____
بعد يومين
رجاء: امي قالت مافيش داعي للمات
سالم: انا نبيكي تديري لمات واسبوع واسبوعين وشهر انا مش زعلان لانها جت بنت البنات هن المؤنسات الغاليات
رجاء: نجك ليا بس نمشوا كلام امي وخلاص
سالم: لا يعني لا ه تديري اسبوع ولمات تم الكلام
رجاء: حاضر
___
فاطمه: يا اسلام يا اسلام
اسلام جاها: نعم يام
فاطمه ببتسامه: قمعز يا وليدي
اسلام قمعز باستغراب
فاطمه ابتسمت:كلمتني توا مراة الشيخ حمد نجمة قالتلي انهم موافقين وتتفضلوا في اي وقت
اسلام ابتسم : به الحمدلله الخميس نمشوا نخطبوا
فاطمه ضحكت: كنك مستعجل راجي نفضي راسي من مواضيع خوك وبعدين ساهل
اسلام: يعني امتى يام؟
فاطمه: توا نشوف امها في لمة بنت خوك و نتفقوا انا وياها
اسلام: تمام وصبا حب على راسها وجا بيطلع بعدين رد
فاطمه بحتت فيه باستغراب: كنك يا وليدي؟
اسلام حك راسه بتوتر: بعد خطرها يا امي
فاطمه: ايش؟
اسلام توتر اكثر: كم عمره ء ء تايات
فاطمه ضحكت على توتر ولدها: اسمها ايات يا وليدي
اسلام ضحك ب توتر : اها ايات كم عمرها؟
فاطمه سكتت شوي وبعديتن تنحنحت و قالت العمر بسرعه:16
اسلام ما سمعها كويس: كم؟
فاطمه بسرعه أخرى: 16
اسلام حط قده على راسه: الله اكبر 16 صغيره يام صغيره بكل
فاطمه: عاد شن نبي نديرلك انا ان شاء الله ؟ انت قتلي نبي منهم ماندي ما نديرلك وانا خذاني بوك الله يرحمه بنفس عمرها را
اسلام: يا امي زمان عن زمان يفرق
فاطمه: مش شوري انا اتفقت مع الوليه
__
سالمه :انا بكرا ماشيه لعمتي في سرت وواخذه معايا نوال ومنى وناصر وجمعه حتى هو ماشي
صالح :ونجوى ؟
سالمه: لا نجوى قاعده
صالح: وعليش ماتخاذيها؟
سالمه: هي تبي تقعد خليها
صالح: باهي كم قاعدين؟
سالمه: اسبوعين ممكن
سالمه: نبي نروح نلقى مراتك قاعده فاهم
صالح: فوتيه الموضوع هذا يام
سالمه بحده: مش فايته نروح نلقاها قاعده غصبن عنك توا في ولد بينكم
صالح هز راسه بـ تسليك: ساهل ساهل
__
عبير: يوسف سيبني في حالي
يوسف: مش مسيبك لين توضي عليا انا شرحتلك ان هو كان حب عابر وبس و جعتني لما ماتت بالخبيث هي يا عبورتي خلاص سامحيني والله انا نحبك ما عمريش عشت قصة حب كييف ما عشت معاك انتِ اغلى شي في حياتي "وباس ايدها" سامحيني
عبير ابتسمت: خذيت بعقلي حلاوه
يوسف ضحك
___
بعد يومين
يوسف يمشط في شعره: امتى اللمه؟
عبير تلبس في عبد الرحمن : بكرا تشيلني؟
يوسف: تمام
عبير: انت وين ماشي توا ؟
يوسف: ماشي نشوف في قطعة ارض متفق انا و واحد نبي نشوفها الي حكيتلك عليها
عبير: اها
يوسف حط المشط وبدا يلبس في الجاكه: نجوى ما تخليها تقعد واجد بروحه
عبير : حاضر اصلا نبي نكلمها اتغدى معانا فوق وانت كلم صالح
يوسف: تمام
هي اوكي
وقرب باسه على راسها
عبير ابتسمت: في حفظ الله
يوسف نزل باس عبد الرحمن على خده وباس بطنها : باي يا حبايب بابا
