طقق طق
عبير تلبس في ملاية الصلاة: هي هي
فتحت الباب
عبير مدت يدها تاخذ في عبدالرحمن : سلمك جياب
ناصر: سلمك
عبير: خش تعشا مع يوسف قاعد يتعشا
ناصر حط يده ع بطنه:شن عشاكم ؟
عبير: مكرونه جاريه ومشروب
يوسف من جوا: خش ياناصر
ناصر سلح كندرته وخش
ناصر: البنه فايحه
وخذا كشيك وقمعز احذا يوسف ع طاولة الاكل
___
ناصر في عقله: نسألها شن اسم بنت خالتك والا لا زعمك نسألها لالا بايخه شن ليا علاقه توا تقول عليش تقصقص وتطلع مرَاشت خوها وتديرلنا قصة
نفوتها خير
لكن عليها عيون
يوسف خبطه ع كتفه: في ايش تفكر
ناصر : اه ؟لا شي
يوسف غمزله: كيف طحنا؟
ناصر: لا عيب عليك
____
نجوى طلعت من دارها لقت منى تكنس: صباح الخير
منى : صباح النور
نجوى: من جايكم؟
منى: شن قصدك مانضموا في حوشنا الا اذا جاينا حد؟
نجوى: لا بس المخدات مرتبات اكثر من افكاري
اذا كانن شكل المخدات معين معانا جايين ضيوف واذا مربع معناها ماجاينا حد
"تقريبا كل حواشين ليبيا هك😂"
ناصر خش وفي يده شكارة خبزه : اوووو من جاينا ع الصبح ؟
نجوى ضحكت: توا كنت نسأل فيها
منى: شن قصدكم مانضموا حوشنا الا اذا جاينا حد
ناصر: اها🤣 لا نبصر لكن الارضيه المع من حياتي اكيد جاينا حد
منى: اففف لا مش جاينا حد
ولفتت انظارها لنجوى عندك الحمامات حكيهن انا ضميت الحوش كله
____
سليمان :اهه
زينب : سلامتك كنك؟
سليمان:قلبي نحس فيه
زينب : سلامتك امشي دير تحاليل
سليمان: تعالي نبيك شوي
زينب قربت : نعم؟
سليمان حط يده جنبه: تعالي قمعزي احذايا
زينب قمعزت
سليمان: بوسيني دوايا عندك
زينب باساته وضحكت
سليمان: اههه هذا وين ارتحت
زينب: ههه عقاب عمري قعدت مسكن
خشت اماني : اححححححححححمم السلام عليكم وابتسمت
_____
رجاء حاطه يدها ع بطنها وتبرم في حوشها :اممم اه
سالم: تعبانه بكل؟ نشيلك ؟ را تقعدي تبي تجيبي؟ را ينزل علينا العيل؟ جاكي الطلق؟
م بطلش اسئلة
رجاء تعيط: اممم اهههه شكلي خلاص اههههه سالمممممممم
______
سميره: والله جابت هالوقت
عبير:ماشاءالله شن جابت
سميرة:بنيه كتكوته تهبل
عبير :حي مادام الساعه ١١ خلي نجيكم مادام مازال صبح
سميرة:اي تعالي
عبير:هي ف امان الله نمشي نقول لراجلي
سميرة:سلامم
يوسف يوسف
يوسف:ايوا؟
عبير:هي نمشوا للبيضاء
يوسف: ياساتر ليش؟
عبير: مرات خويا جابت بنوته كتكوته هي حبيبي خلينا نمشوا بلييززززز مادام مازال صبح
يوسف:امبهه توتي روحك على السريع تجي ساعه ١٢ وما طلعناش نقعدوا في الحوش
عبير تنقز: تمام تمام نجكلي وخلاص
وخشت توتي في روحها
وترن ع زينب
زينب: طلعتي؟
عبير: مازال ساعه ١٢ طالعه
زينب: تمام معناها نطلعوا مع بعضنا
: تمام في امان الله
: مع السلامه
___
سالم ياذن في وذن بنته
رجعه ام رجاء:بنت مره اخرى؟ المره الجايه لازم تجيبي عيل
فاطمه:وكنهن البنيات
رجعه:لا ماقلنا شي لكن لازم المره الجايه عيل
رجاء:ياماما الي يجيبه ربي يامحلاه
رجعه:اي عارفته لكن المره الجايه عيلل
سالم: اللهم بارك على بنيتي محلامي كلهن والا
زهره:اي والله نسختك
