها
نجوى: عليك سماحه كانت فيها عيون واسعات و قهويه وغثيث اسود يخبط لعند ركبها و هذك المبسم و هذك الجسم ويوسف كان يموت في عيونها وديما يكتبلها في شعر عليهن بصراحه يهبلن واهدابها طوال ومغطيات عيونها
عبير انغصت
سعيده: وتوا ماتت ويوسف نساها ويحب مراته و بلا فتنه يا العانس و صبي حطي الغداء
عبير : عن اذنكم
ركبت للشقه لقت يوسف مقمعز في الصاله و يدخن
عبير: نحطلك غداء
يوسف بصوت مخنوق: لا لا ما عنديش نيه
عبير قربت منه: زعلان عليها ؟
يوسف بحت فيها ومستغرب ؟
عبير: زعلان عشان ماتت ؟ كنت تبيها صاح؟ خذيتني عشان تنساها؟
يوسف رفع حاجبه : شن تحكي انتِ خليني في حالي؟
عبير: تحبها اكثر مني حتى بعد ماتت مش قادر تنساها
يوسف: عبير خشي تغدي وفوتيني
عبير: مش قادر تنساها لدرجة انك محتفظ ب الشعر اللي كنت تكتب فيه لها و امس طلعت الشعر و تشوف فيه حنيتلها؟ شفت حنيتلها خذاها الموت
يوسف ماسك روحه بالغصب : عبيررر خشي الدار واقلبي وجهك
عبير: تلز في ع خاطرها كنت نحساب اني اول حب ليك زي م كنت تقول طلعن واجد قبلي
يوسف انفجر :اها واجد قبلك وانتِ خذيتك عشان ننساها وكل الكلام اللي قاتيه صح خشي واقلبي وجهك
عبير قعدت تبكي وخشت تجري للدار
وبدا عبدالرحمن يبكي شداته وقعدت تسكت فيه ما باش يسكت عيطت عليه :اسكت اسكت صكر فمك
اسكت هس هس
وعبدالرحمن يزيد في العياط
انفتح عليها الباب بالقوه
يوسف كر منها عبد الرحمن: هييييي شن تحسابي روحك عيل صغير نلقاك مره ثانيه تهزبي فيه ما تلومي الا نفسك مالاش علاقه بهبالك هو !
وطلع وخبط الباب
"الرواية كلها خبط بيبان"😂