___
اسلام: اليوم النضره الشرعيه يا امي
فاطمه : امتى ماشي يا وليدي؟
اسلام: بعد العصر ايش ناخذ معايا؟
فاطمه: خوذ شوكلاطة و راوخ
اسلام: بس؟
فاطمه: اها وخوذ للعروسه هديه
اسلام: هديه زي شنو؟
فاطمه: اسوارة والا خاتم حاجه هك
اسلام: تمام
وحط يده على بطنه : جعنا امتى الغداء
فاطمة: يخسى الجوع نراجي في سليمان مراته عند هلها وبعدها نحط
اسلام: باهي
فاطمة : توا نقول لـ سميره تبدا تسخن فيه
وبدت تنادي : سميره يا سميره
سميره سميرههههه يا سميره
سميره جت تجري : ايوا يام؟
فاطمه: ليا سنه انادي
سميره: كنت نكلم في منصور
فاطمه: اها به ابدي سخني في الغداء
سميره: حاضر
__
نجوى تكلم في النقال الارضي : بعد شوي خويا ح يطلع وانتَ تعال
: تمام مش مصدق مرايفلك بكل يا حبي
نجوى ضحكت: حتى انا بس ح نقعدوا خمس دقايق بس
: لا يحبي ما يسدنش هذينا
نجوى :به عندي فكره
:شنو يا حبي
نجوى: تعال في الليل يقعد الحوش كله راقد
بخبث: ليل ليل تمام
نجوى: تمام هي سلام في انتظارك
: باي يا حبي
____
حمد: خشي يا بنيتي خشي
اسلام رفع عيونه وقعد يتفرج على ايات
خشت ايات وفي يدها القهوه وكانت لابسه عبايه سوداء ووشاح وردي : ااحم السلام عليكم
: وعليكم السلام
قدمت القهوه لاسلام و باتها
حمد: تعالي قمعزي جنبي يا بنيتي
قمعزت ايات جنب باتها
حمد: نخليكم انا عن اذنكم
وطلع
اسلام رفع عيونه فيها وابتسم: كيف حالك
ايات بصوت هادي: الحمد لله كيف حالك انتَ؟
اسلام: الحمدلله
اسلام: باهي امم نعرفك على نفسي اسلام عمري 26 دكتور عظام عندي حوش نكمل فيه ونحفظ في قران عند الشيخ حمد
ايات تنحنحت وقالت بصوت هادي: تشرفت بيك انا ايات عمري 16 سنه سنه ثانيه ثانوي اممم حافظه القران كله الحمدلله
اسلام ابتسم : ماشاءالله ربي يثبتك ان شاء الله
ايات : وخاطري نقعد دكتوره
اسلام: باذن الله
وشرب من القهوه: احم شن شروطك؟
ايات: نكمل قرايتي
وحطت ضفرها في فطمها بطريقة طفوليه : اوو انا مدلعه هلبا هنا في الحوش ف دلعي في حوش بابا مش ح يقل عن دلعي في حوشك تمام؟
اسلام ضحك على حركتها: هذينا شروطك؟
ايات: اي وانتَ؟
اسلام: انا مطمن من ناحية اللبس والاخلاق ومعاملتك لامي بس انا راجل نحب نروح من العمل تعبان نلقى غدايا ونلقى مراتي تستنا فيا وتستقبلني بوجه سمح
ايات: لا من ناحية الطبخ ماما ديما تشكر في طبخي
اسلام: ما دام هك تمام يعني متفقين
وخش الشيخ حمد
حمد: احم ها شن صار
اسلام ابتسم: ربي يتمملنا على خير ان شاءالله
حمد ابتسم: ان شاءالله
ايات طلعت وهي تتبوسم
____
: نجي توا عادي
نجوى: امم مش عارفه
: كيف مش عارفه مش اتفقنا يا حبي؟
نجوى: اها اتفقنا تمام لكن مش عارفه
: خلاص توا نجيك توا
نجوى: بس
: ما بسش راجيني قدام الباب
نجوى ابتسمت : تمام
: هي سلام ثواني ونكون عندك
نجوى: سلام
