فاطمه وزينب: السلام عليكم
ايه : وعليكم السلام سلمت عليهن
تفضلن
فاطمه: زيد فضلك
قمعزتهن في الصالون وخشت تكلم في امها
وردت قمعزت معاهن
فاطمه : عرفتيني؟
ايه ابتسمت باحراج: لا والله
فاطمه: انا فاطمه جارتكم ام عبير وهذي زينب كنتي
ايه : عبير بنت عمي حامد الله يرحمه؟
فاطمه: ايوه
ايه: اي عرفتك كيف حالك يا عمتي
فاطمه: بخير الحمدلله
خشت
نجمة مرات الشيخ حمد: يا مرحبا يا مرحبا عاش من شافك يا فطومه
فاطمه: تعيشي كيف حالك وسلمت عليهن
نجمه: يا اهلا بزوبه شن حالك شخبارك ؟
زينب : الحمد لله كيف حالك انتِ
صبت ايه توتي في ضيافه
__
نجمه: وين لكِ زمان مش باينه يا فطومه؟
فاطمه: والله لهينا بمشاغل الدنيا
نجمه: ان شاء الله خير
و بحتت في زينب: كيف حالك انتِ يا زوبه وكيف حال الكتاكيت الصغار
زينب ابتسمت: الحمدلله مهبليني
نجمه ابسمت
وخشت ايه تقدم في الضيافه
فاطمه: صحيتي عليش متعبه روحك
ايه: مافيش تعب
زينب: سلم يديك
ايه: سلمك
نجمه: جزيتي بنيتي
ايه: و اياك ماما
و قمعزت جنب زينب وقعدت تهدرز معاها
زينب: تشبهي سالي بس بعيون خزش وضحكت
ايه ضحكت بصوت عالي : ههههههههه عليك تشبيه ديما بنت خوي كل ما تشبحني تقولها لي
زينب ابتسمت : والله نحكي جد
ايه ابتسمت: انتِ ماشاءالله عليك قنينه زي السوريات
خشت ايات وهي تحك في عيونها و شعرها مطلوق لعند نص ضهرها و لابسه توته نص كم واضح انها واعيه من النوم :ضحكتك سمعها الش ء ء ء ء و انصدمت لما شافت قدامها صبايا
وخشت تجري
ضحكت فاطمه بهدوء : نجكلي انفجعت
ايه ابتسمت: منوضها بابا بكري اليوم ع الفجر و ما خلاهاش ترد ترقد قاللها ما تردي ترقدي لين نسمع عليك البقره كلها اليوم و ما رقدت الا بعد الغداء
فاطمه ابتسمت: ماشاءالله ربي يثبتكم و يثبتنا ان شاء الله
زينب: ماشاء الله ربي يحفظها
نجمة: سلمكن اوقفي يا ايه قوليلها تجي تسلم
ايه: حاضر يا ماما ولمت العصير وخشت
___
سالمه مصبيه ع الباب تهزب في بناتها : يعطيك قصه في لسانك انتِ وياها مهما يكون تكرهنها بس ما تديرنش هك حي عليكن وحي من خوكن والله ماني حازه عليكن
سعيده: وانا نفنص نفنص وهن شي شي مصرات
سناء: ما دارن شي هن حكن بحسن نيه
سعيده: تي انتن عندكن حسن نيه تي انتن لفاعي اسمحيلي فيها يا سالمه بناتك قليلات ادب الا نويله حشاها
نوال ابتسمت
سناء صبت : لا يا حني الا تربايتنا ايوه
سالمه فنصت في سناء: سناء التكي
سناء طلعت وهي تخبط وطلعن في جرتها خواتها نجوى ومنى
___
عبير طايحه في الدار وتتألم من بطنها : امممم اممم يوسف
يوسف مقمعز في الصاله يرقد في عبدالرحمن ويسمع فيها يحسابها تبكي
لين سمعها عيطت بصوت عالي
يوسف حط عبدالرحمن على الصالون و خش يجري : عبير عبير كنك شن في؟
ويضرب فيها على خدها بشواش
عبير: بطني يوسف بطني
يوسف : كنها كنها
عبير ماسكه بطنها: اممم مغص مش طبي اممم طبيعي
صبا يوسف يجري جابلها عبايتها ولبسها لها ورفعها بين يديه ونزل يجري وينادي بصوت عالي
سناء سناء
يا سناء
سناء طلعت تجري : نعم وبحتت في عبير
: هييي كنها عبير؟
وطلعت في جرتها سالمه: ياستار ؟
"يا ستار قلبي ولع نار " اسفه اسفه تم الخروج عن النص 🤣