سالم يحب في خدها:نجكلي وخلاص
فاطمه: لااا ماتتحملش الحبحبه ياوليدي
سالم:باهي يا امي
___
كوثر تقصقص في صالح راجلها: وين ماشيين؟
صالح يسلح في سوريته: للبيضاء
:وماقالكش عليش ؟
:نسيبه زايد عليه مولود
:امتى زاد عليه غريبه امس ماحكتش هي
: شكله اليوم
: ياحظها جابت مرات خوها تسكن بعيد ومن اول يوم مشتلها ينعلي ياحظي الاسود انا بيني وبينها شارعين وبعد ثلاث ايام والا اربعه بيش نمشيلها
:توا قعد حظك اسود وشين؟ اطلعي اطلعي وصكري الباب نبي نرقد
عضت يدها بغضب: اممممم ماشي ياصالح وطلعت وطبقت الباب
____
عبير تبوس في بنت خوها: ياخيتي بناكلها كيكه بالفانيليا
زهره :كيكه؟
عبير تضحك وتلعب في بنت خوها
فاطمه: بشويا عليها البنيه صغيره
عبير صحكت :حاضر يا امي وحطت البنوته جنب امها
ربي يخليها لكم
رجاء ابتسمت
عبير : وين سويره
رجاء: عند سهام اختي
عبير: اها وشن تبوا تسموا السمحه هذ؟
رجاء : سُندس
______
سميره: زينب
زينب: ايوا؟
: وين عويلتك؟
: حطيتهم في حوش امي هما واماني
:اها خالتي مش جايه؟
: لالا كرعيها يسطرن فيها قالت توا نجيها فالحوش
: اها هي رجاء احتمال تبات ف المستشفى اليوم
_____
سليمان: لا والله العيشه في البيضاء خير من بنغازي بنغازي زحمه واجد وهرجه مش كيف البيضاء الصراحه البيضاء خير
سالم: حتى البيضاء بدت ف الزحمه وتوا ف العطله قعدت زحمه واجد الي هذا دار كرهبه
يوسف: لكن مش كي زحمة بنغازي
سليمان: اي والله
سليمان: ايوا؟
: خيرر
: خيرات تفضلي اختي؟
: كيف حالك سلومي؟
: سلومك ؟ تحشمي على وجك يا قليلة الحيا
وسكر ع وجهها
يوسف: كنك؟
:قليلة الحيا كاثرات
سالم: معجبات🤣
_____
صالح: كوثر ديري قهوه جايني صاحبي
كوثر: ماعنديش سكر
صالح: خوذي من لوطه
كوثر:ماعنديش حاجه نحطها مع القهوه
صالح رقاله :حتى بشكوط عادي
كوثر: مافيش
صالح: تيي شن هالعيشه السوده الي معاك هذي؟ مشيها تمشي لكن انتِ لا لازم نعك ونخرب الموضوع تي هابا على بختي انا شن جابني لوجع الراس انا بس
كوثر: بعد ماحملت قلت شن جابني لوجع الراس ماكنا ع البر كنك ماقلتها
صالح وجها منحمر قريب ينفجر بحت فيها ورفع حاجبه: يعني انتِ رايدتيه
كوثر:والله المكان الي مايديرلي قيمه مانديرله قيمه
صالح:توا طلعت مش دايرلك قيمه ؟ بعد هالدلع والجيب والشيل والدلال ونبي هديه لفلانه وهديه لعلانه وفرح فلانه ولمة علانه وتوا هذا كله مش عاجبك؟
كوثر: كله درته بعد الف عركه وستين الف مشكله
صالح: توا طلعت مش عاجبك تي تم بكل معش نبي منك شي
وطلع وطبق الباب بقوه
___
نجوى: باركي لسناء يا امي
سناء:باركيلي يا امي باركيلي
سالمه: مبروك يابنيتي بس عليش؟
سناء: حامل يايام انا حامل
سالمه: لولولولولي هالنهار عليه ندور
وتبوس في سناء
نجكلي مبروك مبروك
صالح: خير كنكم صوتكم طالع
نجوى: انتَ ومراتك الي صوتكم طالع
سالمه: اسكتي انتِ
صالح: صكري فمك انتِ وصبي ديريلي قهوه جايني راجل
سالمه: ينعلي يا وليدي منكده عليه مراته العوبه
نجوى ماشيه شور المطبخ: جوزيه
