يوسف مقمعز في الصاله و يهز في كراعه ويعصر في يديه
طلعت عبير من الدار
يوسف بحت فيها ورد بحت قدام
يوسف وخانقته العبره : خشي جوه
عبير خذت نفس عميق: مش ح نخش لين نفهم عليش انتَ هزبتني و ضربتني
يوسف بحت فيها وبعصبيه: دايره روحك مش عارف وانتِ خنتيني ؟ خنتي الثقه الي عطيتها لك ؟ عبير انا حبيتك فاهمه شن معنى حبيتك وعطيتك كامل الثقه وعقاب العمر ولما قعد بينا طفل تخونيني ؟
عبير عيونها رقرقن: شن اللي خنتك؟ كيف عرفت ان خنتك
وقالت بحده : يوسف انتَ ح تحكيلي القصه كامله و لو طلعت غالط ف حقي وطلعت انتَ غالط مش ح نقعدلك فيها دقيقه!
يوسف: ان شاءالله يقعد في غلط بس !
عبير بحتت فيه و رفعت راسها عشان دموعها ما ينزلنش
يوسف: وين كنتِ قبل ما نركب يا هانم؟
عبير: كييف وين كنت كنت في الشقه اكيد؟
يوسف عيط عليها :مازلتي تكذبي مازلتي تكذبي خشي جوهههه خشي جوهه وقعد يكسر في الحاجه الي تجي قدامه خشي جوهه يا كلبه خشي ما نبيش نشوف وجهك خشييي و يعيط و يكسر
وبحت فيها وقرب منها وفنص: مش قتلك خشي
عبير خشت للدار تجري وسكرت الباب وهي تبكي
يوسف قعد يخبط لين وصل في الارضي لقاه مفصول من الضي علقه وفجاه
___
جلال: سناء انتِ الي وصلتينا لـ ه المواصيل وخليتي ايدي تنمد عليك
سناء تبكي : تمد في يدك عليا هذي عقابها؟والله ما قاعدتلك فيها دقيقه!
جلال:انا ما مديتها من فراغ انتِ الي عليتي صوتك وخليتيني نوصل فيك
سناء حاطه يدها ع خدها وتبكي : توا تشيلني لـ هلي هالوقت انا مش قاعده فيها دقيقه
جلال: سناء انتِ حامل اهدي الدكتوره قالتلك لازم تهدي عشان البيبي ما يصيرله شي
سناء : لا لا لا توا ه الوقت تشيلني لحوش باتي وطلعت الشنطه وقعدت تحط في الدبش
جلال: سناء اهدي
سناء: لا لا مش قاعده
جلال: اخر مره نقولك اهدي واقعدي
سناء حطت الدبش كله ولبست عبايتها: هي مش قاعده انا
جلال خذا مفتاحه وطلع من الدار :نستنى فيك في السياره
سناء طلعت ولحقاته
__
نبيله: كيف؟
نجوى: تعالي باتي عندي توا!
نبيله: ساعه ١٠ ونص توا يا نجوى بعقلك انتِ؟
نجوى: اها بعقلي تعالي باتي عندي ماما مش قاعده و يوسف ومراته فوق وصالح يرقد في شقته
نبيله: باهي باهي نلبس دبشي ونجيك
نجوى: فيسع
نبيله: عليش تبيني نجي باهي؟
نجوى: اه؟ نخاف بروحي ونبي حد يونسني
نبيله: باهي هي
نجوى: خمس دقايق نلقاك قدامي
نبيله: باهي باهي
وصكرت الخط
مبروكه: ياساتر كنها؟
نبيله: اه؟ قالتلي خايفه و مكسده بروحي تعالي باتي عندي
مبروكه ب استغراب: في هـ الوقت؟
نبيله: اها يام نمشي؟
مبروكه: به اسالي بوك بس
نبيله: بابا مش ح يرفض هي نمشي نوتي روحي كلمي ولدك بس يشيلني
مبروكه: باهي وخوذي من الكيكه الي درتيها في العشيه قاعد منها في الثلاجه
نبيله: باهي
وخشت تغير في دبشها
___
ايات مقمعزه في سريرها وايه متكيه في سريرها وحاطه راسها على فخذت اختها جنات ويهدرزن
ايات: زعمك عصبي؟
ايه: لالا ماضنتي
جنات: عبير كانت تقول عليه واعر بكل
ايات :حي علي امي كان يطلع واعر جد
جنات: حتى وكان واعر تقدري تخليه ساهل وغمزتلها
ايه وجنات ضحكن
ايات مش فاهمه: كيف؟
ايه: فوتي فوتي
ايات: به كيف ندير
جنات: غير اجوزيه وبعدين كان طلع واعر لكل حادث حديث
ايه: اي اي خلونا نهدرزوا موضوع تاني
جنات: حي خلي نهدرزلكن على صبيتي سميحه شن دارت في خطبتها اول امس
ايات سقمت قعدتها: شن دارت
جنات :
__
يوسف بحت في الارضي وتذكر !
كلام الشاب : مش رنيتي عليا وقلتيلي تعال ؟
يوسف: به والارضي مفكوك ممكن هيا فكاته عشان مايرنش عليها !
لكن انا ما عمري حسيت عليه انها متغيره عليا او كارهتني او تقعد على الارضي واجد و مسيبتني !
